[1]

.

Par Ponz Gibert de Narbonne se prove qu''Arnaut Benoit de Narbonne traït dou reaume de France et fit porter et vendre a Jenes VIII^MIIII^CLVII marz, II unces et III^C et XV dobles et demi d'or.

Par Pierre de Nimes ou XVII foillet se prove que Arnaut Benoit fit traire dou reaume et porter a Jenes grant quantité de monoie, laquelle reçut Ponz Gibert.

Par Pierre Audemar de Monpelier ou XVII foillet se prove que Arnaut Benoit fit traire dou reaume et porta a Jenes IX besaces plenes de monoie et de billon, lesquelles veut Ponz Gibert.

Par Raymon de Nates ou XVII foillet se prove que Arnaut Benoist fist traire dou reaume et porter a Jenes III quintaus de monoie lesquels reçut Ponz Gibert.

Par Raymon Hugue ou XXIII foillet se prove que Arnaut Benoit fist traire dou reaume par Jaque de Rodes III^c et XV dobles et demi d'or et CXLVI lurés gros qui coustoient M IX^cIIII^xxIX livres XVIII s. 1 d.

Par celi mesmes se prove que li diz Arnaus fit traire dou reaume ou phil Pierre de la Maignenie VIII besaces de billon pesant V quintaus.

Par iceli mesmes li diz Arnaus fit traire dou reaume et porter a Jenes X quintaus de billon et aigent.

Par Guillaume le Tinture ou XVII foillet se prove que Arnaut Benois fit traire par Pierre de la Maignenie et porter a Jenes VIII besaces de billon pesanz VIII quintaus, les queles recut Ponz Gibert.

Par Nicolas de Luque se prove que Ponz Gibert, Raymon Molinier Raymon Hugue, fanteur de Arnaut Benoit et de ses compaignons de Narbonne firent fondre a Jenes grant quantité de monoie et de billon par Saince de Ruppe, Guill. Galande fit porter billon en celi lieu mesmes par celi mesmes.

Contre Arnaut Benoit se prove par la leitre Jaque de Rodes, laquele leitre lidiz Jaques approva et confessa toutes les choses contenues dedanz la dite leitre estre voeres en la presence de mons Gauchier de Chastillon et en la presence de maistre Jaques de Jacines, notaire le roy, c'est a savoir les choses qui ensuient :

Et toutes ces choses desus dites veut prover li diz Ponces Gibert contre Arnaut Benoit et ses complices, par le conte fait entre ledit Ponce Gibert et le dit Arnaut Benoist et escrit de la main dou dit Arnaut ou livre doudit Ponce et par les leitres scellees dou seel dou dit Arnaut lequel seel il portoit en son doit et douquel seel Milet d'Aucerre a l'emprunter par devers li, et est l'emprinte un agnus Dei petit.

Par Berenguier Phelippe se prove contre Joh. Paumier que li dit J. fit fondre III quintaus et demi de monoie blanche et C livres de monoie noere, laquele estoit apareillee a fondre et toutes ces choses valoient VII^c marz d'argent.

Par Pierre de Val Lebouge, ou XXIX foillet, se prove contre Pierre Garri et J. Paumier que il a iceli Pierre vendirent II^c quintaus de trait de billon.

Par iceli mesmes se prove que Pierre Garri, J. Paupier vendirent a Pierre Fabre, Guill. Fabre, freres, plus de V^c quintaus de trait de billon.

Par Pierre Fabre, ou XXIX foillet, se prove que Pierre Garri vendi a iceli Pierre III^c quintaus de trait de billon.

Par celi mesmes se prove que J. Paumier vendi a Remon Fabre CLX quintaus de trait de billon, et dit li diz Pierre que a plusieurs autres li diz J. Paumiers et sa compains (sic) plus de M quintaus de trait de billon.

Par Pierre Andrieu se prove que J. et Pierre Salicates furent trové fundant grant quantité de billon et d'argent, ou nom de J. Paumier a Monpellier.

Par Philibert Martin se prove, ou XXXVII foillet que J. Paumier, J. Richart, J. Rous, P. de la Maignenie, Guill. Denis, Bernart Trapassans, Ponz Almandin, changeur de Monpellier, firent afiner plus de XL^M marz d'argent trait de billon.

Par Guill. de Val Lebouse, ou IIII foillet, se prove que J. Paumier, P. Garri, J. Richart, P. de la Moignenie, Hugon Douse, G. Denis, Rostans de Salelles, Bernarz Trapassans achaterent billon et firent fondre en III lieus et vendirent l'argent qui en fut trait aus marchanz d'Arragon.

Par J. de Fontenes, se prove, ou XVIII foillet, que J. Paumier et P. Garri, fauteurs de J. Paumier, achaterent billon duqu'a la somme de M. marz d'argent.

Par G. Dimanche, se prove que J. et P. Salicates, freres, furent trové si com desus est dit.

Par P. Amaurri se prove que J. et P. Salicates, freres, furent trové si com desus est dit.

Par P. Bee, se prove, ou IIII foillet, que J. Paumier et J. Richart firent fondre billon.

Par Joh. de Fontenes, se prove que P. de la Moignenie, changeur de Monpelier, achaterent (sic) billon, duqu'a la value de M marz d'argent.

Par celi mesmes se prove que Bernarz Trapassens achata billon duqu'a la value de VIII^c ou M marz d'argent.

Par celi mesmes se prove que Richart, changeur de Monpelier, achata billon duqu'a la somme de VIII^c ou M marz d'argent.

Par celi mesmes se prove que Hugon Douse, changeur de Monpelier achata billon duqu'a la value de IIII^c ou V^c marz d'argent.

Par celi mesmes se prove que Raymon Coustelier, Nicolas Luce, fauteus de hoirs Andri Ermangaut, acheterent IIII^c marz d'argent ou V^c.

Par celi mesmes, se prove que Francois Besango, fauteur de Guill. Denis, achaterent (sic) IIII^c ou V^c marz d'argent.

Par celi mesmes, se prove que J. de Rodoys achata billon duqu'a la somme de III^c ou IIII^c marz d'argent.

Par celi mesmes, se prove que Berarz Salas, fauteur de Rostain de Salelles achata III^c ou IIII^c marz d'argent.

Par celi mesmes, se prove que Jiricharz, P. Garri, recassoient monoie en la foisne de Monpelier.

Par celi mesmes, se prove que Jaque Arqueiato de Narbone bailla en comande a G. Barral d'Avignon pour cause de traire hors dou reaume II^c flor. de Florence.

Par celi mesmes, se prove que Bernart Claret bailla en comande a Raymon Seras de traire dou reaume C livres.

Par celi mesmes se prove que Raymon Seras bailla a Raymon de Narbonne pour cause de traire dou reaume C livres.

Par celi mesmes se prove que P. de Gironne bailla a Berthelemi Tolosan pour cause de traire dou reaume C livres.

Par celi mesmes se prove que J. Vincent de Narbonne bailla en comande a Raymon de Seras pour cause de traire dou reaume et porter en Arragon III^c livres.

Par Saturnin du Falquier, ou XXI foillet, se prove que J. Richart, Ponz Almandin, envoierent audit Saturnin pour cause de fondre XXIIII quintaus de billon, lesquels li diz Saturnins recassa, et valoient V^M marz.

Par G. Aillon de Clermont se prove que la compaignie des Cistiaus de Clermont et de Montferrant, Robert Cistel de Clermont, P. Verteyson de Montferrant, Chauchet de Montferrant, Durant Huillet de Clermont, maistre Durant Doruhon d'Aigue passe, li enfant Estienne dou Chasteau de Royan, la compaignie P. Marcel de Montferran, les Miaus de Clermont vendent monoie a Monpelier.

Par Nicaise de Beaumont, apothicaire de Monpelier, ou XX foillet, se prove que Robert Custiau, G. Maisnier, Robert Salomon de Montferrant, Jaque Novel, Amiot Gauterni, Burlot de Clermont envoient serpelieres esquells est monoie de billon.

Par Pierre Chapelain, se prove que Pierre Garri fit fundre XX marz de billon.

Et toutes ces choses desus dites sont contenues plus plainement en l'information que Milet d'Aucerre a bailliee par devers les maistres des contes de roy.

Et sus ces choses fut donnee commissions audit Milet et a mons. J. Richart, juge de Sommieres, de par mesire Gauchier de Chastillon, a aler avant en l'enqueste sus les choses desus dites, de laquele commission l'en est preez de fere foy touz temps que mestiers sera.

Ceux qui ensuient sont fuitif : P. Garri, fauteur et compainz de J. Paumier, douquel les biens contenuz en l'inventoere valent XI^M livres ; J. d'Aniene, fauteur de Bernart Trespassant ; J. et P. Salicates, freres, fauteurs de J. Paumier, desquels les biens sont contenu en l'inventorie, et cest inventoere desus dit fut fait par la main Corrat l'Alement, par le comandement mons. J. d'Arrabloy1.

Johan Richart, tesmoing.

Pierre Garri et Joh. Greye, fauteur de Johan Paumier, avecques II roes, de jour et de nuit a Saint Lorant2 furent trové, et en un autre lieu qui bien sera seuz, par un an et demi ou environ en sit et en tel maniere que chascun jour avec la nuit les II ovroient, qui povoient monter l'une par l'autre C ou VI^xx mars d'argent, et monter poissent ensemble de tout le dit temps C ou VI^xx mille marz d'argent.

Demandez se il seut qui ont le dit argent, ou il fut transportez, dist que non.

Et ces choses se pourront savoir par Joh. Galaube, ostelier, Pierre de Mesanas, corratier.

Item dudit temps sa en arriere en celi an, li diz Pierres fist faire ou dit lieu se Saint Lorant II , en la premiere furent C et X marz d'argent, et en l'autre autent, mais ce darrein oevre fut pris par la gent dou roy, et lors li baillis de Saint Lorant i surveint, et pour ce qu'il ni avoit esté requis, ledit argent aus diz curiaus dou roy asporta, et puis apres oÿ dire que ledit argent fut changié a une pierre de plonc, en laquele n'estoient pas plus que XV marz d'argent.

Tesmoing ledit baillif de Saint Lorant, Pierre Ratier de Saint Lorant.

Item de IIII semenes ou un moys sa en arriere, li diz Pierre Garri, fist aporter a IIII bestes quatre oevres d'argent covertes de fer.

Tesmoing Pierre Raties.

Item l'an dit que Guill. de Eglises, Pierre Astren, fauteur de J. Paumier, porterent outre le Rone et vendirent granz quantitez d'or tant en masse quant en verge, par diverses foyz. Tesmoins les corratiers d'Avignon.

Les noms des coratiers :

Beco Boro Francoys, Guill. Vesian, Aymeri de Ruppe, Bernart du Boys, Joh. de Fontenes, corratier, Bernart Bovet, Pierre Mesanas, Jaque Vesian.

Item dit soy avoir oÿ dire de Joh. de Fontenes, corratier, que Huill. Daunisii, changeur de Monpellier, recassa dedanz l'ostel plusieurs et frequentes foiz.

Joh. Ganabes, ostelier et corratier de Monpellier.

Demandez par les saintes Evangiles, dist par son serement que il ala vendre de billon, mais la somme dire il sauroit, disant soy avoir vendu a Joh. Paumier, marchant de Monpellier, de billon environ V^M mars d'argent, avant plus que moins, puis VIII ans sa en arriere.

Item a Pierre Garri la valeur de III^M livres.

Requis coment et en quel maniere il le savoit, dist que il qui palle, et Raynon Porel ses compains qui parle, en orent pour le corratage LX s.torn.

Demandez dou temps, dist que depuis un an et demi sa en arriere dou fait doudit Pierre.

Item dit soy avoir vendu de billon Pierre de la Maigneuse, changeur de Monpellier, duques au pris ou a la valeur de III^M livres torn., desdiz VIII ans sa en arriere.

Requis qui fut presens et ces choses est, dist que li diz Raymons Porel.

Item dist soi avoir vendu billon a Joh. Rous et a Joh. d'Aniene, son neveun duqu'a la valeur ou a la somme de III^M livres torn., doudit temps sa en arriere.

Item dist soy avoir vendu billon a Joh. Richart puis II ans sa en arriere duqu'a la value ou a la some de II^M et V^C livres.

Item dist soy avoir vendu billon a Joh. Aguillon, changeur de Monpellier, puis II ans sa en arriere, avecques Raymon Porel, son compaignon, duqu'a la somme de II ou III^M livres torn.

Demandez des presens qui se seurent, dist que li diz ses compains.

Demandez se a aucunes autres persones il vendit billon, dist que cil : a Joh. de Rodes, changeur de Monpellier, a qui il vendi de billon duqu'a la valeur ou a la somme de IIII^M livres, avant plus que moins, puis IIII ans sa en arriere. Et ce set lidiz Raymons ses compains.

Demandez des noms de ceux qui estoit li billons qui vendit, dist que de Joh. Marcel de Limoges, demorant en ladite cité de Limoges, par la main Joh. et Pierre Ruant, neveuz doudit Joh. Marcel.

Demandez de la quantité dou billon qui vendit de la dite compaignie de Joh. Marcel, dist que il ne set, pour la grant somme et quantité de iceli.

Item dist soy avoir vendu le billon Pierre Raymon de ladite cité de Limoges, par la main Joh. de Vargis, son sororge, mais il ne set la quantité, pour la grant multitude.

Item soy avoir vendu billon de Marcel, capiteine dou roy, de ladite cité de Limoges en grant quantité, de laquele il ne se recorde.

Item soy avoir vendu billon de Pierre, capitene dou roy, frere doudit Marcel, mais de la quantité il ne se recorde.

Item de Estiene et Benoist Citel, freres, de Montferrant, mais de la quantité il ne se recorde.

Item de Durant Cistel et Robert Cistel, freres, de Clermont, mais de la quantité il ne se recorde.

Item de Pierre du Chasteau et Dalmace, freres, de la ville de Rions, mais il ne set la quantité.

Item de Estiene et Durant dou Chasteau, freres, doudit lieu de Rions, mais il ne set la quantité.

Item dou billon Guillaume Fabre, de Pierregort, une once seulement, si com il dist.

Des autres choses, dist soy non recorder quant a present.

Raymon Pinol, corratier de Monpellier.

Demandez par les saintes Evangiles, dist soy estre de l'age de LXV ans ou environ ; dist soy avoir vendu billon puis V ans sa en arriere a Joh. Palmier, VIII ou X^M mars d'argent ; aucunes foiz il qui parle estoit seus et aucunes foiz estoit avec li Joh. Galaube ses compains.

Item dist soy avoir vendu a Pierre Garri, puis la feste saint Michel sa en arriere, billon duqu'a la somme ou a la valeur de II mile livres ; aucunes foiz estoit seus et aucunes foiz ses compains o li, pour lesques choses il orent pour le corratage L s. torn.

Item soy avoir vendu billon a Joh. Richart, puis II ans sa en arriere ; aucune foiz seue et aucunne foiz avec li son compaignon, environ mil ou mil et V^C mars d'argent, des ques, si com il dit, il orent LX s. pour le corratage.

Item soy avoir vendu billon a Pierre de la Maiquenie, puis an et demi sa en arriere, environ mil et V^C mars d'argent.

Item puis an et demi sa en arriere, a Jehan de Rodes, changeur de Monpellier, L mars de billon.

Item a Joh. d'Anione, doudit temps sa en arriere, C mars d'argent ou environ.

Item demandez se a aucunes autres personnes il a vendu billon, dist que nonique il se recorde quant a present.

Item demandez des noms de ceus qui estoit li billons que il avoit vendu, dist soy avoir vendu billon de Pierre Marcel et Pierre Gati, compaignons de Montferrant, mais il ne set la quantité pour la grant multitude.

Item soy avoir vendu billon de Guill. Masoer et Jaque Novel, compaignons de Montferrant, mais il ne se recorde de la quantité.

Item soy avoir vendu billon a Raymon Ager de Montferrant, qui tient la raison de Raymon Chauchat doudit lieu, mais il ne se recorde de la quantité.

Item de Jaque Cistel de Montferrant, mais il ne se recorde de la quantité.

Item de Joh. Carrier de Billon, mais il ne se recorde de la quantité.

Item de Estiene dou Chasteau et de son frere de la ville de Rions, mais il ne se recorde de la quantité.

Item de Durant Boter de Billons, non pas en mout grant quantité, si com il dit.

Demandez se il vendi billon d'autres persones, fors que de ceus qui sont nomees ci desus, dist que non que il se recorde.

Les noms d'autres corratier.

Par Guillaume Maistre, se prove que Guillaume Lanfroy et son frere firent traire noir du reaume et porter a la monoie dou roy Robert, C^M marz d'argent blanc, et Milez d'Aucerre par qui l'information fut faite des choses desus dites, fist prendre Pierre Ponz, vallet desdiz freres, par maistre Corrat l'Alement et Pierre Jupin, sergent dou roy en la sénéchausee de Beauquere, liques Pierres prist ledit vallet et le bailla souz bone carte au souzviguier de Nimes, lequel le sénéchal delivra, nous ne savons coment, et par lequel vallet toute l'entencion le roy se povoit prover.

.