Audebert, comte de la Marche, son frère Odon, Aimeri de Gençay et le fils de ce dernier, Giraud, abandonnent à l'abbaye de Nouaillé tout ce qu'ils avaient coutume de prendre dans la terre de Mairé.

l.1 [chrisme] Ab antiquis viris eruditissimis qui viam veritatis tenere voluerunt sapienter est inventum, ut describerent subscriptione car-
l.2-tularum, quicquid caris et amicis donarent. Quapropter nos in Dei nomine, Audebertus comes filius Bernardi et frater meus Odo et mater
l.3 nostra, necnon Aymericus de Gentiaco et Giraldus filius ejus, reminiscentes ex illo tremendi juditii die, in qua Dominus noster Jhesus Christus daturus
l.4 est unicuique prout gessit sive bonum sive malum, pro ejus amore et redemptione animarum nostrarum, seu pro peccatis nostris quȩ cotidie commitimus,
l.5 has consuetudines quas in curte Mariaco habebamus, et illas quas Aymericus iste de nobis tenebat, Deo omnipotenti et sanctȩ virginis
l.6 Mariȩ sanctoque Juniano dimittimus, amodo et usque in sempiternum, ut de ista hora in antea, ullum servitium nec ullum debitum in illis sancti Juniani
l.7 terris a nobis nec ab ullo christiano requiratur. Hoc enim facimus in presentia domni Guilelmi Pictavensis comitis, et fratris ejus Gaufredi et matris eorum
l.8 Agnetis, atque Gaufredi Andegavensis comitis, ut perpetualiter hȩc prescriptio tenenda sit. Si quis vero aut nos vel aliquis nostrorum posterorum, vel aliqua,
l.9 quod absit intromissa persona surrexerit, qui contra hanc superscriptionem aliquot jurgium insultare presumpserit, in iram Dei omniumque sanctorum incur-
l.10-rat et cum Juda proditore Domini damnetur, seu cum Dathan et Abiron quos terra vivos absorbuit infernalibus claustris inmergatur; insuper etiam
l.11 centum auri libras coactus exsolvat, et quod injustȩ petit nunquam adimplere valeat, et hȩc presens cartula omni tempore firma permaneat,
l.12 manibus nostris firmavimus, et ab aliis firmare rogavimus.
l.13 S. Audeberti comitis et fratris ejus Odoni, et matris eorum, et Aymerici de Gentiaco filiique ejus Geraldo, qui hanc cartam
l.14 fieri rogaverunt. S. Isemberti juvenis. S. Constantini Mellensis. S. Gaufredi comitis Engolimensis.