Guillaume, duc d'Aquitaine et abbé de Saint-Hilaire de Poitiers, accorde à Dacbrandus et Aldegarde, son épouse, deux vignes dépendant de Saint-Hilaire, situées près du château Saint-Hilaire, dans le pagus de Poitiers, moyennant quatre deniers de cens annuel.

l.1 GULELMUS, DIVINA ORDINANTE CLEMENTIA, Aquitaniensium dux, hac cenobii praetiosissimi confessoris Christi Hylarii abbas. Notum esse
l.2 volumus omnibus fidelibus sanctae Dei ecclesiae tam praesentibus quam etiam futuris, qualiter accedens ante nostram praesentiam quidam clericus noster, nomine
l.3 Rainnoni, subdecani, et Arbertus, subparaphonista jamdicti confessoris, per consentiente item Arberti et Salomni cantori deprecati sunt nos
l.4 ut aliquid ex illorum benefitio quod est ex ratione beati Hylarii, pertinente ex fraterna terra, qui est situ in pago Pictavo, prope castra Beati Hylarii,
l.5 in villa quae dicitur Gileveto, videlicet jucto uno de vinea et medio, et media opera plus minus. Sunt laterationes ex circumcincto terra sancti Hylarii.
l.6 Eas res nostrae auctoritatis scriptas cuidam homo, nomine Dacbrando, et conjux ejus, nomina Aldiardis, et duobus successoribus ejus quoscumque
l.7 elegerint concedere deberemus, quod ita et fecimus. Et dumtaxat ratione, singulisque annis ad festivitatem sancti Hylarii, quae evenit kalendis novembris,
l.8 reddant censum denariorum IIIIor cui lex est. Quod si ex jamdicto censu tardi aut neglegentes pro aliqua difficultate apparuerint, geminatum censum
l.9 reddant et jamdictas res nullo modo perdant. Prȩcamur itaque omnes successores nostros qui post nos futuri sunt, ut hanc auctoritatem a nobis inviolabiliter
l.10 factam conservent sicut suam a sequentibus obtaverint conservari. Et hujuscaemodi manufirma stabilis et inconvulsa suo tempore permaneat. Eam cum fidelibus
l.11 nostris pariter firmavimus, eamque domno Gosfredo, praefati coenobii archiclavo, cum aliis fratribus inhibi Deo servientibus roborari decrevimus.
l.12 Si quis vero, si nos ipsi vel quislibet persona contra hanc manufirmam aliquam jurgia inquietaverit, solidos mille cumponat, et quod petit non vindicet.
l.13 [chrisme] Arbertus, signum Rainoni, signum item Arberti, qui hanc manufirmam fieri jusserunt vel adfirmare rogaverunt. [signum] Savaricus archiclavus atque decanus.
l.14 In honore dat Dacbrandus Arberti solidos X, et Rainnoni solidos VI. Signum Salomon precentor.
l.15 Signum GUILELMI COMITIS ET ABBATIS. Signum Hugo. SIGNUM ENGELBALDO. SIGNUM LETARDO. SIGNUM GIRORIO. SIGNUM ITERIO. SIGNUM ACARDO.
l.16 Signum Rainaldo. Signum Geillo. Signum Radfredo. Signum Guilelmo. Signum Adraldo. Signum Custantino. Signum Ademaro. Signum Gosfredo. Signum item Rainaldo.
l.17 Signum Arnaldo. Signum Hucberto. Signum Gunterio. Signum Girorio. Signum Josberto. Signum Goscelmo. Signum Rorgo. Signum item Girorio. Signum Ramnulpho.
l.18 DATA MENSE MADIO, REGNANTE ROTBERTO REGE. SALOMON [ROGITUS SCRIPSIT].

ligne 14 : Signum Salomon precentor, en caractères grecs. ligne 18 : mélange de caractères latins et de caractères grecs. 1