[1]

Ce est l'enqueste fete du commandement le roi par monsieur Gui Le Bas et par Jehan de Chevreuse, bailli d'Orliens, sur gens qui ont leurs bois pris en la forest du Laige ou la grierie lou roi, ou quel bois il ont leur usage, savoir mon se il pueent user dudit bois quant a ardoir en mesons qui ne sont pas leurs propres, que il ont par louier ou a vie ou a ferme, et por ce que il fuissent en ceste demande et que cil a qui il ont demandé de ceste chose en respondessent plus loiaument ... il ont premierement demandé, conment cil qui ont leurs bois propres en ladite forest en quel il ont leur usage ont acoustumé a user d'icelui bois par touz leurs propres menoirs et par toutes les choses apartenans a iceus.

I. Monseur Geudouin d'Alonne, chevalier, juré et requis sur les chosses dessus dites, dit par son serement que cil qui ont bois en Laige qui est leur propre pueent user d'icelui bois par toutes leurs mesons ou il ont demeinnes, de qui qu'i les tieignent, ne de quelque fié elles soient et il meimes en use einsi et en a veu user les autres.

Requis se cil qui ont bois einsi ou Laige qui ont mesons ou leur propres heritages s'il vouloient lessier l'usage de leur mesons et louer autres mesons ou prendre a vie en la ville d'Orliens en ailleurs s'il porroient user icelui bois es mesons que il auroient louees ou prises a vie ainsint com il fesoient en leurs propres mesons, il dit que il ne les en vit onques user ne il ne set se il les pourroient fere ou non.

II. Jehan de Barbison, juré et requis sur les choses desus dites, dit par son serement que il a bien veü user ceus qui ont bois en Laige pour toutes les mesons qui sont leurs propres en leurs heritages et en leurs conquez. Req. se il en pourroient user en une meson que il louesseint ou preissent a vie ou a ferme ainsint comme en leurs propres mesons, il dit que non. Req pour quoi il dit que il ne les en vit onques user, n'ent croit pas qui le puissent fere.

III. Monseur Jehan le Bouteillier, jurés et requis ut supra que cil qui ont bois ou Laige leur propre en pueent user por toutes leur mesons que de par eus que de par leurs fenmes et en celles de leur conquest et il meesmes en a einsi usé lui et si devantier et en a veu einsi user les autres.

Req se cil qui ont einsi leur usage ou bois devant dit louoient une meson ou prenoient a ferme ou a vie se il en poroient ausit user en icelles mesons comme il fesoient en leur propres mesons, il dit que il n'en vit onques user. Requis s'il croit que il le peüssent fere, il dit que il ne set.

IIII. Estiene Le Murgers de Vitri, juré et requis sur les choses desus dites, dit par son serement ut supra mes il dit qu'il ne pourroient pas user d'icelui usage en mesons que il louasoint ou preissent a vie ou a ferme. Requis pour quoi, il dit que il ne les en vit onques user.

V. Philippes du Pont, juré et requis sur les choses desus dites dit par son serement que cil qui ont bois propres en la forest du Laige puent user d'icelui bois a toutes leur propres mesons et leur heritage propres et de leur conquest. Requis se il pourroient user d'icelui bois en mesons que il louasent ou preïssent a vie ou a ferme ainsint com en leur propres mesons, il dit qu'i n'en vit onques user. Requis lequel il croit miauz que il le peussent fere ou non, il dit que il ne croit pas que il le peussent fere.

VI. Henri Boufaut, serjant de la forest, cf supra

VII. Estiene de Monreul...

VIII. Estiene du Bois, qui a bois propre.

IX. Adan de Breie, escuier.

X. Monseur Raoul de Lineres, chevalier, qui a bois.

XI. Pierre de la Fosse Blanche.

XII. Guillaume Ysoré.

XIII. Johannin Costart.

XIIII. Heimmart de Houdreville.

XV. Girart dou Moulin, serjant le roi en la forest de Chaumontois, etc. dit par son serement que cil qui ont leur bois propre en ladite forest ne pueent user dudit bois fors en leur propre heritage, si com il a oï dire aus serjanz qui ont esté si devantier en la forest devant dite.

XVI. Moreau de Trinon, serjant l'esvesque d'Orliens.

[2^e peau]

XVII. Symart Oirs, serjant de ladite forest.

XVIII. Estene Raape, escuier, qui a bois propres.

XIX. Huet des Bordes, escuier, qui a bois... Requis se il ou autres qui ont leur bois propres en ladite forest avoient aucunes mesons par louier, a ferme ou a vie, savoir mon se il porroient user dudit bois quant a ardoir en icelles mesons, il dit que il croit bien que oïl. Requis por quoi il le croit, il dit por ce que il vit uns chevaliers qui avoit non monseur Symon de Genvri, qui avoit sa fenme malade, et l'amena a Orliens aus fisiciens en une meson qui li avoit louee, et encontra pluseurs foiz le charretier1 dudit chevalier qui amenoit de son bois a Orliens en icelle meson, et li disoit le charretiers que il avoit pris ou bois son seingneur ouquel il avoit son usage mes il ne li vit onques couper ne prandre. Requis du tens, il dit qu'il a bien 17 anz. Requis se les serjanz qui estoient en la forest en icelui tenz le savoient, il dit : oïl. Requis conment il le set, por ce que il vit moute foiz les serjanz du bois qui encontroient le charretier audit chevalier menant ledit bois a Orliens, et li demandoient : Ou mene tu ce bois ? Et il leur responnet : Je le meing a Orliens en l'ostel mon seigneur , ne ne vit onques que nus en achoissonnast ledit chevalier et par ce croit il que li autre en puissent ausint quant en ce cas.

XX. Jehan Poirier, escuier, qui a bois en ladite forest, juré et requis sur les choses desus dites, dit par son serement que cil qui ont bois propre en ladite forest pueent user et usent dudit bois par tout leur propre heritage et par touz leurs propres menoirs, quant a herberger, soutenir et a ardoir pour eus et pour leurs meniees qui sunt de leur pain et de leur vin. Requis se il ou ceus qui ont leur bois propre en ladite forest avoient aucunes mesons, non pas leurs propres, comme par louier a vie ou a ferme, savoir mon se il pourroient ne devroient de reson user dudit bois quant a ardoir en icelles mesons, il dit que il croit bien qu'il le puissent fere. Requis por quoi il le croit, por ce que il vit uns escuiers qui avoit non Gyefroi Durdi qui avoit bois en ladite forest avoit baillé sa terre a moitié et s'en vint meindre a Orliens en une meson qu'il i avoit louee en la rue Saint Lorenz, en laquele meson il demoura bien entour demi an, lequel escuier amenoit et fesoit amener de son bois en icelle meson a la veüe et a la seüe des serjanz de la forest, si com il croit, et le vit cil qui parle meinte foiz couper oudit bois por amener a Orliens en telle meson qu'il i avoit louee et li aida aucune foiz a charger si com il dit, ne ne vit onques ne n'oï parler que il en fust achoisonnez par nus des serjanz. Requis du tens, il dit que il croit bien qu'il a entour 6 anz ou plus. Requis qui estoit serjant en icelui tens, il dit : Jehan de Soisons.

XXI. Jehan de Andeglo, escuier, juré et requis... il croit qu'il le puissent bien fere, mes il n'en set riens, fors par oïr dire, ne ne vit onques ne n'oï parler que nus demandast ne s'efforçast a avoir cel usage quant en ce cas.

XXII. Phelippot de Mercore, escuier, qui a bois ...

XXIII. Monseur Geudouin Burfaut, chevalier, qui a bois en ladite forest...

XXIIII. Jehannot Durdi, escuier ... Il vit uns escuiers qui avoit non Gyefroi Durdi, qui estoit son oncle, qui avoit louee une meson a Orliens en laquele il et sa fenme demourerent environ un an et vit et sot cil qui parle que le dit Gyefroi usa de celui bois ou il avoit son usage en icelle meson que il avoit louee a la veüe et a la seüe des serjanz qui estoient serjanz de la forest en celui tens. Requis se il en fu onques achoisonnez par les serjanz, il dit que oïl, une foiz, mes il ne set pas conment il s'en delivra, mes puis que il en fu achoisonnez, en use il puis en ladite meson a la veüe et a la seüe des voisins2 diz. Requis du tens, il dit qu'il a entour 7 anz. Requis qui estoit serjant du bois en icelui tens, il dit que Jehan de Barbison, si com il croit

XXV. Huet de Pomes, escuier, qui a bois en ladite forest .

XXVI Thibaut de la Goudonniere, escuier, qui a bois

XXVI. Guillaume des Broces, escuier, qui a bois

[3^e peau]

XXVII. Adan de Jalemein, escuier ...

... il ne porroient pas.

XXVIII. Louys Brouart, escuier

Id.

XXIX. Monseur Gervese des Renes, chevalier ... que se il avoient aucunes mesons qui ne fussent pas leur propres que il peussent ne deussent user dudit bois en icelles mesons ausint com es leurs propres, ne onques ne les en vit user quant en ce cas.

XXX. Monseur Jehan Riche Home, chevalier, jures et requis ... il porroient bien user dudit bois en icelles ausint comme en leurs propres. Requis comment il le set, il dit que uns hons qui avoit non Foucher, qui demouroit en la parroisse d'Uisiau, amenoit bois en une meson que il avoit louee a la ville devant dite et dit cil qui parole que il croit que icil Foucher eüst amené icelui bois de son bois ou il avoit son usage. Requis s'il le set autrement qu'il eust pris en son propre bois, il dit qu'il ne set.

XXXI. Johannin de Crissi, escuier, qui a propre bois en ladite forest ... Requis queles persones il en a veu user, il dit Gyefroi Durdi en une meson qu'il avoit louee a S. Lorenz de joute Orliens et Ph. Hautet en une meson qu'il avoit louee a Saint Lorenz de joute Orliens, lesquiex en furent adjourné par devant les serjanz de la forest et achoisonnez, mes il ne set conment il s'en partirent ne s'il amendierent ou non, fors que l'uns d'iceux fu adjourné a l'asisse par devant le bailli. Et dit cil qui parole que uns serjanz qui a non Oudart le Picart, qui avoit esté bien 30 anz en servise savoit bien conment il s'en estoient parti. Et icil Oudart apelié en la presence de celui qui parle dit que il les en vit esploitier et l'amendierent, et il meesmes qui estoit serjanz en icelui tens les esploita des amendes et reçut les amendes en soute de ses guages et ce fu ou tens Jehan de Soisons qui estoit forestier en icelui tens.

XXXII. Huet d'Alonne, escuier, qui a bois ... dit qu'il en a veu debat d'une dame vuesve, fenme jadis monseur Pierre de la Porte, qui avoit louee une meson a Saint Lorenz dejoute Orliens, laquele vout user dudit bois de son douoire en icelle meson, lequel usage les serjanz de la forest ne voudrent souffrir et le destournierent en tele menniere qu'ele n'en usa pas. Requis conment il le set, il dit por ce que il en oï dire a ladite dame, qui avoit esté fame son oncle, chiés laquele il aloit souvent et reperoit. Requis du tens et qui estoit forestier de la forest, il dit Jehan de Soisons, et a bien entour 8 anz si com il dit.

XXXIII. Jehan Forisi, qui a son bois propre en ladite forest ... ne croit pas qu'il peussent user ...

XXXIIII. Monseur Guarnier, prieur de Saint Ladre ... Il dit que il ne pueent ne ne doivent user dudit bois en mesons que il auroient non pas comme propres mes comme louees ou prises a vie ou a ferme. Requis comment il set ce, por ce que il vit contenz ou tens Guillaume Guarillant, serjant de la forest, ou tens que Jehan le Monoiier estoit bailli d'Orliens, que uns escuier que l'en apeloit Poinçon, qui avoit bois propre en ladite forest, avoit louee une meson a Orliens, en laquele meson il vouloit user dudit bois et sur ce ledit Guillaume l'en achoisonna plurieus foiz et l'en adjourna par devant lui et en prist le suen et le vit et sot cil qui parle, mes il ne set pas comment il fina de l'amende, et en a veuz plurieus autres contenz quant a ce cas, mes i ne li souvient pas des nons des personnes.

XXXV. Hue de Javerci, escuier, qui a bois propre ... il dit que s'il avoient mesons non pas leurs propres ... que il ne porroient pas user dudit bois en icelles mesons ...

XXXVI. Aubert du Bouloi, escuier, qui a bois propre ... il croit que oïl bien mes il dit qu'il n'en vit onques user, ne que nus demandast ne s'efforçast a avoir tel usage quant a ce cas.

XXXVII. Monseur Raoul Bouiau, chevalier, qui a bois en ladite forest ... id.

[4^e peau]

XXXVIII. Monseur Ph. des Chasselliers, chevalier, qui a bois propre...

XXXIX. Guillaume Bouiau, escuier, qui a bois propre ... id.

XL. Macé de Loingni, escuier, qui a bois propre ... ... que il ne porroient pas user en icelles mesons dudit bois quant a ardoir, ne ne vit onques que nus en usast ne ne demandast ne s'efforçast a avoir tel usage quant en ce cas si com il croit.

XLI. Thÿbaut Durdi, escuier qui a bois ... Il dit que il croit bien qu'i le puissent fere et oï dire que3 un chevalier qui estoit apelez monseur Chautart de Marcore en avoit usé en une meson que il avoit louee a Orliens por une maladie que il avoit.

XLII. Jehan de Rougemont, escuier, qui a bois propres, il dit que non.

Jehan du Pressouer, escuier (rayé).

XLIII. Perrin dou Chatelier, escuier, qui a bois ou Loige ... ... Il dit que il croit bien que il le puissent fere.

Requis quele reson li esmuet a ce que il le puissent fere, por ce que s'il avoit son blé ou son vin en son guarnier, si le porroit mener la ou il meindroit fust, en meson louee ou en autre, mes il dit que il ne vit onques que nus usast dudit bois quant en ce cas.

XLIIII. Monseur Hue de Baingniaus, chevalier, qui a bois propre ... mes il ne croit pas.

XLV. Erart Biau Pere, escuier, qui a bois ... il croit bien que oïl, mes il n'en vit onques user ne ne vit onques que nus demandast ne s'efforçast a avoir tel usage quant en ce cas. Requis par quoi i li semble qu'il le puissent fere, por ce, ce dit, qu'il en a oï dire a chevaliers et a escuiers qu'i le pouoient bien fere.

XLVI. Perrin de Bougi, escuier ... il dit qu'il croit bien que oïl. Requis por quoi il le croit, por ce qu'il oït dire a son pere que il en avoit usé quant a ce cas en une meson que il avoit loué a Saint Lorenz dejoute Orliens pour sa dame de mere qui estoit malade. Mes il dit qu'il n'en vit onques nul user quant en ce cas. Et dit cil qui parle que ladite dame ne demeura pas plus haut de 2 mois en ladite ville. Requis savoir mon se son pere en fu onques achoisonnez par les serjanz du bois, il dit que ne li en souvient pas, quar il n'avoit pas plus haut de 7 anz quant ce fu.

XLVII. Estevenin de Longueville, escuier, qui a bois ... il dit que il croit qu'il le pueent bien fere. Requis por quoi il le croit, por ce que il a oï dire a plurieurs genz qu'il en porroient bien user, mes il n'en vit onques nullui user.

XLVIII. Robin de Biaus Gant, escuier, qui a bois en ladite forest... dit que il croit bien que oïl. Requis por quoi il le croit, por ce que il a oï dire a plurieurs genz, mes il n'en vit onques nullui user, ne n'oï parler que nus s'efforçast ne demandast savoir tel usage.

XLIX. Huet des Broces, escuier, qui a bois ... id.

L. Joce de la Broise, escuier, home l'esvesque d'Orliens, qui a bois en ladite forest ... dit que non, ne ne croit pas que il le puissent fere de reson quar il ne vit onques etc.

LI. Maçot de la Broise, qui a bois ... id.

LII. Oudart le Picart, qui a esté bien 30 anz ou plus guarde des bois de Goumez, id.

LIII. Ph. Monciau de Rebrechien, qui a bois en ladite forest, que il tient de monseur Gendouin d'Alonne ... id.

LIIII. Guillaume Marie, qui a bois en ladite forest ... id.

LV. Johan Le Mere de Teilloi, qui a bois ... id.

LVI. Huet de la Porte, escuier, qui a bois ... id.

LVII. Monseur Jehan de Ruilli, chevalier, qui a bois ...

LVIII. Monseur Jehan Morin, chevalier, qui a bois ... dit qu'i n'en set riens, et croit mieuz qu'il ne le peüssent fere.

LIX. Ph. de la Folie, escuier, qui a bois ... dit qu'il n'en vit onques user quant a ce cas, mes il croit mieuz qu'il le peussent fere que non.

LX. Monseur Gui Brouart, chevalier, qui a bois ... dit ... .

LXI. Guillaume de Villers, escuier, qui a bois ... id.

LXII. Guillaume d'Oseriaus ... ne croit pas.