Adémar, chanoine de Saint-Hilaire de Poitiers, reçoit de l'abbaye de Saint-Hilaire un moulin construit aux frais de ses parents, après sa mort deux chanoines de son choix le tiendront contre un cens annuel de deux sous.

l.1 In Dei nomine Ademarus ego sancti Ylarii presulis canonicus, notum fieri volui omnibus sanctȩ ecclesiȩ fidelibus tam presentibus quam etiam futuris, quia
l.2 habebam quandam terram sub castello sancti Ylarii juxta fluvium Biberis, quam tenuerant parentes mei, et in qua molendinum duarum rotarum fundaverant. Unde
l.3 tandem beati presulis canonici mecum rationem ponentes correxerunt me, dicentes neque me neque parentes meos satis recte rem tenuisse. Quod equidem
l.4 ego diligentius mente disquirens, rem quoque cum aliis retractans, ad ultimum vero predictum edificium ex propria terra sancti Ylarii, ubi nunc erat mutatum
l.5 injuste comperi. Ergo quia michi injustum visum est, servum aliquid dominum defraudare, pro mee anime salute, sive pro redemtione parentum meorum,
l.6 qui non satis bene rem predictam tenuerant, assensum prebui postulationi canonicorum, jamdictam terram cum edificio beato presuli devote persolvens. Tesaurarius
l.7 autem Gauscelinus, decanus etiam Alboinus, Otgisus necne precentor, ceteri quoque canonici, favente Willelmo, comite, duce atque abbate suo, quoniam ego cum
l.8 antecessoribus meis maximam substantiam expenderamus in predicto edificio, et multum laborem intuleramus, communi consilio et spontanea voluntate
l.9 predictam rem quamdiu viverem donaverunt, et post me duobus successoribus meis canonicis quos ex ipsis eligerem, censum me reddere II solidos decernentes.
l.10 Precamur itaque omnes successores nostros quatenus hanc manufirmam inviolabilem habeant, sicut sua a posteris conservari voluerint statuta.
l.11 Hanc vero, ut firmiori niteretur auctoritate cartam manibus in capitolio attrectavimus nostris, et abbati nostro suisve obtimatibus roboran-
l.12-dam tradidimus.
l.13 S. Widonis quem Gausfridum cognominabamus abbatis nostri. S. Agnetis genitricis ejus. S. Isemberti presulis Pictavensis. S. Willelmi
l.14 presulis Engolisme. S. Aldeberti comitis. S. Bartolomei archiepiscopi. S. Archembaldi archiepiscopi. S. Arnulfi episcopi. S. Hugonis vicecomitis. Ademari causidici. Raimundi abbatis. Petronis abbatis.
l.15 S. Gauscelini tesaurarii. S. decani Albonii. S. Otgisi cantoris. S. Stefani subdecani. S. Viviani succentoris. S. ceterorum fratrum:
l.16 Petronis hospitis, Radulfi, Tetbaldi, Gerardi, Acfridi, Gosfridi, Rotberti, Raginaldi, Letardi, Petri, Hugonis, Ademari, Fulconis,
l.17 Airamni, Bernardi, Ermemari prioris. S. Samuelis, Lanberti, Gosfridi, Willelmi, Gerardi, Hugonis, Roderici, Odelini, Raginaldi, Johannis, Geraldi prepositi.
l.18 ACTUM ANNO AB INCARNATIONE DOMINI MLVIII, REGNANTE ENRICO REGE, AQUITANIE DUCE VUIDONE, SUB GAUZELINO ARCHICLAVO, MENSE NOVEMBRI.