Grégoire VII, pape, confie à Hugues, abbé de Cluny, le gouvernement du nouveau monastère de Poitiers qu'il assure de l'immunité. L'abbé de Cluny désignera l'abbé de Montierneuf.

l.1 GREGORIUS, EPISCOPUS, SERVUS SERVORUM DEI, DILECTO
l.2 in Christo filio HUGONI, abbati monasterii beatorum apostolorum Petri et Pauli constructi
l.3 in loco qui dicitur Cluniacus. Supernȩ miserationis respectu ad hoc universalis ȩcclesiȩ curam suscepimus, et apostolici
l.4 moderaminis sollicitudinem gerimus, ut justis precantium votis attenta benignitate faveamus, et
l.5 libramine ȩquitatis omnibus in necessitate positis quantum Deo donante possumus subvenire debeamus. Precipue
l.6 tamen de venerabilium locorum stabilitate pro debito honore summȩ et apostolicȩ sedis, cui speciali jure ad-
l.7-herent, quantum ex divino adjutorio possibilitas datur nobis, pensandum et laborandum esse perpendimus. Proinde
l.8 juxta petitionem tuam et filii nostri Wilielmi comitis Pictavorum, monasterio quod ipse comes in subur-
l.9-bio ejusdem civitatis in honore beatorum [apostolorum Johannis Evangelistȩ], Symonis et Judȩ construxit, nosque
l.10 ut tibi ac tuis successoribus secundum Deum perpetuo regendum committeremus exoravit, hujusmodi privilegium
l.11 presenti auctoritatis nostrȩ decreto, indulgemus, concedimus atque firmamus. Statuentes nullum regum vel
l.12 imperatorum, antistitum, vel comitum, nullum quacumque dignitate preditum, vel quemquam alium audere de his quȩ eidem venerabili
l.13 loco a prefato comite, vel a quibuslibet hominibus, de proprio jure jam donata sunt, vel in futurum Deo donante, collata fuerint, sub cujusli-
l.14-bet, causȩ occasionisve specie minuere, vel auferre, et sive suis usibus applicare, vel aliis quasi piis de causis, pro suȩ avaritiȩ
l.15 excusatione concedere. Sed cuncta quȩ ibi oblata sunt vel offerri contigerit, tam a te quam ab eis qui in tuo officio locoque successerint,
l.16 perhenni tempore illibata et sine inquietudine aliqua volumus possideri, eorum quidem usibus pro quorum sustentatione gubernatio-
l.17-neque concessa sunt modis omnibus profutura. Item constituimus ut, obeunte abbate, non alius ibi, quacumque obreptionis astutia ordinetur, nisi quem tu
l.18 tuique successores secundum timorem Dei eligeritis. Hoc quoque presenti capitulo subjungimus ut ipsum monasterium et abbates ejus vel mo-
l.19-nachi ab omnis servitii sint infestatione securi, omnique gravamine mundanȩ oppressionis remoti, in sanctȩ religionis ob-
l.20-servatione seduli, atque quieti, nulli alii nisi abbati Cluniacensi aliqua teneantur occasione subjecti. Consecrationes autem ab-
l.21-batum et ȩcclesiarum, et ordinationes monachorum, sive clericorum sepefato cenobio pertinentium, ab episcopo in cujus diocesi sunt acci-
l.22-piant, ita tamen si episcopus canonice ordinatus fuerit, et ordinationem gratis fecerit. Sin autem aliquid horum obstiterit, habe-
l.23-ant licentiam auctoritatis sedis apostolicȩ ad qualemcumque catholicum episcopum eis placuerit causa consecrationis et ordinationis, tam
l.24 locorum quam personarum licenter pergere. Hec igitur omnia quȩ hujus precepti decretique nostri pagina continet, tam tibi quam cunctis qui in eo quo es ordine
l.25 locoque successerint, vel eis quorum interesse potuerit in perpetuum servanda decernimus. Si quis vero regum, sacerdotum, clericorum, judicum
l.26 ac secularium personarum, hanc constitutionis nostrȩ paginam agnoscens, contra eam venire temptaverit, potestatis honorisque sui
l.27 dignitate careat, reumque se divino judicio existere de perpetrata iniquitate cognoscat. Et nisi ea quȩ ab illo sunt male ab-
l.28-lata restituerit, vel digna penitentia illicite acta defleverit, a sacratissimo corpore ac sanguine Dei Domini redemptoris
l.29 nostri Jhesu Christi alienus fiat atque in ȩterno examine districtȩ ultioni subjaceat. Cunctis autem eidem loco justa ser-
l.30-vantibus sit pax Domini nostri Jhesu Christi, quatinus et hic fructum bonȩ actionis percipiant et apud districtum judicem
l.31 premia ȩternȩ pacis inveniant.