Edition
F. 1 :
Benedictio frondium die dominico in Ramis palamrum.
- Procedens cum canonicis, dominus archiepiscopus ad
ec[f. 1v]clesiam Sancti Petri ad moniales,
ubi benedicturus est frondes et palmas. Cum eo
pervenerit, et ea decantata fuerint quę in illa
ecclesia decantari debent, interea dum subdiaconus
ebdomadarius alta voce lectionem sequentem recitat,
videlicet ‘In diebus illis venerunt filii Israel in
Helym, ubi erant duodecim fontes aquarum’ usque idem
dominus archiepiscopus induitur stola, pluviali
rubeo et mitra simplici ; ac finita
lectione, palmas et frondes benedicens, versa ad
altare facie,altaque et intelli[f. 2]bili voce
legens,hoc infrascripto modo incipit :
- ‘Adjutorium nostrum in nomine Domini’ —
Assistentes ‘Qui fecit cęlum et terram’.
- Archiepiscopus ‘Sit nomen Domini
benedictum’ — Assistentes ‘Ex hoc nunc et
usque in seculum’.
- Archiepiscopus ‘Dominus vobiscum’ —
Assistentes ‘Et cum spiritu tuo’.
- Tum idem dominus archiepiscopus, deposita
mitra :
- ‘Oremus.’
- ‘Deus, cujus Filius pro salute generis
humani de cœlo descendit ad terras et,
appropinquante hora passio[f. 2v]nis
suæ, hierosolymam in asino venire et a
turbis rex appellari ac laudari voluit, ┼
benedicere dignare hos palmarum cæterarumve
frondium ramos, ut omnes qui eos laturi sunt
ita ┼ benedictionis tuę dono repleatur,
quatinus et in hoc seculo hostis antiqui
tentamenta superare, in in futuro cum palma
victorię et fructu bonorum operum tibi
valeant apparere. Per eundem Dominum nostrum
Jesum Christum Filium tuum, qui tecum vivit
et regnat in unitate Spiritus Sancti Deus,
per omnia secula seculorum.’
- Assistentes ‘Amen.’
- Ea autem finita oratione [f. 3], iterum
accipit mitram, et frondes ac palmas aspergit aqua
benedicta, exuturus inde ornamenta pontificalia, et
mansurus in sede cum cappa consueta, tenens ramum in
manu.
- Cum vero pervenerit ad cæmeterium Divi Mauricii,
finitis omnibus quæ decantanda sunt, tam a canonicis
quam a monachis Divi Remigii, accedenti canonico
diacono qui euvangelium recitaturus est, benedicet
more solito. Quo decantato euvangelio, si e suggestu
nolit concionari ad populum, alteri cui ab eo
injunctum fuerit concionandi munus, consueto [f. 3v] more benedicet. Reversus autem in ædem
Divę Mariæ cum canonicis, inque eam ingressus,
subsistit tantisper cum canonicis in navi ecclesiæ,
cum responsorium ‘Ingrediente Domino’ cum suo versu
‘Cumque audissent’ integre decantatum fuerit. Quo
finito, hanc antiphonam incipit, stans ante
crucifixium, detecto capite :
- Et hæc sunt quę decantare debeat dominus
archiepiscopus die dominico in Ramis pamarum in
benedictione frondium, nec alia supersunt, nisi quod
[f. 4], peracto missæ sacrificio, benedicet
populo more consueto. Ceterum advertendum est quod,
si contingat ex pluviali die non posse hoc die
dominico fieri supplicationem ad ædem usque Divi
Mauricii nec benedici frondes in eccesia Divi Petri
ad moniales, procedent canonici ad ecclesiam Divi
Michaelis : ibique dominus archiepiscopus
benedicet palmas, deinde redeundo per claustrum in
ædem Dive Virginis, fiet statio in sacello veteris
congregationis, ubi diacono decantaturo euvangelium
benedicet incœpturus, postea in navi ecclesiæ
antiphonam ‘Ave rex noster’ eo ordine qu notatum est
supra [f. 4v].
F. 4v :
Feria quinta in cœna Domini. Si hoc die ac duobus sequentibus
dominus archiepiscopus matutinali officio, quod [f. 5]
statim post completorium decantatur, interesse velit, nec ei
sedes parari, nec ante eum crux deferi debet, quę autem ab
illo in choro aut decantanda sunt, aut sine cantu recitanda,
hoc infrascripto modo describuntur.
-
Ad matutinum.
-
Finita antiphona, quæ postremo in laudibus sic
decantatur ‘Oblatus est’, hanc cum cantu incipit
ante canticum :
-
Qua finita, ac novies decan[f. 5v]tato ‘Kyrie
eleeson’ cum sequentibus versibus usque ad postremo,
decantandum illum ‘Christus Dominus’, subjungit
submissa voce quasi legendo dicens :
-
‘Domine, exaudi orationem meam’ — Chorus ‘Et
clamor meus ad te veniat.’
-
Nec additur ‘Dominus vobiscum’, sed absolute
dicitur :
-
’Oremus.’
-
‘Respice, quesumus, Domine, super hanc
familiam tuam, pro qua Dominus noster Jesus
Christus non dubitavit manibus tradi
nocentium et crucis subire tormentum [f. 6]. Qui tecum vivit et regnat in
unitate Spiritus Sancti Deus per omnia
secula seculorum.’
-
Chorus ‘Amen.’
-
Qua finita oratione, sine ‘Domine, exaudi’, sine
‘Dominus vobiscum’, sine ‘Benedicamus Domino’,
percutit ter librum aut cathedram. Et ita matutinum
seu tenebrę finiuntur.
-
Absolutio.
-
Ex antiqua et laudabili consuetudine, semper id
observatum est in ecclesia Rhemensi ut hoc die
dominus archiepiscopus canonicos et alios in eadem
ecclesia habituatos, primum in [f. 6v]
capitulo, deinde ex superiori pulpito, populum infra
circunstantem absolvat. Tracturus igitur primo
absolutionem in capitulo.
-
Si eodem die ad populum e suggestu non concionetur,
statim post decantatum ‘Pretiosa’ ecclesiam
ingressus, ubi aliquantisper orat ante majus altare,
procedit indutus cappa consueta, antecedente cruce,
ad capitulum usque cum canonicis. Quo ut pervenit,
sedet in loco per dormentarium parato et ornato, ubi
stolam et mitram simplicem accipit. Tum flexis
genibus, et versa ad canonicos facie, qui simul genu
flectunt, septem psalmos pœnitentiales [f. 7]
cum eis alternatim recitat, ibique absolutionem
perficit prout suo loco patebit. Qua finita,
revertitur in sacrarium cum cappa assueta ;
ibique induitur pluviali violaceo, stola et mitra
simplici ; indeque exiens per chorum, facta
prius reverentia altari, ascendit superiorem
pulpitum, antecedentibus cruce et baculo pastorali,
ubi absolutionem perficit iisdem cæremoniis et
precibus quibus ante in capitulo, prout ordinate
infra describitur.
-
Quod si contingat ut ille hoc die velit concionari ad
populum, ecclesiam ing[r]essus, cum [f. 7v]
oraverit ante majus altare, recta proficiscetur in
capitulum ; ibique absolutionem perficiet
suis cæremoniis, prout supra notatum est. Qua
finita, reversus in ecclesiam, non ascendet
superiorem pulpitum, sed exuta cappa, habens stolam
violaceam super rochetum, suggestum ascendet
concionaturus ad populum. Post concionem vero,
absolvet eum in eodem suggestu, iisdem ornamentis
pontificalibus indutus, iisdemque cæremoniis utens
quibus in superiore pulpito. Alioquin, si nolit
absolvere in capitulo, antequam e suggestu
concionetur ad populum, suscipiet id absolvendi
munus vel decanus [f. 8] Ecclesiæ, vel
presbyter ebdomadarius, permittente domino
archiepiscopo, tum ob suam pręsentiam, tum etiam
quod absolutio illa, quæ fit in capitulo, præcedere
debet eam fit super populum. Absoluturus itaque
dominus archiepiscopus, si in capitulo, genibus
flexis, versa ad canonicos facie, si vero ex
superiori pulpito aut e suggestu populum, stans et
erectus ut videri a circunstantibus possit, septem
psalmos pœnitentiales cum mitra absolute incipit hoc
modo, addendo tamen in fine cujuslibet psalmi
‘Gloria Patri’ et aliquantulum inclinando caput [f. 8v] :
-
Psalmus.
-
‘Domine, ne in furore tuo arguas me
[...]’
- [Texte intégral des psaumes pénitentiaux,
jusqu’au f. 18v :]
-
Finitis septem psalmis non additur antiphona ‘Ne
reminiscaris’, sed statim absolute et ter incipit
‘Kyrie eleeson, Christe eleeson, Kyrie eleeson’.
Deinde secreto prosequitur :
-
‘Pater noster, qui es in cœlis, sanctificetur
nomen tuum ; adveniat regnum
tuum ; fiat voluntas tua, sicut in
cœlo et in [f. 19] terra
panem nostrum quotidianum da nobis
hodie ; et dimitte nobis debita
nostra, sicut et nos dimittimus debitoribus
nostris’
-
Tum alta et ingelligibili voce legendo
dicit :
-
‘Et ne nos inducas in tentationem’ —
Assistentes ‘Sed libera nos a malo’.
-
Archiepiscopus ‘Ego dixi, Domine, miserere
mei’ — Assistentes ‘Sana animam meam, quia
peccavi tibi’.
-
Archiepiscopus ‘Convertere, Domine, usquequo’
— Assistentes ‘Et deprecabilis esto super
servos tuos’.
-
Archiepiscopus ‘Oculi Domini super justos’
[f. 19v] — Assistentes ‘Et aures
ejus in preces eorum’.
-
Archiepiscopus ‘Confiteatur tibi, Domine,
omnia opera tua’ — Assistentes ‘Et sancti
tui benedicant tibi’.
-
Archiepiscopus ‘Fiat misericordia tua,
Domine, super nos’ — Assistentes
‘Quemadmodum speravimus in te’.
-
Archiepiscopus ‘Salvos fac servos tuos’ —
Assistentes ‘Deus meus, sperantes in
te’.
-
Archiepiscopus ‘Mitte eis, Domine, auxilium
de sancto’ — Assistentes ‘Et de Syon tuere
eos’.
-
Archiepiscopus ‘Nihil proficiat inimicus in
eis’ — Assistentes ‘Et filius iniquitatis
non [f. 20] apponat nocere eis’.
-
Archiepiscopus ‘Esto eis, Domine, turris
fortitudinis’ — Assistentes ‘A facie
inimici’.
-
Archiepiscopus ‘Domine, exaudi orationem
meam’ — Assistentes ‘Et clamor meus ad te
veniat’.
-
Archiepiscopus ‘Dominus vobiscum’ —
Assistentes ‘Et cum spiritu tuo’.
-
Tum dominus archiepiscopus prosequitur sine
mitra :
-
‘Oremus.’
-
‘Exaudi, Domine, preces nostras, et tibi
confitentium parce peccatis, ut quos
conscientiæ reatus accusat, indulgentia tuæ
miserationis absolvat. Per Christum Dominum
nostrum.’
-
Assistentes ‘Amen.’
-
Rursum sequitur :
-
‘Oremus.’
-
‘Præveniat hos famulos tuos, quæsumus Domine,
misericordia tua, ut omnes iniquitates eorum
celeri indulgentia deleantur.’
-
‘Adesto, Domine, supplicationibus nostris,
nec sit ab his famulis tuis clementiæ tuæ
longinqua miseratio, sana vulnera eorumque
dimitte peccata : et ut nullis a te
iniquitatibus separentur tibi, Domine,
semper valeant adhærere.’
-
‘Domine Deus noster, qui offensione nostra
non vinceris, sed satisfactione placa[f. 21]ris, respice, quæsumus, ad hos
famulos tuos, qui se tibi peccasse graviter
confitentur, tuum est enim absolutionem
criminum dare, et veniam præstare
peccantibus ; qui dixisti
pœnitentiam te malle peccatorum quam mortem,
concede ergo, Domine, hoc, ut qui tibi
pœnitentiæ excubias celebrant, correctis
actibus suis, conferri a te sempiterna
gaudia gratulentur. Per Dominum nostrum
Jesum Christum Filium tuum, qui tecum vivit
et regnat in unitate Spiritus Sancti Deus,
per omnia secula seculorum.’
-
Assistentes ‘Amen.’
-
Atque ita supradictæ tres illæ orationes finiuntur
sub uno[f. 21v] ‘Per Dominum’. Cum autem eas
dominus archiepiscopus integre dixerit, admonet
canonicos et alios habituatos, si in capitulo,
laicos vero, si ex majori pulpito aut e suggestu,
absolutionem faciat, ut flexis genibus et junctis
manibus simul dicant ‘Confiteor Deo omnipotenti’, et
qui adhuc adulti non sunt, si nesciant, dicant
‘Pater noster’. Quibus integre recitatis, stans sine
mitra propter pręcedentem crucem ac junctis manibus,
alta et intelligibili voce prosequitur :
-
‘Misereatur vestri omnipotens Deus, et
dimissis [f. 22] peccatis vestris
perducat vos Filius Dei ad vitam
æternam.’
-
Assistentes ‘Amen.’
-
Tum absolvit his verbis :
-
‘Absolutionem et remissionem omnium
peccatorum vestrorum tribuat vobis
omnipotens pater, pius et misericors
Dominus.’
-
Assistentes ‘Amen.’
- ‘Et ego, authoritate Jesu Christi, absolvo vos
ab omnibus peccatis vestris, ┼ in nomine Patris
┼ et Filii ┼ et Spiritus Sancti.’
-
Assistentes ‘Amen.’
-
Archiepiscopus ‘Dominus vobiscum’ —
Assistentes ‘Et cum spiritu tuo’.
-
‘Oremus’ [f. 22v].
-
‘Omnipotens Deus, qui beato Petro apostolo
suo cæterisque discipulis suis licentiam
dedit ligandi atque solvendi : ipse
vos absolvat ab omni vinculo delictorum, et
quantum nostræ fragilitati permittitur,
sitis absoluti ante tribunal Domini nostri
Jesu Christi, habeatisque vitam æternam et
vivatis in secula seculorum, intercedente
beata Dei genitrice Maria cum omnibus
sanctis.’
-
Assistentes ‘Amen.’
-
‘Quibus omnibus finitis, aspergit circumstantem
populum aqua benedicta : atque ita
peragitur absolutio.’
F. 23 :
Benedictio novi ignis.
- Præparatus se dominus archiepiscopus ad
sacrificium missæ pro consecratione chrismatis,
simul atque in sacrarium pervenerit, antequam induat
se ornamentis pontificalibus, benedicet novum ignem,
habens stolam desuper magnam cappam, hoc
infrascripto modo, alta et intelligibili voce
legendo :
- ‘Adjutorium nostrum in nomine Domini’ —
‘Sit nomen Domini benedictum’.
- ‘Oremus.’ [f. 23v]
- ‘Domine Deus, pater omnipotens, conditor
omnium rerum, te invocamus ut ┼ benedicas et
consecres hunc novum ignem, sicut
benedixisti rubum in quo apparuisti
Moysi : et sicut illuminasti cor
ejus per lumen visibile majestate tua
invisibili, ita et corda nostra, potentia
divinitatis tuæ, visibiliter per hunc
invisibilem ignem illuminare digneris,
adjuvante Domino nostro Jesu Christo.Qui cum
Deo Patre et Spiritu Sancto vivit et regnat
Deus per omnia secula seculorum.’
- Assistentes ‘Amen.’
- Tum aspergit novum ignem aqua benedicta,
deponensque [f. 24] stolam, parat se ad sacrum
peragendum.
- Ad vesperas, quæ solenniter decantatur ob
consecrationem chrismatis.
- Consecratis oleis, lotisque manibus domini
archiepiscopi, interea dum cantor antiphonam
‘Calicem’ et assistens diaconus psalmum incipit
‘Credidi’, dominus archiepiscopus, cum presbyteris
et aliis adstantibus stans ad cornu altaris,
percurrit vesperas suas submissa voce usque ad
canticum ‘Magnificat’ hoc infrascripto
modo :
- Antiphona ‘Calicem’ [f. 24v].
- Psalmus.
- ‘Credidi propter quod locutus
sum : ego autem humiliatus sum
nimis.
- Ego dixi in excessu meo : omnis
homo mendax.
- Quid retribuam Domino : pro
omnibus quæ retribuit mihi.
- Calicem salutaris accipiam : et
nomen Domini invocabo.
- Vota mea Domino reddam coram omni populo
ejus : pretiosa in conspectu
Domini, mors sanctorum ejus.
- O Domine, quia ego servus tuus :
ego servus tuus et filius ancillæ tuæ.
- Diripuisti vincula mea, tibi sacrificabo
hostiam laudis [f. 25] : et
nomen Domini invocabo.
- Vota mea Domino reddam in conspectu omnis
populi ejus : in atriis domus
Domini in medio tui Hierusalem.’
- Non dicitur ‘Gloria Patri’ in quolibet psalmorum.
Sequitur autem antiphona resumenda :
- ‘Calicem salutaris accipiam, et nomen
Domini invocabo.’
-
- Antiphona ‘Cum his’.
- Psalmus.
- ‘Ad Dominum, cum tribularer,
clamavi : et exaudivi me.
- Domine, libera animam [f. 25v] meam a
labiis iniquiis : et a lingua
dolosa.
- Quid detur tibi, aut quid apponatur
tibi : ad linguam dolosam.
- Sagittę potentis acutæ : cum
carbonibus desolatoriis.
- Hei mihi, qua incolatus meus prolongatus
est : habitavi cum habitantibus
Cedar, multum incola fuit anima mea.
- Cum his qui oderunt pacem, eram
pacificus : cum loquebar illis,
impugnabant me gratis.’
- Antiphona ‘Cum his qui oderunt pacem, eram
pacificus : cum loquebar illis,
impugnabant me gratis.’
-
- Antiphona ‘Ab ho[f. 26]minibus
iniquis’.
- Psalmus.
- ‘Eripe me, Domine, ab homine
malo : a viro iniquo eripe me.
- Qui cogitaverunt iniquitates in
corde : tota die constituebant
prælia.
- Acuerunt linguas suas sicut
serpentes : venenum aspidum sub
labiis eorum.
- Custodi me, Domine, de manu
peccatoris : et ab hominibus
iniquis eripe me.
- Qui cogitaverunt supplantare gressus
meos : absconderunt superbi laqueum
mihi.
- Et funes extenderunt in laqueum :
juxta iter scandalum posuerunt mihi.
- Dixi Domino, Deus meus [f. 26v] es
tu : exaudi vocem deprecationis
meæ.
- Domine, Domine, virtus salutis
meæ : obumbrasti super caput meum
in die belli.
- Non tradas me, Domine, a desyderio meo
peccatori : cogitaverunt contra me,
ne derelinquas me, ne forte exaltentur.
- Caput circuitus eorum : labor
labiorum ipsorum operiet eos.
- Cadent super eos carbones : in
ignem deiicies eos, in miseriis non
subsistent.
- Vir linguosus non dirigetur in
terra : virum injustum mala capient
in interitu.
- Cognovi quia faciet Domi[f. 27]nus
judicium inopis : et vindictam
pauperum.
- Veruntamen justi confitebunt nomini
tuo : et habitabunt recti cum vultu
tuo.’
- Antiphona ‘Ab hominibus iniquis, libera me
Domine.’
-
- Antiphona ‘Custodi me’.
- Psalmus.
- ‘Domine, clamavi ad te, exaudi
me : intende voci meæ cum clamavero
ad te.
- Dirigatur oratio mea sicut incensum in
conspectu tuo : elevatio manuum
mearum sacrificium vespertinum.
- Pone, Domine, custodiam ori meo :
et ostium circunstantiæ labiis meis [f. 27v].
- Non declines cor meum in verba
malitiæ : ad exculandas
excusationes in peccatis.
- Cum hominibus operantibus
iniquitatem : et non communicabo
cum electis eorum.
- Corripiet me justus in misericordia et
increpabit me : oleum autem
peccatoris non impinguet caput meum.
- Quoniam adhuc et oratio mea in
beneplacitis eorum : absorpti sunt
juncti petræ judices eorum.
- Studient verba mea quoniam
potuerunt : sicut crassitudo terreæ
erupta est super terra.
- Dissipata sunt ossa nostra secus infernum,
quia ad te, Domine, oculi mei in te spe[f. 28]ravi, non auferas animam meam.
- Custodi me a laqueo quem statuerunt
mihi : et a scandalis operantium
iniquitatem.
- Cadent in retiaculo ejus
peccatores : singulariter sum ego
donec transeam.’
- Antiphona ‘Custodi me a laqueo quem
statuerunt mihi, et a scandalis operantium
iniquitatem.’
-
- Antiphona. ‘Considerabam’.
- Psalmus.
- ‘Effundo in cnspectu ejus orationem
meam : et tribulationem meam ante
ipsum pronuntio [f. 28v].
- In deficiendo ex me spiritum
meum : et tu cognovisti semitas
meas.
- In via hac qua ambulabam :
absconderunt superbi laqueum mihi.
- Considerabam ad dexteram et
videbam : et non erat qui
cognosceret me.
- Periit fuga a me : et non est qui
requirat animam meam.
- Clamavi ad te, Domine : dixi, tu
es spes mea, portio mea in terra viventium.
- Intende ad deprecationem meam :
quia humiliatus sum nimis.
- Libera me a persequentibus me :
quia confortati super me [f. 29].
- Educ de custodia animam meam ad
confitendum nomini tuo : me
expectant justi donec retribuas mihi.’
- Antiphona ‘Considerabam ad dexteram et
videbam, et non erat qui cognosceret
me.’
- Qua finita antiphona, in qua neuma non canitur,
dominus archiepiscopus absolute hanc incipit,
cantore illi ad cornu altaris stanti
præintonante :
-
- ‘Magnificat anima mea Dominum [f. 29v] ;
- Exultavit spiritus meus in Deo salutari
meo ;
- Quia respexit humilitatem ancillę
suæ : ecce enim ex hoc beatam me
dicent omnes generationes ;
- Quia fecit mihi magna qui potens
est : et sanctum nomen ejus.
- Misericordia ejus a progenie in progenies,
timentibus eum.
- Fecit potentiam in brachio suo
dispersit superbos mente cordis sui.
- Deposuit potentes de sede : et
exaltavit humiles.
- Esurientes implevit bonis : et
divites dimisit inanes.
- Suscepit Israel puerum su[f. 30]um : recordatus misericordię
suæ ;
- Sicut locutus est ad patres
nostros : Abraham et semini ejus in
secula.’
- Antiphona ‘Cœnantibus autem accepit letus
panem, benedixit ac fregit, dedit discipulis
suis.’
- Hic advertentum est quod si dominus archiepiscopus
recitet vesperas submissa voce cum assistentibus in
altari, prosequetur psalmum ‘Magnificat’ cum
mitra ; at vero cum in choro incœptum erit
eum decantari, stabit ad finem usque sine mitra,
quam resumet. Incœpta antiphona ‘Cœnantibus autem’
et illa finita sine neuma[f. 30v]te, vertet se
ad populum, decantaturus alta voce et solemniter :
- Tum deposita mitra :
- ‘Oremus’ ♫.
- ‘Refecti vitalibus alimentis, quæsumus,
Domine Deus noster, ut quod tempore nostræ
mortalitatis exequimur immortalitatis tuæ
munere consequamur. Per Dominum nostrum
Jesum Christum Filium tuum, qui tecum vivit
et regnat in unitate Spiritus Sancti Deus
per omnia secula seculorum [f. 31].’
- Chorus. ‘Amen’.
- ‘Oremus’ ♫.
- ‘Concede, quęsumus, omnipotens Deus, ut
perceptum novi sacramenti mysterium et
corpore sentiamus et mente. Per Dominum
nostrum Jesum Christum Filium tuum, qui
tecum vivit et regnat in unitate Spiritus
Sancti Deus per omnia secula seculorum.’
- Chorus ‘Amen’.
- Tum, vertens se ad chorum ad chorum cum
mitra :
- Interim vero, dum dia[f. 31v]conus alta voce
decantat ‘Ite missa est’, illud submissa voce dicit,
inclinans ante altare, dominus
archiepiscopus ; et cum duobus presbyteris,
qui ad cornua stan[t]a altaris,
recitat or[a]tionem solitam ‘Placeat tibi’. Deinde,
deosculato altari, evangelium Joannis ad finem usque
dicens, descendit in sacrarium cum iisdem duobus
presbyteris, diaconis et subdiaconis, pontificalia
ornamenta exuturus. Et advertendum est quod in his
vesperis dominus archiepiscopus neque incensat
altare, neque benedicit populo, propterea quod in
missa, in qua includuntur hæc vesperæ, et solemniter
[f. 32] benedixit populo, et incensatum est
altare.
F. 32 :
Ablutio altarium in ecclesia Rhemensi.
- Peracto missæ sacrificio ac decantatis vesperis,
si dominus archiepiscopus abluere velit altaria in
ecclesia sua Rhemensi, postquam in sacrarium
redierit, exuet ex ornamentis pontificalibus
sandalia, manipulum, tunicellas sive dalmaticas et
casulam, et accipiens mitram albam simplicem loco
pretiosę, induet pluviale rubeum, relictis super se
amictu, alba, cingulo, stola et [f. 32v]
pluviali loco casulę, qua illi cum pontifice in
confectione chrismatis concelebrabunt. De sacrario
ad majus altare procedet, antecedentibus cruce et
baculo pastorali. Quo cum pervenerit, inclinans
caput totum altare lavat denudatum, infundens vinum
ad quatuor cornua et in medio ejusdem altaris, et
desuper pigmentum infundit, stantibus ad cornua
ejusdem altaris eodem decano et presbytero
ebdomadario. Interim vero dum prædicta fiunt, cantor
ante illud altare responsorium ‘Circumcederunt me
viri mendaces’ cum suo versu incipit, prosequente
choro ad finem usque [f. 33]. Deinde hanc
antiphonam subjungit ‘Sancta Maria, succurre
miseris’. Qua decantata, et hanc incipit ‘Salvator
mundi, salva nos omnes’. Quibus omnibus integre
decantatis, dominus archiepiscopus sequentem
orationem de beata Maria et omnibus sanctis absolute
decantat hoc infrascripto modo :
- ‘Oremus’ ♫.
- Concede, quæsumus, omnipotens et
misericors Deus, ut intercessio nos sanctæ
Dei genitricis semperque Virgini Mariæ, et
omnium sanctorum cœlestium virtutum [f. 33], et beatorum patriarcharum,
prophetarum, apostolorum, martirum,
confessorum atque virginum, et omnium
electorum tuorum ubique letificet, ut dum
eorum merita recolimus, patrocinia
sentiamus. Per eundem Dominum nostrum Jesum
Christum Filium tuum, qui tecum vivit et
regnat in unitate Spiritus Sancti Deus, per
omnia secula seculorum.
- Chorus ‘Amen’.
- His dictis, dominus archiepiscopus, cum decano et
presbytero ebdomadario cæterisque adstantibus,
accedit ad altare beatę Mariæ Magdalenę, et illud
abluit eo modo quo notatum est supra. In[f. 34]terim vero dum abluitur, cantor hoc responsorium
‘Fœlix Maria unxit pedes Jesu’ cum suo verso coram
eodem altari incipit, choro prosequente ad finem
usque. Quo decantato, dominus archiepiscopus
subjungit orationem sequentem de beata Maria
Magdalena, absolute hoc modo :
- ‘Oremus’ ♫.
- ‘Largire, clementissime pater, quod sicut
beata Maria Magdalena Dominum Jesum Christum
super omnia diligento, suorum obtinuit
veniam peccaminum, ita nobis apud
misericordiam tuam [f. 34v] sempiternam
impetret beatitudinem.Per eundem Dominum
nostrum Jesum Christum Filium tuum, qui
tecum vivit et regnat in unitate Spiritus
Sancti Deus, per omnia secula seculorum.’
- Chorus ‘Amen.’
- Quibus peractis, revertitur in sacrarium, omnino
exuturus sacras vestes. Postea, cum cappa assueta
reversurus per chorum, ibique super inferiore gradu,
genibus flexis ante altare acturus gratias, nisi
illas egerit in sacrario post peractum missæ
sacrificium ante ablutionem altarium.
F. 35 :
Ablutio pedum canonicorum in capitulo, quæ vulgo mandatum
novum appellatur.
- Congregatis canonicis in eo loco ubi decantare
illi solent ‘Pretiosa’, veniens dominus
archiepiscopus circiter horam secundam a prandio,
indutus assuetam cappam, cum antecedente cruce,
considet cum illis in sede parata per dormentarium
ecclesiæ ; et mox, ut cantor incœperit
antiphonam ‘Mandatum novum do vobis’, surgit idem
dominus archiepiscopus a sede sua, cum cruce eundo
usque ad eum locum ubi [f. 35v] præparata est
aqua ; indeque exiens, præcinctus lintheo
super suum superpellicium, et habens mitram albam
simplicem in capite, primum lavat pedem archidiaconi
majoris, uno ex seneschalis, qui derefat aquam,
comite et ministro. QUo loto pede, iterum revertitur
in capitulum ; indeque exiens, sumpta de
novo aqua, lavat et aliarum personarm pedes, eo quo
dicetur ordine, videlicet archidiaconi minoris,
præpositi, decani, cantoris, thesaurarii, vicedomini
et scolastici (quanquam loco pedum nunc lavantur
manus) extergens lintheo, et eos deosculans. Quibus
integre peractis, reversus a [f. 36] capitulo
ad sedem suam cum cappa assueta et cruce, ibi
considens, pedem suum decano prębet lavandum. Cum
autem finita fuerint quæ decantari debent interea
dum lavantur pedes canonicorum, accedenti diacono
qui recitaturus est evangelium ‘ante diem festum
Paschæ’ in modum lectionis, benedicet more solito.
Finito vero predicto evangelio per hanc clausulam
‘Ut dilectio qua dilexisti me in ipsis sit, et ego
in eis’, aut si non liceat per temporis spatium, ut
placuerit domino archiepiscopo, vel signum facienti,
vel alta voce dicenti ‘Tu autem’, decantabunt ab eo,
induto stola super cappam et mitra alba simplici [f. 36v], quæ sequntur preces hoc infrascripto
modo :
- ‘Suscepimus, Deus, misericordiam tuam’ ♫.
- Chorus ‘In medio templi tui.’
- Iterum repetitur eodemque tono :
- ‘Suscepimus, Deus, misericordiam tuam.’
- Chorus ‘In medio templi tui.’
- Tertio repetitur eodemque tono :
- ‘Suscepimus, Deus, misericordiam tuam. [f. 37]’
- Chorus ‘In medio templi tui.’
- Tum dominus archiepiscopus incipit, prosequente
choro simul cum eo :
- ‘Gloria Patri et Filio et Spiritui Sancto
— Sicut erat in principio, et nunc et semper
et in secula seculorum. Amen.’
- Deinde prosequitur cum decantante choro :
- ‘Kyrie eleeson, Christe eleeson, Kyrie
eleeson.’
- Tum, submissa voce :
- ‘Pater noster, qui es in cœlis,
sanctificetur nomen tuum ; adveniat
regnum tuum ; fiat voluntas tua,
sicut in cœlo [f. 37v] et in
terra panem nostrum quotidianum da
nobis hodie ; et dimitte nobis
debita nostra, sicut et nos dimittimus
debitoribus nostris’
- Postea vero alta voce incipit :
- ‘Et ne nos inducas in tentationem’ ♫.
- Chorus ‘Sed libera nos a malo.’
- Archiepiscopus ‘Tu mandasti mandata tua’ —
Chorus ‘Custodiri nimis’.
- Archiepiscopus ‘Tu lavasti pedes
discipulorum tuorum’ — Chorus ‘Opera manuum
tuarum ne despicias’ [f. 38].
- Archiepiscopus ‘Ecce quam bonum et quam
jocundum’ — Chorus ‘Habitare fratres in
unum’.
- Archiepiscopus ‘Domine, exaudi orationem
meam’ — Chorus ‘Et clamo meus ad te veniat’.
- Archiepiscopus ‘Dominus vobiscum’ — Chorus
‘Et cum spiritu tuo’.
- ‘Oremus’ ♫.
- ‘Adesto, Domine, officio servitutis
nostræ, et quia tu pedes lavare dignatus es
tuis discipulis, ne despicias opera manuum
tuarum, quæ nobis retinenda mandasti, ut
sicut hic exteriora ablu[f. 38v]untur
inquinamenta, sic a te omnium nostrorum
interiora laventur peccata. Quod ipse
præstare digneris, qui cum Patre et Spiritu
Sancto vivis et regnas Deus, per omnia
secula seculorum.’
- Chorus ‘Amen.’
- ‘Oremus’ ♫.
- ‘Deus, qui discipulorum tuorum pedes
abluens, pio affectu eis exemplum presens
mandatum dedisti, concede propitius, ut per
obsequium mandatorum tuorum, eorum obtentu,
de tuo sine fine letentur aspectu. Qui cum
Deo Patre et Spiritu Sancto vivis et regnas
[f. 39] Deus, per omnia secula
seculorum.’
- Chorus ‘Amen.’
- ‘Dominus vobiscum’ ♫.
- ‘Benedicamus Domino’ ♫.
- ‘Requiescant in pace’ ♫.
F. 39v :
Feria sexta, Parasceves. - Quo die, nec paratur sedes domini archiepiscopo in
choro, nec ante eum crux defertur [f. 40].
F. 40 :
Ad matutinum, quo vulgo tenebræ appellantur.
- Finita antiphona quæ postremo in laudibus
decantatur ‘Memento mei, Domine’, hanc cum cantu
incipit ante canticum ‘Benedictus Dominus’,
præcentore illi præintonante :
- Qua finita, ac novies decantato ‘Kyrie eleeson’
cum sequentibus versibus usque ad finem, postremo
decantandum illum ‘Christus Dominus’, subjungit
submissa voce quasi legendo dicens :
- ‘Domine, exaudi orationem [f. 40v]
meam’ — Chorus ‘Et clamor meus ad te
veniat.’
- Nec additur ‘Dominus vobiscum’, sed absolute
dicitur :
- ‘Oremus.’
- Respice, quæsumus, Domine, super hanc
familiam tuam, pro qua Dominus noster Jesus
Christus non dubitavit manibus tradi
nocentium et crucis subire tormentum. Qui
tecum vivit et regnat in unitate Spiritus
Sancti Deus, per omnia secula seculorum.’
- Chorus ‘Amen.’
- Qua finita oratione, sine ‘Domine, exaudi’, sine
‘Dominus vobiscum’, sine ‘Benedicamus Domino’,
percutit ter librum [f. 41] aut
cathedram : et ita matutinum seu tenebræ
finiuntur.
F. 41 :
Benedictio novi ignis.
- Pręparatus se hoc die dominus archiepiscopus ad
officium loco missæ simul atque in sacrarium
venerit, benedicet novum ignem, habens stolam super
magnam cappam, et alta atque intelligibili voce, quæ
sequntur legens, hoc infrascripto modo :
- ‘Adjutorium nostrum in nomine Domini’ —
‘Sit nomen Domini benedictum’ [f. 41v].
- ‘Oremus.’
- ‘Domine Deus, pater omnipotens, conditor
omnium rerum, te invocamus ut ┼ benedicas et
consecres hunc novum ignem, sicut
benedixisti rubum in quo apparuisti
Moysi : et sicut illuminasti cor
ejus per lumen visibile, majestate tua
invisibili, ita et corda nostrapotentia
divinitatis tuæ visibiliter per hunc
invisibilem ignem illuminare digneris,
adjuvante Domino nostro Jesu Christo. Qui
cum Deo Patre et Spiritu Sancto vivit et
regnat Deus, per omnia secula seculorum.’
- Assistentes ‘Amen.’ [f. 42]
- Tum aspergit novum ignem aqua benedicta,
deponensque stolam, parat se ad sacrum
peragendum.
F. 42 :
Ad vesperas.
- Si contingat dominum archiepiscopum hoc die in
ecclesia sua Rhemensi sacrum (ut moris est)
peragere, cum se communicaverit, stans adhuc cum
casula ad dextrum cornu altaris, lotis manibus
recitat privatim et submissa voce vesperas cum
diacono et aliis assistantibus, incipiens absolute
hoc infrascripto modo :
- [Antiphona] ‘Calicem’.
- Psalmus [f. 42v]
- ‘Credidi propter quod locutus
sum : ego autem humiliatus nimis...
-
[f. 43]
- ... Vota mea Domino reddam in conspectu
omnis populi ejus : in atriis domus
Domini in medio tui Hierusalem.’
- Non dicitur ‘Gloria Patri’ in quolibet
psalmorum. Sequitur autem antiphonam
[sic] sumenda :
- Antiphona ‘Calicem salutaris accipiam, et
nomen Domin invocabo.’
-
- Antiphona ‘Cum his’.
- Psalmus
- ‘Ad Dominum cum tribularer,
clamavi ; et exaudivit me...
-
[f. 43v]
- ... Cum his qui oderunt pacem eram
pacificus : cum loquabar illis,
impugnabant me gratis.’
- Antiphona ‘Cum his qui oderunt pacem eram
pacificus : cum loquabar illis,
impugnabant me gratis.’
-
- Antiphona ‘Ab hominibus iniquis’ [f. 44].
- Psalmus.
- ‘Eripe me, Domine ab homine malo
a viro iniquo eripe me...
-
[f. 44v]
-
[f. 45]
- ... Veruntamen justi confitebuntur nomini
tuo : et habitabunt recti cum vultu
tuo.’
- Antiphona ‘Ab hominibus iniquis libera me,
Domine.’
-
- Antiphona ‘Custodi me’.
- Psalmus
- ‘Domine, clamavi ad te, exaudi
me : intende voci meæ cum clamavero
ad te...
-
[f. 45v]
-
[f. 46]
- ... Cadent in retiaculo ejus
peccatores : singulariter sum ego,
donec transeam.’
- Antiphona ‘Custodi me a laqueo quem
statuerunt mihi, et a scandalis operantium
iniquitatem.’
-
- Antiphona ‘Considerabam’.
- Psalmus
- ‘Voce mea ad Dominum clamavi :
voce mea ad Dominum deprecatus sum...
-
[f. 46v]
-
[f. 47]
- ... Educ de custodia animam meam ad
confitendum nomini tuo : me
expectant justi donec retribuas mihi.’
- Antiphona ‘Considerabam ad dexteram et
videbam, et non erat qui cognosceret
me.’
- Capitulum, responsorium, hymnus et versus non
dicuntur, sed statum sequitur antiphona :
- Deinde canticum :
- ‘Magnificat anima mea Dominum...
-
[f. 47v]
-
[f. 48]
- ... Sicut locutus est ad patres
nostros : Abraham et semini ejus in
secula.
- Antiphona ‘Cœnantibus autem accepit panem,
benedixit, ac fregit, dedit discipulis
suis’.
- Qua finita, subjungit eadem submissa voce legendo,
dicens :
- ‘Domine, exaudi orationem meam’ — Diaconus
et assistentes ‘Et clamor meus ad te
veniat’.
- Nec additur ‘Dominus vobiscum’, sed absolute
dicitur :
- ‘Oremus.’
- ‘Respice, quæsumus, Domine [f. 48v],
super hanc familiam tuam, pro qua Dominus
noster Jesus Christus non dubitavit manibus
tradi nocentium, et crucis subire tormentum.
Qui tecum vivit et regnat in unitate
Spiritus Sancti Deus, per omnia secula
seculorum.’
- Diaconus et assistentes [‘Amen.’]
- Qua finita oratione, sine ‘Domine exaudi’, sine
‘Dominus vobiscum’, sine ‘Benedicamus Domino’,
dominus archiepiscopus, inclinato capite ante
altare, osculando ipsum, dicit orationes
solitas ; reversus postea in sacrarium et
exuturus sacras vestes, nulla interim super populum
facta benedictione.
F. 49 :
Sabbato sancto Paschæ. - In cujus diei matutinali tantum officio, nec
paratur sedes domino archiepiscopo in choro, nec
ante eum crux de[f. 49v]fertur, propterea quod
sexta feria Parasceves decantatur matutinum ejus
sancti sabbati in choro statim post finitum
completorium.
F. 49v :
Ad matutinum, quod vulgo tenebræ appellantur.
- Finita antiphona quæ postremo in laudibus
decantatur ‘O vos omnes’, hanc cum cantu incipit
ante canticum ‘Benedictus Dominus’, pręcentore illi
præintonante :
- Qua finita, ac novies decantato ‘Kyrie eleeson’
cum sequentibus versibus usque [f. 50] ad
postremum decantandum illum ‘Christus Dominus’,
subjungit submissa voce quasi legendo
dicens :
- ‘Domine, exaudi orationem meam’ — Chorus
‘Et clamor meus ad te veniat.’
- Nec additur ‘Dominus vobiscum’, sed absolute
dicitur :
- ‘Oremus.’
- ‘Respice, quæsumus, Domine, super hanc
familiam tuam, , pro qua Dominus noster
Jesus Christus non dubitavit manibus tradi
nocentium, et crucis subire tormentum. Qui
tecum vivit et regnat in unitate Spiritus
[f. 50v] Sancti Deus, per omnia
secula seculorum.’
- Chorus ‘Amen.’
- Qua finita oratione, sine ‘Domine exaudi’, sine
‘Dominus vobiscum’, sine ‘Benedicamus Domino’,
dominus archiepiscopus, percutit ter librum aut
cathedram. Et ita matutinum seu tenebræ
finiuntur.
F. 50v :
Benedictio novi ignis.
- Paraturus se hoc die, dominus archiepiscopus ad
benedictionem fontium, simul atque in sacrarium
venerit, benedicet novum ignem, habens sto[f. 51]lam super rochetum et superpellicium, atque alta
et intelligibili voce, que infrascribuntur legens
hoc modo :
- ‘Adjutorium nostrum in nomine Domini’ —
‘Sit nomen Domini benedictum.’
- ‘Oremus.’
- ‘Domine Deus Pater omnipotens, conditor
omnium rerum, te invocamus ut ┼ benedicas et
consecres hunc novum ignem, sicut
benedixisti rubum in quo apparuisti
Moysi ; et sicut illuminasti cor
ejus per lumen visibile majestate tua
invisibili, ita et corda nostra potentia [f. 51v] divinitatis tuæ visibiliter
per hunc invisibilem ignem illuminare
digneris, adjuvante Domino nostro Jesu
Christo. Qui cum Deo Patre et Spiritu Sancto
vivit et regnat Deus, per omnia secula
seculorum.’
- Assistentes ‘Amen.’
- Tum aspergit novum ignem aqua benedicta,
deponensque stolam, parat se ad peragendum
benedictionem fontium, facta prius a diacono
benedictione cerei.
F. 51v :
Benedictio thuris, benedicendo cereo apponendi.
- Finita benedictione novi [f. 52] ignis in
sacrario, induitur dominus archiepiscopus amictu
alba, cingulo, stola, manipulo, cambuca albi
coloris, et mitra simplici, omissis sandaliis,
dalmaticis, chirotecis, pectorali cruce et pallio,
procedensque ad altare cum diacono induto suis
ornamentis, precedente puero chori, ac deferente
novum ignem benedictum in cereo accenso, sine
thuribulo, sine cruce ac textu (quanquam ante
pontificem deferuntur et crux et baculus
pastoralis), capite altari inclinato, sedet in medio
altaris. Cum autem diaconus accesserit ad eum,
ferens in disco argenteo thus apponendum cereo
benedicto [f. 52v], hanc recitabit submissa
voce orationem hoc infrascripto modo, versa ad
diaconum facie ac deposita mitra :
- ‘Adjutorium nostrum in nomine Domini’ —
‘Sit nomen Domini benedictum’.
- ‘Oremus.’
- ‘Veniat, quæsumus, omnipotens Deus super
hoc incensum larga tuæ benedictionis
infusio, et hanc creaturam thuris, splendore
tui Sancti Spiritus, invisibilis
regenerator, ┼ sanctificare digneris, ut non
solum sacrificium fiat ince[n]si, sed etiam
in quocunque loco aliquid ex ejus [f. 53] sanctificationis fuerit mysterio
deportatum, expulsa diabolicæ fraudis
nequitia, virtus tuę majestatis assistat.
Per Dominum nostrum Jesum Christum Filium
tuum, qui tecum vivit et regnat in unitate
ejusdem Spiritus Sancti Deus, per omnia
secula seculorum.’
- Diaconus ‘Amen.’
- Tum aspergit aqua benedicta.Interim diaconus
incipit benedictionem cerei his verbis :
‘Exultet jam angelica turba celorum’, quæ finitur
per clausula ‘Per Dominum nostrum’, respondente
choro ‘Amen‘. Cui diacono, nullo modo benedicens,
dominus archiepiscopus tantisper sedebit in
cathedra, dum [f. 53v] eadem cerei benedictio
finita fuerit.
- Advertendum est autem quod si dominus
archiepiscopus nolit benedicere fontes, sed tantum
cram addesse in choro, benedicet thus considens in
sede sua cum canonicis, accedente ad eum diacono,
qui benedicturus sit postea cereum, ut supra dictum
est.
F. 53v :
Benedictio fontium.
- Decantatis ad altare orationibus, lectionibus et
tractibus, ac finita septena litania, quæ tota in
choro decur[f. 54]ritur, cum diaconi canonici
aliam quinam inceperint, exuet dominus
archiepiscopus casula sua, et induetur cappa serica
solenni, idque juxta altare accipiet quoque mitram
prętiosam relicta simplici, processurus ad
benedictionem fontium, ministrantibus illi diacono
et subdiacono canonicis.Cum autem pervenerit ad
fontes, tantisper in loco consueto stabit, dum
finiatur quina litania. Qua finita, stans prope
fontes, vultu ad orientem directo, hanc
infrascriptam orationem quasi legendo alta et
intelligibili voce pronuntiat hoc modo[f. 54v] :
- ‘Dominus vobiscum’ — Chorus ‘Et cum
spiritu tuo’.
- Deinde subjungit, deposita mitra :
- ‘Oremus.’
- ‘Omnipotens sempiterne Deus, adesto magnæ
pietatis tuæ misteriis ; adesto
sacramentis et ad recreandos novos populos,
quos tibi fons baptismatis parturit,
spiritum adoptionis emitte, ut quod nostrę
humilitatis gerendum est ministerio, tuæ
virtutis impleatur effectu. Per Dominum
nostrum Jhesum Christum Filium tuum, qui
tecum vivit et regnat in unitate ejusdem
Spiritus Sancti Deus, per omnia se[f. 55]cula seculorum.’
- Deinde, cum cantu hanc infrascriptam præfationem,
extensis ante pectus manibus, prosequetur hoc
modo :
- ‘Per omnia secula seculorum’ ♫ — Chorus
‘Amen’ ♫.
- Archiepiscopus ‘Dominus vobiscum’ ♫ —
Chorus ‘Et cum spiritu tuo’ ♫ [f. 55v].
- Archiepiscopus ‘Sursum corda’ ♫ — Chorus
‘Habemus a[d] Dominum’ ♫.
- Archiepiscopus ‘Gratias agamus Domino Deo
nostro’ ♫ — Chorus ‘Dignum et justum est’ ♫
[f. 56].
- Archiepiscopus ‘Vere dignum et justum est,
æqum et salutare, nos tibi semper et ubique
gratias agere, Domine sancte, pater
omnipotens, æter[f. 56v]ne Deus, qui
invisibili potentia sacramentorum tuorum
mirabiliter operaris effectum ; et
licet nos tantis misteriis exequendis simus
[f. 57] indigni, tu tamen gratiæ
tuæ dona non deserens, etiam ad nostras
preces aures tuæ pietatis inclina, Deus,
cujus spiritus super aquas [f. 57v],
inter ipsa mundi primordia, ferebatur, ut
jam tunc virtutem sanctificationis aquarum
natura conciperet ; Deus, qui
nocentis mun[f. 58]di crimina per aquas
abluens, regenerationis speciem in ipsa
diluvii effusione signasti, ut unius
ejusdemque elementi misterio, et finis [f. 58v] vitiiss et origo virtutibus.
Respice, Domine, in faciem Ecclesiæ tuæ, et
multiplica in ea regenerationes tuas, qui
gra[f. 59]tiæ tuæ affluentis impetu
lætificas civitatem tuam, fontemque
baptismatis aperis toto orbe terrarum
gentibus innovandis, ut tuæ majestatis [f. 59v] imperio sumat Unigeniti tui
gratiam de Spiritu Sancto ’♫.
- Hic manu dividit aquam in modum crucis, nihil
extra projiciendo.
- ‘Qui hanc aquam regenerandis hominibus [f. 60] præparatam arcana sui luminis
admixtione fœcundet, ut sanctificatione
concepta, ab immaculato divini fontis utero,
in novam [f. 60v] renata creaturam
progenies cœlestis emergat ; et
quos aut sexus in corpore, aut ætas
discernit in tempore, omnes in unam pariat
[f. 61] gratia mater
infantiam ; procul hinc ergo ju
ente te, Domine, omnis spiritus immundus
abscedat, procul tota nequitia diabolice
frau[f. 61v]dis absistat ;
nil hic loci habeat contrariæ virtutis
admixtio, non insidiando circunvolet, non
latendo subrepat, non inficiendo corrum[f. 62]pat. Sit hæc sancta et innocens
creatura libera ab omni impugnatoris
incursu, et totius nequitiæ purgata
discessu. Sit fons ┼ vi[f. 62v]vus aqua
┼ regenerans, unda ┼ purificans, ut omnes
hoc lavacro salutifero diluendi operam te in
eis Spiritu Sancto perfectæ purgationis
gra[f. 63]tiam consequentur. Unde ┼
benedico te, creatura aquæ, per Deum ┼
vivum, per Deum ┼ verum, per Deum ┼ sanctum,
per Deum, qui te [f. 63v] in principio
verbo separavit ab arida, cujus spiritus
super te ferabatur ; qui te de
paradiso manare et in quatuor fluminibus
totam ter[f. 64]ram rigare præcepit’
♫.
- Hic dividit aquam in modum crucis, primum
projiciendo eam extra fontes coram se, deinde versus
pectus suum, deinde ad partem sinistram, postremo ad
dexteram. Qui postea extergens manum, prosequitur
cum cantu :
- ‘Qui te in deserto amaram, suavitate
indita, fecit esse potabilem, et [f. 64v] sitienti populo de petra
produxit ; bene┼dico te per Jesum
Christum Filium ejus, unicum Dominum
nostrum ; qui te in Chana Gali[f. 65]lee, signo admirabili suæ
potentiæ, convertit in vinum ; qui
pedibus super te ambulavit et ab Joanne in
Jordane in te baptizatus est [f. 65v] ; qui te una cum sanguine de
latere suo produxit, et discipulis jussit ut
credentes baptizarentur in te
dicens : Ite, docete om[f. 66]nes gentes, baptizantes eos in nomine
Patris et Filii et Spiritus sancti’♫.
- Chorus ‘Amen.’
- Hic mutet vocem quasi legendo submissa foce, et
dicat :
- ‘Hęc nobis præcepta servantibus, tu, Deus
omnipotens, clemens adesto, tu benignus
aspira.’
- Quo dicto, sufflet aspirando aquam in modum
crucis,deinde altera vice incipi[f. 66v]at
quasi legens :
- Hæc nobis præcepta servantibus, tu, Deus
omnipotens, clemens adesto, tu benignus
aspira.’
- Iterum sufflet aspirando ut supra. Deinde tertia
vice incipiat quasi legens :
- ‘Hęc nobis præcepta servantibus, tu, Deus
omnipotens, clemens adesto, tu benignus
aspira.’
- Tertio sufflet ut supra.
- Quo facto, prosequatur eadem submissa voce quasi
legens :
- ‘Tu has simplices aquas tuo ore
benedicito, ut pręter naturalem
emundationem, quam lavandis possunt adhibere
corporibus, sint etiam purificandis
me[n]tibus efficaces [f. 67]’.
- Deinde accipiat de manu diaconi cereum igne
benedicto accensum, cantando hoc modo :
- ‘Descendat in hanc plenitudinem fontis
virtus Spiritus tui’ ♫.
- Quo decantato, eundem cereum deponet in fonte,
quem extrahendo, iterum cum cantu dicet :
- ‘Descendat in hanc ple[f. 67v]nitudinem fontis virtus Spiritus tui’
♫.
- Iterum deponet cereum in fonte, atque iterum
extrahens, dicet cum cantu :
- ‘Descendat in hanc plenitudinem fontis
virtus Spiritus tui’ ♫.
- Quo dicto, deponet tertio eundem cereum in fonte,
de[f. 68]inde illum extrahens reddet
diacono. Postea ter sufflabit in aquam, nihil vel
dicendo vel cantando. Quo facto, cætera prosequetur
eo, quo incepit, cantandi tono :
- ‘Totamque hujus aquæ substantiam
regenerandi fecundet effectu. Hic omnium
pecca[f. 68v]torum maculæ
deleantur ; hic natura ad imaginem
tuam condita, et ad honorem sui reformata
principii, cunctis vetustatis squalo[f. 69]ribus emundetur, ut omnis homo
hoc sacramentum regenerationis ingressus in
vere innocentiæ novam infantiam renascatur ’
♫ [f. 69v].
- Deinde dicit, submissa voce :
- ‘Per Dominum nostrum Jesu Christum Filium
tuum, qui tecum vivit et regnat in unitate
Spiritus Sancti Deus, per omnia secula
seculorum.’
- Chorus ‘Amen.’
- Quo dicto, accipiat cereum de manu diaconi, et de
eo faciat distilare guttas cære in aquam in modum
crucis, dicens submissa voce :
- ‘Sanctificetur et fœcundetur fons iste, in
nomine ┼ Patris, ┼ et Filii, ┼ et Spiritus
Sancti.’
- Respondet chorus ‘Amen.’
- Advertendum est autem quod, licet dictum sit supra
distillandas esse guttas [f. 70] cæræ in aquam
in modum crucis, id non intelligi ut semel illæ in
aquam distillentur, sed trina vice, sub invocatione
Patris et Filii et Spiritus Sancti, ut supradictis
tribus crucibus rubeis distinctum est.
- Quo facto, removebit ex fonte distillatas guttas
cęræ, et in aliud vas projiciet, extrahendo
diligentissime quotquot poterit, antequam oleum et
chrisma infundantur in fonte. Quibus extractis, et
assumpta mitra, redibit a fonte ad locum cum
canonicis ; ibique accipiet aspersorium de
manu diaconi, et cum se asperserit aqua benedicta,
diaconum quoque asperget, diaconus autem decanum,
omnes [f. 70v] canonicos et circunstantes.
- Quo facto, dominus archiepiscopus accedet ad
fontem, et deposita mitra, infundet in eo oleum in
modum crucis, dicendo submissa voce :
- ‘Fœcundetur ┼ et sanctificetur fons iste
ex eo renascentibus in vitam æternam.’
- Chorus ‘Amen.’
- Deinde infundet in eodem fonte sanctum chrisma in
modum crucis, dicendo :
- ‘Fiat conjunctio chrismatis unctionis et
aquæ baptismatis i[n] nomine Patris, ┼ et
Filii, et Spiritus Sancti.’
- Chorus ‘Amen.’
- Quae infusiones olei et chrismatis in fonte non
fiunt [f. 71] trina vice, sed semel tantum, ut
designant cruces supradictę in orationibus insertæ.
Atque ita completur fontium benedictio.In cujus
fine, dominus archiepiscopus lavabit manus aqua
munda cum mica panis. Expectetur baptizandum
parbulum, si ei offeratur.
F. 71 :
Baptismus parvulorum post benedictionem fontium.
- Completa benedictione fontium, si offeratur domino
archiepiscopo parvulus baptizandus, ab eo
baptizabitur. Quo si plures offerantur, poterunt
baptizari [f. 71v] a parochiis ecclesiarum
Sanctorum Petri Veteris, Hilarii, Stephani et
Simphoriani Rhemensium, qui tanquam testes ei
benedictioni intersunt, ne forte missæ sacrificium
in multum tempus protrahatur. Ut autem commode id
totum fiat, recitabuntur exorcismi et orationes
super parvulis eo die baptizandis, idque ab uno ex
supradictis curatis, usque ad hunc locum inclusive
‘N., ingredere in templum Dei, et ora in atrio
sancto ejus’, introducendo parvulos in ecclesiam et
nominando eos. Ubi vero tempus oportunum advenerit
ut completa benedictione petantur deferri ad fontes
[f. 72], unus ex his deferetur nudus,
accedentibus patrinis et matrinis ad pontificem, qui
prope fontes stat. Ad quem, cum perventum fuerit,
quesitum prius de nomine infantis. Et interrogabit
pontifex his verbis :
- ‘Abrenuntias Sathanę ?’
- Respondent patrini et matrini
‘Abrenuntio.’
- Rursum interrogat ‘Et omnibus operibus
ejus ?’
- Respondent ‘Abrenuntio.’
- Tertio interrogat ‘Et omnibus pompis
ejus ?’
- Respondent ‘Abrenuntio.’
- Post hæc, cum quesierit de nomine infantis, eum
oleo cathecumenorum in pectore inungat in modum
crucis, dicens :
- ‘Et ego, linio te salutis.’
- Deinde liniat eundem [f. 72v] inter scapulas,
dicens :
- ‘In Christo Jesu Domino nostro, in vitam
æternam. Amen.’
- Quo facto, quęrit iterum de nomine infantis, his
verbis :
- De quo cum ei responsum fuerit, rursum interroget,
nominando infantem :
- ‘Credis in Deum patrem omnipotentem,
creatorem cœli et terrę ?’
- Respondent ‘Credo.’
- Rursum interroget :
- ‘Credis et in Jesum Christum Filium ejus,
unicum Dominum nostrum, natum et
passum ?’
- Respondent ‘Credo.’
- Tertio interroget :
- ‘Credis et in Spiritum Sanctum, sanctam
Ecclesiam catholicam, sanctorum communionem,
remissionem peccatorum, car[f. 73]nis
resurrectionem, et æternam vitam post
mortem ?’
- Respondent ‘Credo.’
- Proinde, cum quæsierit de nomine infantis, rursum
interrogabit :
- ‘Quid petis ?’
- Respondent ‘Baptismum.’
- Iterum interrogabit :
- ‘Vis baptizari ?’
- Respondent ‘Volo.’
- Quo responso, baptizabiur tandem infans, ter eum
immergendo aqua baptismatis. Solent autem uti hisce
verbis, nominando infantem N. :
- ‘Si tu es baptisatus, non te
baptizo ; et si tu non es
baptizatus, ego te baptizo, in nomine Patris
┼ et Filii ┼ et Spiritus Sancti ┼ .
Amen’
- Quæ forma baptizmi, scilicet ‘Ego te baptizo’,
inmersione aquæ baptismatis super [f. 73v]
infantem exprimetur. Post baptismum autem,
baptizatus inungatur chrismate in modum crucis, sed
in vertice, quęrendo prius de nomine infantis, et
orationem infrascriptam dicendo :
- ‘Deus omnipotens, pater Domini nostri Jesu
Christi, qui te regeneravit ex aqua et
Spiritu Sancto, quique dedit tibi
remissionem omnium peccatorum, ipse te
liniat chrismate salutis in Christo Jesu
Domino nostro in vitam æternam.’
- Respondent ‘Amen.’
- Postremo baptizatus infans alba veste vestiatur,
pontifice dicente :
- ‘Accipe vestem candidam [f. 74]
sanctam et immaculatam, quam perferas ante
tribunal Domini nostri Jesu Christi, ut
habeas vitam æternam, et vivas in secula
seculorum.’
- Respondent ‘Amen.’
- Quo facto, involvatur infans in pannis suis, et
afferatur ad altare, quod est sacrum divæ Mariæ
Virgini, quæ vulgo cognominatur ‘ad
nives’ ; et cum ei in ore positum fuerit
aliquantulum vivi [sic], pax dabitur
osculanda. Post hæc, prębeat in manu infantis cęreum
accensum, dicendo :
- ‘Accipe lampadem ardentem
irreprehensibilem, custodi baptismum tuum,
ut cum Dominus venerit ad nuptias, possis ei
[f. 74v] occurrere una cum sanctis
in aula cœlesti, ut habeas vitam æternam et
vivas in secula seculorum.’
- Respondent ‘Amen’.
- Peractis omnibus, injungat pontifex patrinis et
matrinis ut custodiant infantem a periculis ignis et
aquæ usque ad septennium, atque id recitent
parentibus infantis ut similiter faciant, curentque
ut adultus ediscat orationem dominicam ‘Pater
noster’ et salutationem angelicam ‘Ave Maria’. Tum
signet infantem, producendo super eum signum crucis
et dicendo :
- ‘In nomine ┼ Patris, Filii et Spiritus
Sancti.’
- Respondent ‘Amen.’ [f. 75]
- Advertendum est autem quod, ne sacrificum missæ
hoc die sabbati sancti in multum tempus protrahatur,
poterit pontifex injungere alicui ex supradictis
quatuor curatis, qui benedictioni fontium intersunt,
ut allato infante ad altare, ei cereum accensum
prębeant, et orationem recitent, et quę injungenda
sunt patrinis et matrinis injungant, prout latius in
libro (‘Agenda’ inscribitur) expositum est. Cæterum
si qui confirmandi sint hoc die, post benedictionem
fontium, siliceat per tempus, confirmari poterunt.
Tamen melius est ut confirmatio in aliam horam
rejiciatur, ne neophitis [f. 75v], idest illis
de novo ad fidem instructis, qui divinum nondum
officium consueverunt, tedio efficiantur. Certo enim
constat confirmationem quocunque die, loco et hora a
pontifice dare posse. Quod si confirmatio fiat,
recurrendum erit ad pontificale, ubi quicquid
agendum sit latius explicatur ; quod certe
hic inserere ex industria noluimus, ne potius tedium
quam prolixitatem adferre videremur. Cum itaque
baptizatus fuerit infans, et laverit manus pontifex
aqua munda cum sale et mica panis, quas lavare
debet, simul atque infantem chrismate induerit, et
omnia peracta fuerint quæ circa fon[f. 76]tes
peragi debent, incæpta trina letania, redibit idem
pontifex in vestiarium, transiens cum ministris in
transverso chori ante cęreum magnum
benedictum ; et ibi, depositis sacris
vestibus quibus indutus erat in benedictione
fontium, alia accipiet, præparans se ad missæ
sollennitatem. Qua peracta, usque ad ablutionem
manuum, quæ sit post perceptionem Corporis et
Sanguinis Christi, dictis prius orationibus quæ in
eadem perceptione ordinatæ sunt, accensis item ac
depositis ante altare novem cęreis, nec ulla
recitata postcommunione, ac sine ‘Deus, in
adjutorium’, vesperæ decantabuntur solenniter hoc
infra[f. 76v]scripto modo :
F. 76v :
Ad vesperas.
- Stante domino archiepiscopo ad cornu altaris, ubi
epistolam in missa perlegit, cum incœperit cantor
‘Alleluya’, et diaconus senior in cathedra inferiori
psalmum ‘Laudate Dominum, omnes gentes’,
pri[v]atimb cum circunstantibus
recitabit antiphonas, psalmum et canticum
‘Magnificat’ usque ad orationem ‘Spiritum nobis,
Domine’, idque exclusive propterea quod eandem
orationem decantatur. Recitabit autem vesperas hoc
modo [f. 77] :
- ‘Alleluya’
- ‘Laudate Dominum omnes gentes, laudate eum
omnes populi ;
- Quoniam confirmata est super nos
misericordias ejus, et veritas Domini manet
in æternum.
- Gloria Pat[r]i, et Filio, et Spiritui
Sancto ;
- Sicut erat in principio, et nunc et
semper, et in secula seculorum.
Amen.’
- Deinde ter subjungitur ‘Alleluya, alleluya,
alleluya’.
- Quibus finitis, antiphonam ante canticum
‘Magnificat’ recitabit pri[v]atimc, sed alta
voce decantabit cum ei [f. 77v] illam
præintonarit cantor quam, ut commode intonet,
meminerit pontifex. Quod cantato ter ‘Alleluya’, non
dicitur neuma. Eam autem antiphonam decantabit hoc modo :
- ‘Vespere autem sabbati’ ♫.
- Deinde sequitur canticum :
- ‘Magnificat anima mea Dominum...
-
[f. 78]
- ... Gloria Patri, et Filio, et Spiritui
Sancto [f. 78v] ;
- Sicut erat in principio, et nunc et
semper, et in secula seculorum.
Amen.’
- Deinte dicitur antiphona quæ infra sequitur :
- ‘Vespere autem sabbati, quæ
[l]ucescitd in prima sabbati, venit
Maria Magdalene, et altera Maria, videre
sepulchrum, alleluya.’
- Quæ antiphona cum a choro integre decantate
fuerit, in qua tamen neuma non dicitur, vertet se
pontifex ad populum, ac tenens baculum pastoralem in
manu et habens mitram in capite, alta voce decantabit :
- ‘Dominus vobiscum’ ♫ [f. 79].
- Deinde versus ad altare prosequetur sine mitra :
- ‘Oremus’ ♫.
- ‘Spiritum nobis, Domine, tuæ charitatis
infunde, ut quos sacramentis paschalibus
satiasti, tua facias pietate concordes. Per
Dominum nostrum Jesum Christum Filium tuum,
qui tecum vivit et regnat in univate ejusdem
Spiritus Sancti Deus, per omnia secula
seculorum.’
- Chorus ‘Amen’.
- Deinde prosequitur cum mitra, iterato se vertens
ad populum cum baculo pastorali [f. 79v] :
- Quo dicto, cum diaconus dixerit ‘Ite missa est’,
inclinabit se ante altare pontifex, dicens submissa
voce ‘Placeat tibi’, nec interabit benedictionem
super populum, cum eum jam benedixerit in sacrificio
missæ, sive in eo ordinati fuerint aliqui sive non.
Atqua ita finiuntur vesperę hujus diei, qui simul
cum missa conjunctæ sunt. Revertetur autem pontifex
in sacrarium exuturus pontificales vestes, ac postea
reducendus a canonicis in palatium more solito,
indutus stola, pluviali et [f. 80] mitra
pretiosa, cum cruce et pedo. Quod si reduci nolit,
exiens e vestiario digredietur per medium chori,
antecedente cruce et scutifero almusium
deferente : cumque pervenerit ante altare,
genuflexus super inferiore gradu chori, preces
recitabit, ut assuetum est post missam, nisi forte
illas in sacrario jam recitare, reversurus postea
domum cum domesticis suis.
F. 80 :
Ad completorium.
- Si contingat hoc die dominum archiepiscopum
solenniter decan[f. 80v]tare, veniet cum
domesticis ad ecclesiam, finito pulsu campanulæ
puerorum chori, indutus rocheto et desuper
suppellicio, antecedente cruce et scutifero amulsium
deferente, ingressurus chorum per portam ferream,
que est sub majori pulpito, inque sede assueta cum
canonicis consessurus. Cum autem aliquantulum
oraverit, stans erectus, tantisper expectabit dum
unus e canonicis minoribus pronuntiarit ‘Jube,
Domine, benedicere’, ei hoc modo responsurus :
- ‘Omnipotens Dominus [f. 81] sua
gratia nos benedicat’ ♫.
- Quo dicto, prosequetur canonicus quæ sit cantando
recitaturus, nec ante finire debet quam dominus
archiepiscopus alta et intelligibili voce
pronuntiarit ‘Tu autem’. Et cum a choro responsum
fuerit ‘Deo gratias’, tunc idem dominus
archiepiscopus, detecto capite ac super brachium
habens almusium, decantare incipiet infrascripto modo :
- ‘Converte nos, Deus [f. 81v]
salutaris noster’ ♫.
- ‘Deus, in adjutorium meum intende’
♫.
- Finito hymno ‘Jesu, redemptor seculi’, hoc
decantat capitulum :
- ‘Tu in nobis es, Domine, et nomen sanctum
tuum invocatum est super nos, ne derelinquas
nos, Domine Deus noster.’
- Chorus ‘Deo gratias.’
- Decantato novies ‘Kyrie [f. 82] eleeson’, cum
pronuntiatum fuerit secreto ‘Pater noster’, tum incipit :
- ‘Et ne nos inducas in tentationem’ ♫ —
Chorus ‘Sed libera nos a malo.’
- Archiepiscopus ‘In pace in idipsum’ —
Chorus ‘Dormiam et requiescam.’
- Hic dominus archiepiscopus et chorus Symbolum
apostolorum secredo recitant :
- ‘Credo in Deum Patrem omnipotentem ...
-
[f. 82v]
- ... remissionem peccatorum.’
- Dominus archiepiscopus [f. 83], clara voce
decantando, prosequitur :
- ‘Carnis resurrectionem’ — Chorus ‘Vitam
æternam. Amen.’
- Archiepiscopus ‘Benedicamus Patrem et
Filium cum Sancto Spiritu’ — Chorus
‘Laudemus et superexaltemus eum in secula.’
- Archiepiscopus ‘Benedicat nos omnipotens
Deus’ — Chorus ‘Qui fecit cœlum et terram’
- Archiepiscopus ‘Deus, tu conversus,
vivicabis nos [f. 83v]’ — Chorus ‘Et
plebs tua lætabitur in te.’
- Archiepiscopus ‘Ostende nobis, Domine,
misericordiam tuam’ — Chorus ‘Et salutare
tuum da nobis.’
- Dominus archiepiscopus, pressa voce, sed
intelligibili, quasi legendo, prosequitur hunc versum :
- Archiepiscopus ‘Dignare, Domine, die isto’
— Chorus ‘Sine peccato nos
custodire.’
- Deinde peccatorum publicam confessionem, duobus
canonicis diaconis qui e regione stent detecto
capite, simulque choro respondentibus, dicit hoc
infrascripto modo [f. 84] :
- ‘Confiteor Deo omnipotenti...
- ... orare pro me Dominum Deum
nostrum.’
- Qua dicta, duo canonici diaconi simulque chorus
[f. 84v] iterant eadem
confessionem ; et loco ‘vobis fratres’ et
‘vos fratres’ dicunt ‘tibi pater’ et ‘te pater’,
prosequendo usque ad finem.
- Tum dominus archiepiscopus :
- ‘Misereatur vestri omnipotens
Deus...