IRHT

Enquêtes menées sous les derniers capétiens

> Liste des habitants de Moissac et charte d'accord avec le comte de Toulouse 1245 et 1290

Archives départementales du Tarn-et-Garonne, G 548, n° 6

Enquête

[1]

1 peau 0,640 x 0,430

Noverint universi tam presentes quam futuri quod maxima pars tocius universitatis ville Moysiacensis, scilicet :

Omnes isti pro se ipsis et pro universitate Moysiaci spontanea voluntate donaverunt et concesserunt d. Raimundo, Dei gratia comiti Tholose, marchioni Provincie et heredibus et successoribus suis in perpetuum quod ipsi heredes et successores sui vel vicarius vel bajulus suus qui pro tempore ibi aderit, possunt facere, instituere consules in villa Moysiaci quot numero et quoscunque voluerunt, annales aut prolixioris vel brevioris temporis et destituere et mutare eosdem pro suo et suorum beneplacito voluntatis.

Item donaverunt simili modo et concesserunt ut vicarius et bajulus suus qui pro tempore aderit possit debeat recipere querelas seu clamores super quibuscumque criminibus confeciones eorum super eisdem recipere et inquirere et audire testes datos super hiis sui compulsos per eundem vicarium vel bajulum suum et examinare et terminare seu diffinire causam cum eisdem consilibus vel seniori vel majori parte consulum eorundem prout justiciam eidem vicario vel bajulo et consulibus eisdem videbitur expedire possitque idem vicarius vel bajulus suus habere secum quandocumque ei videbitur aliquem juris peritum ad hec omnia dirimenda exampianda seu diffinienda.

Item cives predicti donaverunt simili modo et concesserunt ipsi d. comiti et heredibus et successoribus suis quod bajulus vel vicarius suus omnes alias causas que non sunt criminales quascunque sive sint pecuniarie sive de rebus aliis seu juribus quibuscunque possit audire, examinare, terminare et diffinire cum sapiente vel jurisperito ad hoc per eum vel per ipsum vicarium vel bajulum suum, adhibito specialiter vel generaliter, salvis litigantibus in omnibus supradictis legitimis appellationibus.

Retinuerunt insuper quod consules pro tempore constituti non sint inmunes a collatione quin conferant in questis ademptis factis communitate ville per d. comitem.

Item quod bajulus vel vicarius suus pro tempore possit compellere testes in omnibus causis seu negociis tam criminalibus prout juris est, ad eruendam pro utraque parte omnimode veritatem, salvo quod testes non inquirantur contra instrumenta publica sint actenus de consuetudine est optentum.

Acta fuerunt hec ita et concessa apud Moysiacum et comuni conloquo Moysiaci, agregato in ecclesia Sancti Jacobi, ultimo die mensis madii, regnante Lodovico Francorum rege et eodem d. Raimondo Tholosano comite et R. episcopo, anno Mo CCo XLVo ab Incarnatione Domini.

Testes sunt hujus rei :

qui de mandato omnium predictorum ad faciendam inde cartam receperat mandamentum, set morte preventus eam conficere non potuit. Post mortem vero ipsius Bernardi Aymerici consules Tholose urbis et suburbii, scilicet Bertrandus Durandi, Bernardus Raynardi mer[ca]tor, Guillelmus Faber capellerius, Bertrandus de Turribus, Guillelmus Poncius Astre, Raymundus Sobat, Arnaldus Andreas argenterius, Arnaldus Ysambardus, Arnaldus Raymundi cambiator pro se ipsis et aliis eorum sociis ejusdem consulatus, receptis instrumentis et materiis ipsius Bernardi Aymerici, tradiderunt eas Petro Aymerico, publico Tholose notario, judicio cognoscentes et dicentes quod predictus Petrus Aymerici faciat et componat seu facere et componere valeat instrumenta de materiis non cancellatis de quibus ipse Bernardus Aymerici non fecerat instrumenta secundum formam et tenorem earundem et quod habeant eandem efficaciam et valorem per omnia tempora, ac si ab ipso Bernardo Aymerico facta essent atque scripta. Hoc fuit a predictis consulibus judicio sic cognitum secunda die exitus mensis febroarii, regnante Philipo Francorum rege et Bertrando episcopo Tholosano, anno Mo CCo LXXXo primo ab Incarnatione Domini. Hujus cognitionis a predictis consulibus sic factus (sic) sunt testes ipsi prenominati consules et Raynundus Boviperii et Arnaldus d'Escalquenx, publici Tholose notarii et Raynundus Molinerii et Bernardus Bombellus, et Bernardus Hugonis plaratores et Arnaldus de Ponte, jurisperitus, et Petrus Aymericus, publicus Tholose notarius, qui cartam istam scripsit mandato consulum predictorum.

Comment citer cette notice

Elisabeth Lalou, Xavier Hélary. "Liste des habitants de Moissac et charte d'accord avec le comte de Toulouse 1245 et 1290 (Archives départementales du Tarn-et-Garonne, G 548, n° 6)", dans Enquêtes menées sous les derniers capétiens, Elisabeth Lalou, Christophe Jacobs, éds, Paris : Centre de ressources numériques TELMA, 2007. (Ædilis, Publications scientifiques, 4). [En ligne] http://www.cn-telma.fr/enquetes/enquete160/ .

Mentions légales | Colophon | Contacts | Haut de page