Magister P. de Monciaco, clericus, et Guillelmus Aycelini, miles d.n. regis Francie, auditores super questionibus de jurisdictione inter d. regem et d. comitem Ruthene motis et movendis, et correctores ministerialium dicti d. regis super excessibus eorum in senescallia Ruthene ab ipso d.n. rege deputati, senescallo Ruthenensi vel ejus locum tenenti, et discretis viris magistris R. de Bisturri, judici majori Ruthenensi, et P. Galteris, judici Montanorum [143 v^o] Ruthenensium in senescallia Ruthene et aliis curialibus dicti d. regis ipsius senescallie, salutem et dilectionem. Litteras dicti d.n. regis nos recepisse noveritis in hec verba :

Philippus Dei gratia Francorum rex dilectis et fidelibus magistro P. de Monciaco1, clerico, et Guillelmo Aycelini, militi, nostris, salutem et dilectionem. Ad requisitionem dilecti et fidelis nostri comitis Ruthene vobis comittimus et mandamus quathinus super questionibus de jurisdictione et aliis rebus quibuscumque inter gentem nostram partium illarum et ipsum comitem et subditos suos motis et usque nunc movendis de plano et sine [s]trepitu inquirentes et ea que per inquestam eandem clara pro ipso comite et subditis ejus repereritis, deliberetis eisdem et super dubiis inquestam per vos factam nobis sub sigillis vestris2 inclusam fideliter [fol. 144] remittatis3. Et cum, sicut intelleximus, Aubertus de Nangevila, miles, olim senescallus noster Ruthene et ceteri officiales nostri in ipsa senescallia Ruthenensi, qui nunc sunt, et aliqui etiam qui olim fuerunt officiales nostri in senescallia Ruthene in multis male se habuerunt et hactenus portaverunt, vobis mandamus quatinus de eorum excessibus forefactis inquirant diligenter veritatem et omnia forefacta eorum faciant (sic), competenter emendant et alblata (sic) ab ipsis dampnum passis restitui dictos officiales, juxta exigentiam forefactorum suorum punientes et a suis officiis si meruerint, prout vobis videbitur, amovendos. Damus autem omnibus justiciariis nostris tenore presentium in mandatis ut in premissis et ea tangentibus vobis pareant et intendant. Actum Parisius die dominica post festum sanctorum Egidii et Luppi, anno Domi-[v^o]-ni millesimo ducentesimo nonagesimo sexto.

Quarum auctoritate vos noveritis de supplicationibus dicti d. comitis predicti infrascriptis nos precepisse judicibus majori scilicet et monthanorum Ruthenensium ut supra claris eas terminarent et jus suum et juridictionem ipsi comitis inde declararent et pro eo mediante justitia diffinirent jus suum, nichilominus dicto d.n. regi sentencialiter declarando que omnia ipsi judices prout loca in supplicationibus contenta cujuslibet eorum judicarent inde spectant diffinitive sentenciando declararunt, prout de ipsorum sentenciis in fine supplicationis cujuslibet inferius continetur. De quibus sentenciis latis per eosdem judices facta tam per magistrum P. Neuleris quam per mag. R. de Milicia, notarios Petrucia et Gleiole extant publica instrumenta. De residuis vero supplicationibus non declaratis precepimus et comisimus judici majori predicto quod se informet et audiat et determinet breviter et de plano, et faciat prout in fine supplicationis cujuslibet continetur, et hoc idem injunximus et comisimus in sua judicatura judici Montanarum Ruthenensium in finem supplicationis cujuslibet de preceptis et injunxionibus nostris super expediendis... contentum

Extrait ..... en la ville de Rodés ..... le deuxiesme aoust mil six cens soixante sept.