[1]

Anno Dominice Incarnationis millesimo trecentesimo sexto, die mercurii post festum Penthecostes, qua intitulatur octava kalendas junii, noverint universi ex receptis per nobilem virum dominum Johannem de Alneto, militem domini regis, senescallum Carcassone et Biterris, duabus litteris patentibus domini nostri Francie regis et sibi presentatis per discretum virum magistrum Durandum Rogerii, procuratorem reverendi in Christo patris domini [E.] divina providentia Narbonensis episcopi, quarum tenores tales sunt :

Philippus, Dei gratia Francorum rex, senescallo Carcassone salutem. Cum pro ipso anniversario felicis recordationis domini progenitoris in Narbonensi ecclesia annuatim faciendo, cognoverimus dilecto et fideli nostro archiepiscopo Narbonensi et capitulo ecclesie sue predicte quod pro nobis idem archiepiscopus assideat et assignet 50 l.t. annui redditus sufficienter et bene, et nos de nostris redditibus tantumdem assignari faciamus, propter hoc archiepiscopo memorato vobis mandamus et commitimus quatinus villam de Ginhollis jurisdictionibus, redditibus et juribus nostris dicti loci ad valorem eorum, cum valere dicantur circa 20 l. vel 25 reddituales, perquiratis et sciatis et juxta communem existimationem, habita consideratione ad monetam solitam bonam nostram, pro valore debito eidem archiepiscopo assignatis et tradatis, vel quasi, una cum feodo nostro de Rabbiano, residuumque quod restavit assidendum assignandumque dicto archiepiscopo usque ad summam 50 l.t. predictam per modum taxationis et extimationis prenotate assideatis et assignetis eidem archiepiscopo in redditibus, jure et juribus, que habemus in aliqua parte de Brenaco, cum in predictis locis absque incommodo alio dicatur esse oportuna assignatio. Actum Nemausi, die lune post festum Cathedre Sancti Petri, anno Domini millesimo tricentesimo tertio.

Philippus Dei gratia Francorum rex senescallo Carcassone salutem. Cum alias, diu est, vobis vel predecessori vostro per nostras patentes litteras mandavimus ut assignaretis et assideretis dilecto et fideli nostro archiepiscopo Narbone 50 l.t. in cunctis locis, juribus, juridictionibus et redditibus nostris pro anniversario felicis recordationis domini progenitoris nostri annuatim in Narbone ecclesia faciendo, ex parte dicti archiepiscopi accepimus, quod nondum facta est executio nostri mandati predicti.

Quocirca vobis mandamus quatenus juxta tenorem dictarum litterarum nostrarum, absque dilatione morosa, vos sic mandatum nostrum predictum exequi diligenter et complere curetis, quod non oporteat ulterius, ad nos habere occursum. Actum Lugduni, die tertia januarii, anno Domini millesimo trecentesimo quinto.

Idem dominus senescallus, adhibitis secum venera--bilibus viris dominis Aymerico de Croso, Fenolhedesii, Terminesii, Reddesii et Saltus, et Petro Rocha, Minerbesii, judicibus, clericis domini nostri Francie regis, ac magistro Johanne de Fara, procuratore domini regis, personaliter accessit apud Guilhanum, situatum juxta terminalia ville de Ginhollis et castri de Brenaco, et facta diligenti informatione cum probis hominibus juratis de valore reddituum, jurium et jurisdictionum locorum predictorum et territoriorum earumdem, juxta continentiam litterarum domini regis predictarum, assignavit et assedit dicto domino archiepiscopo et successoribus suis, ac dicto magistro Duranno Rogerio, procuratori ejusdem, ibidem presenti, et nomine ipsius domini archiepiscopi recipienti, super redditibus, juribus et jurisdictionibus locorum predictorum 50 l.t. annui redditus monete bone et solite domini nostri regis in perpetuum per ipsum dominum archiepiscopum et successores ejusdem percipiendas et habendas ut sequitur.

Primo assignavit et assedit eidem in redditibus de Ginhollis 6 l.t. in quista annuali dicti loci, item 65 s.minus 1 d. tam in albergis quam censibus annuis denariorum ;

Item 14 sextaria frumenti census annualis, valentia computato quolibet sextario 6 s., 4 l. 4 s., item 14 sextarios bladi minus quarteria, inter ordeum et bladum grossum, censualia, valentia, computato quolibet sextario 3 s., 41 s. 3 d. ; item 16 sextaria bladi, medium frumenti et medium ordei, super redditibus et portionibus camporum, valentia, computato quolibet sextario ut supra, 72 s.

item 17 semalas vindemie pulsate censualibus, valentes unum modium vini, valentem 20 s., item in portionibus sive taschiis vinearum unum modium et di--midium vini valentem 30 s., item 5 gallinas et mediam censualem, computata gallina pro 7 d. et media pro 3 d. 3 s. 2 d., item in pasquerio terminali dicti loci 43 s. 8 d., item in portionibus olivarium et nucium 5 s., item 12 d. in una saumata lignorum censualium. Item pro locata domus et fossassis (sic) dicte ville decem solidos.

Item in justiciis et jurisdictione majori et minori dicti loci, ubi sunt 48 focci, computato focco ad 5 s., 12 l.

Item in foriscapiis provenientibus in dicta villa et ejus terminiis 60 s.

Summa totalis extimationis et assignationis predicte 39 l. 15 s.

Residuum vero 50 l. idem dominus senescallus assedit et assignavit eidem domino archiepiscopo et successoribus ejusdem, et ejus procuratori predicto, nomine ipsius recipienti, in perpetuum super alta justicia et mero impe--rio et censibus annualibus quod et qui (sic) habet dominus rex in villa de Brenacho, videlicet 30 s. in censibus annualibus quod dominus rex habet et precipit in villa de Brenacho.

item super mero imperio quod habet dominus rex in 50 fociis hominum de Brenacho, in quibus dominus Raymundus de Aniorto, miles, habet minores justitias, et dominus rex majores, extimato mero imperio cujuslibet focci 3 s. 6 d. 8 l. 15 s., retentis tamen per dictum dominum senescallum feudis nobilibus dicti loci de Brenacho domino nostro regi, et superioritate et ressorto tam in dicto castro quam in loco de Ginhollis et voluntate ejusdem domini regis super predictis retenta si aliud vel aliter in premissis voluerit ordinare. Acta fuerunt hec in castro civitatis Carcassone domini regis, in presentia et testimonio domini Petri Pictavini, legum doctoris, judicis majoris dicti domini senescalli dominorum Aymerici de Croso, Saltus, Reddesio Superioris, Petri Rocha, Minerbesii, judicum predictorum, Raymundi Alamanni, vicarii Limosi domini regis, Stephani Brengondionis, locum tenentis domini vicarii Fenolheti, Angeirani de Foseriis, clerici domini Petri Girardi canonici Claromontensis et magistri Guillelmi Maurini, notarii publici curie Carcassonensis domini regis qui predictis interfuit et requisitus hanc cartam recepit, vice cujus et mandato ego Guillelmus Everardi de Carcassona ejusdem domini regis notarius, eandem scripsi. Et ego idem Guillelmus Maurini, notarius publicus antedictus subscribo et signo, regnante domino Philippo rege Francorum.

Fac-simile du seing notarial.

Extrait et collationné sur une copie escrite en parchemin, trouvee au Tresor des Chartres de Sa Majesté, en la cité de Carcassonne ... le dix huitiesme juillet mil six cens soixante huit.