[1]

Premierement de la parruisse de Nanthoill, c'est assavoir de Guillaume le Tabeureur et de Jehans Fournier et de Perrin Eveillié pour ce qu'il sunt batart et se joustissent par chapitre et demeurent en la joustice le roy. Item de Jehanin Tabourel qui est batars et fiuz de Merot La Tabourelle et se joutisse par Faremoustier.

Item de Deniset le fil Malot la Mutete qui se joustice par la commune, et si est batars.

Item enfans qui sont enfans Marguet La Coteree qui sunt batars et se joustissent par la commune, a non lï uns Jehanins, l'autre Babolet, l'autre Perrot et l'autre Agnesot.

Item 1 homme qui est hons le roy pour reson de la commune, qui a non Jehan Arrivé et demeure seur la terre au chapitre de Miauz et se joustice par le chapistre.

Item 1 homme le roy de la commune qui a non Estienne Dalubert et s'est tresportez seur la terre messire Henri des Murs et se joustice par ledit messire Henri.

Item 3 hommes qui sont venuz espave de hors du païs, dont li uns a non Thiebaut de Sezane, l'autre Raoul d'Agonne et li tiers Jaques Li Boiteus et se joustissent par la commune.

Item Jehan Coteré qui fu banniz par le maïeur et a esté rapelez par le maïeur.

Item Phelippes Morel banniz par le mere et rappelez. Item Th. Bursaut banniz par le mere sanz rappel a tous jours.

Item une hostise a Nantueill au leu qu'en dit a Vinteiles et est es bonnes le roy et y suit li roys penre taille pour la commune par le mere de la commune et li prevoz de Marueill la veut garantir de paier toute ne taille et bien a Ernoul Priné tesmoignié qu'il avoit assis den.de cens sus celle hostise a paier chascun an, ja soit ce qu'il n'en devoient point a Saint Denis, ains movoit du roy pour estre garantiz de ladite taille, tesmoins Pierre Quoton, Pier Omont, Guillaume Lerin, Ansiaume de La Ruelle, et si l'orrent tuit dire audit Ernoul.

Item une fame qui est batarde, qui a non Marguerite La Pansarde qui se joustisser (sic) par la commune.

Item Agnes la fame Jehan Brahant et se joustisse par la commune.

Et toutes ces choses devant foites seront seues par Guillaume Hervi, par Pierre Omont, Jehan Quognet, Hue Arrivé, Ansiaume de La Ruelle, Jehan Rilier, Adam Chale, Phelippe Quochet, Droet L'Evesque, Pierre Le Quoton, Pierre Pilier, Colet du Viennoy, Thomas Gile, Evrart Bichete, Pierre Bouquet.

Item de la ville d'Illes ce sunt li espave : Alene La Bourgoine et si troy enfans. Item Huet Le Piquart et sa fame. Item Engorrant et sa fame et 3 enfans. Item Denise Mignot. Item Jehan Barbotin de Montion.

Item Jehan Cornet a une yllete, acensié de Guillaume de Tourbetein et du fil feu Phelippe Le Buef d'Illes, et siet l'illete enmi la riviere.

Item Saint Johan. Marie, la fame Petit Mari a encombré le ru de la ville par ou l'iaue devoit courir. Item ele tient 3 arpens de pré qui furent Colin Le Gatelier, li quieus prés fu forfez par devers le roy pour ledit Colin qui estoit murtriers.

Item Milet Le Charron tient une granche devant la meson feu Petit Mari qui fu Ondonelle, li quieus Ondonelle tua le malade de la ville.

Item La Soiere et Huré son frere qui trouvent la meson Jehanin. Estienne leur frere qui fu murtriers et siet la meson devant la granche devant dite.

Item les enfans Gendri du Tertre qui furent homme de cors damoiselle Huitace de Saint Souplet, laquele damoiselle les a venduz a l'eglise de Joirre et se tiennent lesdites personnes a hommes de l'eglise de Juerre.

Item li abbé de Saint Faron a fortrait et osté l'usage aus bonnes gens de la ville qu'il soloient avoir es bois et en pert li roys 1 muy d'avoine et plus qu'il soloit avoir en ladite ville pour reson de cel usage.