Accord entre Guillaume Bâtard, chevalier, et Pierre, abbé de Nouaillé, pour régler leurs litiges à Millécu, en Aunis.

l.1 Considerandum est igitur omnibus mortalibus ut si aliquis male erga Dei occulos perpetraverint,
l.2 vel terras sanctorum invaserint quantocius timore penarum anime peniteant. Quapropter super his
l.3 igitur fieri volumus quod tempore Philippi regis Francorum, Petrus qui cognominatur Willelmus, dux Aquita-
l.4-norum filius Agnetis comitissȩ, cuidam militi nomine Willeimo Bastardo quandam porcionem
l.5 terre dedit in Alniensi pago qui vocatur Millia Scuta, sed cupiditate namque que omnium
l.6 malorum est nutrix ductus, invasit etiam simul magnam partem terre sancti Juniani que juxta
l.7 illam aderat et uno molendino ita ut aquam ipsius molendini qui erat in terra sancti Juniani natu-
l.8-raliter constitutus fecit currere de altera parte et fecit ibi unum molendinum cum mocachis Sancti Mar-
l.9-cialis. Quo viso Petrus abbas Nobiliacensis convocavit ipsius Willelmum, cepit accusare eum qua
l.10 causa ita male invaserat terram sancti. Ipso vero respondente se non bene egisse adquievit sermoni
l.11 illius dimisit omnia que male invaserat. Tum demum fecit placitum gratantissimum cum abbate,
l.12 tale ut daret illi terragium de terra que vocatur Bergereza, ita ut aquam ipsius molendini
l.13 quam injuste tulerat ad locum pristinum remitteret scilicet ut abbas illuc molendinum fecisset,
l.14 et terciam partem illi dimisiset. Et fuit convenientia ut abbas illic ecclesiam fundaret
l.15 in honore sancti Juniani. Ipseque Willelmus donum fecit sancti Juniani de decimam quam habebat
l.16 in terra qui est apposita juxta Bergereza et de illa quam in futuro possessurus esset, et ut
l.17 eam quam sui milites habebant deliberasset, et ad sanctum dimisisset. Insuper et ortos qui
l.18 deforis sunt dimisit, ipseque Willelmus de singulis annonis suis que illic delate essent
l.19 tribueret altari ipsius ȩclesie tria sextaria, atque pro remedio sue anime si vellet aliquid
l.20 daret alicui sancto, non dimitteret sanctum Junianum pro ipsis. Hec enim convenientia permanet,
l.21 firmata per manus abbatis Petris et Willelmi Bastardi vel Widonis Pictavorum comitis,
l.22 atque Arnulfi episcopi, et Bardoni prepositi terre supradicti et Bosoni filii Geraldi de Beneonensi.