[1]

Ce sunt les enquest des chatelleries de Bray et de Monterel en Four d'Yone fet par mestre Pierre de Vile Blovain, clerc nostre seigneur le roy, en l'an de grace mil.CC.LXXXIX

Premierement, il est prové que li prieurs de Monbeon, de l'ordre Saint Victor de Paris, a conquis 2 arpanz que vigne que terre, puis 20 anz en ça, de feu Geufroi Huré, et valent environ 100 s. de rente par an.

Item, celi prieurs tient en aumosne une censive que feu Guillaumes des Barres li dona, o tout une meson qui fu feu Guobet, et vaust censive et meson environ 12 l. de rante par an.

Li curez de l'esglise de Vile Blovain tient de son conquest, puis 20 anz en ça, environ 4 arpanz de vigne en divers lieus et fiez de champagne, et tient es cens de Chaumont 15 s. de rente, en apetisant les fiez de Chaumont et les terres et les sauciz et puet tout valoir environ 14 l.

Gilauz et Baudoins Trocheiz, bourjois, tienent environ 4 arpanz de vignes qui furent jadis des fiez de Chaumont et furent mis de fié a cens, bien a environ 30 anz, et puent valoir environ 15 s. par an.

[trou] ides Escurchiez si tient 2 arpanz de terre qui furent dou fié de Chaumont et furent mis, bien a 30 anz, de fié a cens, et valent par an environ 20 s. de rante.

Li prieurs de Chaumont tient 1 arpant de bois derrier sa meson apetisié et de cret dou fié de Chaumont, bien a 30 ans ou environ, et vaut 10 s. de rante par an, et 20 s. de rante en la prevosté de Chaumont.

Johanne des Chiens tient 3 arpanz de vigne a cens que feu Pierres des Barres, sires de Chaumont, tenoit en fié, et valent par an environ 100 s. de terre.

A Ponz seur Yone, chapitres de Sanz tient 3 s. de menu cens en la seignorie le roy, les quiex il a acquis puis 15 anz en ça.

De rechief cilz chapitres si tient 50 s. de rente de son conquest a Bray sus une maison qui est Jaque dou Minaige de Bray, et sont acquis puis 24 anz en ça.

[La] maladerie de Ponz sur Yone tient environ 9 arpanz et demi de terre acquise par manere de don, puis 30 anz en ça, et valent environ 60 s. de rante par an.

Pierres li Porchiers de Chaumont tient 1 quartier de vigne en la queue de Bisost, qui a esté mise de fié a cens et vaust environ 5 s. de rante par an.

Estienes de Henost, bourjois de Sanz, tient a Ponz sur Yone environ 80 l. de terre, les quiex je tien en la main le roy, dou commandement monseigneur Jehan de Haricourt, chevalier, garde de Champagne, et l'oste de la main Jehan le Sauvaige le samedi ampres la Saint André, et doit en, des arrerages, des le temps qu'eile fu premierement saisie, jusques au samedi devant dit, ou environ, 130 l. ou un po plus.

Li abbés de Saint Pere le Vif de Sanz si tient en la vile de Ponz et es appartenances environ 28 l. de terre et 40 arpanz de bois qui soloient estre tenu en fié dou seigneur de Champagne, et les tenoit en fié li sires dou Plessie et les a conquises li diz abbés puis 20 anz en ça. Je les tien en la main le roy et en ai reçeu 30 l. environ, Pasques aura 1 an, pour les errerages, et doi avec ce puis ce temps ce que je receu que li moinne sevent.

Je tien petit de sauci que feu Premerains lessa et dona en aumosne a la Court Nostre Dame, que je trove que il muet de la censive le roy a Ponz et que l'en leur a conmandé que iles le meissient hors de leur main, 3 anz a ou anviron, et vaust environ 2 s. de rante.

Jaquanz Raous de Chaumont tient 1 arpant de terre au pré des Prassiaus, qui estoit tenue de fié et mise a cens.

La fanme feu Adan de Vile Blovain si tient l'ermoie qui fu jadis au seigneur des Barres, movent en fié, et l'acheteirent des hoirs feu Jehan des Chiens, puis 10 anz en ça.

Villeneuve la Guiart1

Michiaus de Vile Neuve la Guiart, bourjois, tient 4 arpanz de terre a cens, qui sont mis de fié a cens, et furent feu Pierre Le Gras, chevalier, et valent par an de rante environ 40 s.

Jaquanz Dyole, bourjois, tient quatre arpanz de terre assise ou leu qui est apelez Barneu, et sont mis a cens, et soloient estre tenu en fié, et n'a pas plus de 22 anz, et valent par an environ 40 s. de rante.

Li moinne de Saint Remi de Sanz tienent 9 arpanz de terre au chief de Vile Neuve la Guiart, qu'il acheterent de mon seigneur Pierre des Barres, et valent par an 9 l. ou environ de rante.

Li moinne de Pruilly tienent 2 arpanz de vignes de leur conqueiz, amortiz de Jehan des Barres, seigneur dou leu, et demeurent a amortir dou roy, dever Champagne, et valent par an de rante environ 4 l.

Li prestres de la Chapaile ou Vueve les Ville Neuve la Guiart si tient 20 s. de rante par an sus la meson Jehan des Barres escuier, de son conquest, puis 20 anz en ça.

Odauz diz Beguous, bourjois, tient 16 d. de menu cens qu'il acheta de Ysabel de Varainnes, noble fanme, et muevent de fié.

[2^o peau] Monterel en Four d'Yone et les appartenances2.

Guilloz filz Rabardiau de Montellot, bourjois, tient 2 arpanz et demi de terre assis a Vile Roy et les tient a cens. Je se ce qu'il est prové que feu Adans de Busençois, chevaliers, les tenoit en fié et les tient cilz Guilloz puis 12 anz en ça.

Guioz de Varannes, bourjois, tient un arpanz de terre en la noe Saint Estene a cens, qu'il acheta de feu Jehan de Busençoy, chevalier, qui-les tenoit en fié, et n'a pas 16 anz.

Li doiens et li chapitres de Monterel tienent de leur conqueiz une meson en chief dou pont de Monterel, assise – item une piece de terre en Biau Champ – item une autre piece que l'en apeile au Noier Poquier, les quiex choses il ont eues de Guillaume le Teinturier, pour les distributions de leur moustier, donees a son fil, c'est prové.

La fame mestre Jehan Champion, de Monterel, et si hoir tienent 1 arpant de terre par lequel (sic) l'en vet a Chesoy a cens, et eile muet de fié et fu achetee de Guillaume Paragon, chevalier, laquele il tenoit en fié puis 12 anz en ça.

Roberz de Moret, bourjois de Monterel, tient 1 arpant de terre ou terroir que l'en apeile Erraiges, a cens, qu'il acheta de Gile de Machiau, escuier, qui la tenoit en fié, et vaust 5 s. de rante par an.

L'esglise de Saint Nicholas, qui est d'aumosnes, tient par lais et par aumosnes terres et vignes et prez puis 13 anz en ça, lesquiex sont conmandees estre mises hors de sa main dedanz l'an et le jour.

La fame feu Jehan Blandi et si hoir, bourjois, tienent quatre arpanz de terre qui sont sis ou terroir de Noir Prun, qu'il acheterent de Jehan des Marais, escuier, qui les tenoit en fié ou en arriere fié de nostre seigneur le roy, et est cilz conquiz faiz puis 10 anz en ça, et est prové par la confession des parties, et valent par an environ 20 s. de rante ou plus.

Raous li Tannerres de Monterel, bourjois, cognut par devant nous qu'il tenoit 1 arpant de terre assis derrier la Poterie, a cens, qu'il avoit acheté de Gile de Machiau, escuier, qui le tenoit en fié de nostre seigneur le roy, puis 8 anz en ça, et vaust par an de rante environ 5 s.

Li chapitres de Bray a pluseurs lais qui ont esté fait puis 20 anz en ça sus les eritaiges le roy en la vile de Bray.

Item cilz chapitres a conquis 1 disme a Fox, valent par an 20 l. de rante, puis 10 anz en ça.

Li prieurs de l'Ermitaige 5 s. qu'i prant a Monteigni Lancoup, sus, l'en ne set par quel raison, puis 20 anz en ça.

Li prestres de Basoiches a conquis maintes choses par raison de lais et d'aumosnes, puis 20 anz en ça, dont nous avons les parties.

Chobez de Basoiches a acquise sa franchise de deus seigneurs devant le roy ; il afine a nous à 50 l. s'il plest a la Court.

Li portiers de Pruilly tient 9 qua[r]tiers de vigne a la Marrote, ou il a mesons et pressoir et movoient de Jehan des Ponz, escuier, a cens, dou fié le roy, et puet ce valoir 100 s. de rante par an, puis 30 anz en ça.

Pichons de la Marrote si tient 5 quartiers de terre en Varainnes, dou fié ou en arriere fié le roy, et valent 5 s. de rante par an, et est puis 12 anz en ça si con il a cogneu.

Il est trové que mestres Jehan de Champgirart ne Auberis ses freres, escuiers, ne doivent panre point de blef sus le roy es costumes de Monteigni, quar mess. Guillaumes leur peres en ot t ns en leu, et s'en tent a paiez, et puet avoir 30 anz, si que a tort a levé ce qu'il [e]n a levé puis ce temps.