[1]

Donatio 25 l. annualium super forefacturis Carcassone magistro Remondo Foulcaudi facta.

Ph. etc. Notum facimus universis tam presentibus quam futuris nos infrascriptas vidisse litteras in hec verba :

Anno ab Incarnatione Christi M^o CCC^o XIII^o, scilicet XXV^o die mensis februarii que fuit die lune post festum Cathedre Sancti Petri, noverunt universi quod cum excellentissimus princeps d.n. d. Philippus Dei gratia Francorum rex illustris, suis patentibus litteris suo sigillo cereo impendenti sigillatis, ut prima facie apparebat, scripserit nobis, Aymerico de Croso, suo militi ejusque senescallo Carcassonensis et Biterris, quarum litterarum tenor hic est :

Ph. Dei gratia Francorum rex senescallo Carcassone vel ejus locum tenenti salutem et dilectionem. Cum nos dudum magistro Raymundo Folcaudi, notario, in recompensationem gratissimi per eum in negocio judeorum et aliis nostris negociis nobis et gentibus nostris impensi quartam partem tocius notarie Carcassone ad pensionem annuam 25 librarum tur. duxerimus concedendam, postmodum quoque per ordinationem nostram tam ipsa quam alie notarie regni nostri vendite fuerunt seu ad firmam concesse, propter quod idem Raymundus frustatus remansit gratia sibi facta, nos eidem liberaliter providere volentes, forefacturas sitas apud Villalerium et Podium Terichum, seu in territoriis locum predictorum, que ad nos ex debitis magistri Gerardi Carpentarii et Guillelmi de Sancto Martino de Carcassona in commissum venerunt usque ad valorem seu extimationem 250 l.tur. parvorum forcium dumtaxat, ad valorem terre secundum tempus modernum ipsi magistro Raymundo et ejus heredibus et successoribus si tamen ipse forefacture vendite non existant, perpetuo concedendas duximus et do-[51 v^o]-nandas, mandates vobis quatenus eidem forefacturas predictas si non sint vendite, in valore tamen et estimatione predictis deliberare et assignare curetis, si vero vendite fuerint, 250 l. de pecunia nostra deliberetis et solvatis eidem in forti moneta, quam firmam per gentes Compotorum nostrorum Parisius in vestris allocari compotis et de nostra deduci recepta jubemus. Datum apud Tranlon XXVIII^a die octobris anno Domini M^o CCC^o tercio decimo.

Ipsis litteris nobis presentatis per magistrum Raymundum Capelle, notarium Carcassone d. regis, procuratorem ad hoc et etiam infrascripta ydonee constitutum per magistrum R. Folcaudi, notarium in dictis litteris regiis nominatum et contentum, cum publico instrumento, de quo nobis plena extitit facta fides et cum ea que debuit humilitate et reverentia receptis nedum semel, immo pluries instantissime fuerimus requisiti quod contenta in eis compleremus et duceremus ad affectum, nos volentes complere et exequi qui in dictis litteris regiis mandantur ad multiplicatam et assiduam requisitionem dicti procuratoris volentes ea ducere justicia mediante ad effe[c]tum, nosque pro jure regio et ut tute in predictis procedamus, volentes informari de valore, redditibus annuis et aliis pertinentibus ad predictas forefacturas et earum quamlibet et de aliis circumstanciis et juribus earum et cujuslibet earumdem, ut omnis materia fraudis et doli vitaretur et tolleretur, scripserimus Germano Besii, bajulo regio Podii Nauterii, tenenti locum in Garbardesio nobilis viri vicarii Minerbesii et Gabardesii, sub cujus juridictione et districtu dicte forefacture magistri Girardi quondam situate noscuntur, et magistro Remundo Gervasii, clavario regio Minerbesii, sub qua vicaria Minerbesii forefacture Guillelmi de Sancto Martino predicti situate sunt, scilicet apud Podium Cericum et ejus terminis in vicaria Minerbesii predicta, mandando eis et eorum cuilibet in solidum quod de bonis et rebus que magister Girardus de Regalimonte, quondam carpentarius d. regis, apud Villalerium et in ejus pertinenciis et Guillelmus de Sancto Martino de Carcassona, ad ultimum supplicium condempnati, apud Podium Cericum et ejus terminia habere solebant et que propter eorum demerita et alias ex certa causa ad d.n. regem pervenerunt et in quibus rebus existebant et de valore rey, prout cuilibet eorum suberant cum diligentia se celeriter informarent et informationem quam inde facerent nobis remitterent sub suis sigillis fideliter inclusum ut hec in nostris mandati predicti et commissionis litteris super hec eis et earum cuilibet directis continetur quarum tenor hic est :

Aymericus de Croso, miles d.n. Francorum regis, senescallus Carcassone et Biterris discretis viris magistris Germano Becii, tenenti locum in Gabardesio nobili[s] viri vicarii Minerbesii et Gabardesii, et R. Gervasii, clavario Minerbesii d. regis, et eorum cuilibet in solidum salutem et dilectionem sinceram. Litteras patentes et pendentes dicti d. regis nos recepisse noveritis sub hiis verbis :

Ph. etc. ..... Tranlon. v. supra.

Quarum litterarum auctoritate, cum contenta in eisdem, aliis d. regis negociis occupati, comode intendere nequeamus, de vestra legalitate confidentes, vobis et cuilibet vestrum in solidum committimus et mandamus quatenus de bonis et rebus que magister Girardus de Regalimonte, quondam carpentarius d. regis apud Villalerium et ejus pertinencias, et Guillelmus de Sancto Martino, quondam de Carcassona, ad ultimum supplicium condempnati, apud Podium Cericum et ejus terminia habere solebant et que propter eorum demerita ad d.n. regem pervenerunt in commissum et in quibus rebus existant ac de valore rei prout vobis subsunt cum diligentia [fol. 52] vos celeriter informetis et informationem quam inde feceritis nobis infra decem dies a receptione presentium computandos reportetis vel mittatis sub vestris sigillis fideliter interclusam, mandantes omnibus subditis nostris quod vobis et cuilibet vestrum in solidum in premissis et premissa nangentibus efficaciter pareant et intendant. Datum Carcassone XI^a die januarii M^o CCC^o tercio decimo.

Dictique Germanus et R. predicti, juxta in nostris litteris proxime scriptis eis et eorum cuilibet traditam formam, suas super predictis fecerunt informationes de valoribus, bonis, rebus et aliis circumstantiis et pertinentibus modo quolibet ad predicta easque nobis miserunt quisque ipsorum euam et prout ad quemlibet ipsorum pertinebat sub suis sigillis inclusas, et per ipsas modo premisso nobis missas compererimus et inveniamus quod facta per eorum quemlibet diligenti informatione et sufficienti, prout in talibus debet et est fieri consuetum quod, prout partes nobis scripte hec atingunt, forefacture Guill. de Sancto Martino quondam que sunt apud Podium Cerichum et in territoriis et appendenciis ejusdem valent in censu anuo redditu 10 sext. ordei ad mensuram dicti loci, que mensura longe plus minor est quam mensura Carcassone, quodque proprietates in quibus dicti census existunt et constituti sunt per eandem informationem repererimus valere, diligenti informatione prehabita, 193 l.tur. monete nunc in isto moderno tempore currentis et dicta 10 sext. ordei estimati fuisse valere si in perpetuum vendentur 40 l.tur cum laudimiis et foriscapiis possessionum pro quibus prestantur.

Item quod forefacture magistri Geraldi de Regalimonte quondam valet annis singulis de redditu annuo unum sext. ordei parcionibus conputatis, valet 4 s.

Item 2 sext. 6 punherias arraonis, parcionibus computatis, valent pro sextario 6 s.

Item in pecunia 10 s. 11 d. parcionibus vindemie computatis et ad pecuniam reductis quodque proprietates in quibus dicti census et redditus annui existunt et constituti sunt et pro quibus dantur valent communi extimacione, ut in informatione continetur, isto moderno tempore, 220 l. 10 s., et 10 sext. ordei et 2 sext. 6 punh. araonis et 10 s. 11 d. predicti estimati fuisse valere, si imperpetuum venderentur cum laudimiis et foriscapiis possessionum pro quibus prestantur 80 l.tur. eapropter nos, senescallus predictus, habita deliberatione et tractatu diligenti cum discreto viro magistro Guill. Aragalli, jurisperito, tenente locum magistri Johannis Rogerii, procuratoris d. regis in senescallia Carcassone, d. Hugone de Karolis, legum doctore, patrono causarum regiarum in senescallia Carcassone, magistro Geraldo de Coganno, judice Minerbesii, tenente locum venerabilis viri magistri Fulconis de Tornaco, illustris regis Francorum clerici, canonici Tornacensis, judicis nostri majoris, d. Petro Halberti, milite, judice Saltus, magistro Arnaldo Helie, condomino de Villarzalo, judice criminum, nobili viro Petro de Cuciaco, domicello, castellano Montis Regalis, et quibusdam aliis fidelibus curialibus et juratis d.n. regis Francorum circa hec experienciam et noticiam habentibus, visa utilitate evidenti d.n. regis et juxta in litteris regiis traditam nobis formam et mandatum, vobis magistro Remundo Capella, procuratori et procuratoris nomine magistri Remundi Foulcaudi, nötarii Carcassone dicti d. regis, et in personam ejusdem et tibi notario infrascripto tanquam persone publice hec et etiam subscripta solenpniter stipulanti et recipienti pro eodem magistro Remundo Foulcodi et heredibus et successoribus ejusdem dictas forefacturas, bona et jura, census, redditus, dominationes, foriscapia, laudimia, usus, acciones et retenciones et alia omnino jura competentia et competitura d.n. regi et dictis forefacturis et eorum qualibet in locis predictis et eorum quolibet, et pertinenciis, dictrictibus, appendiciis et territoriis universis et singulis, longe et prope et cujuslibet eorundem prout plenius partes in informationibus inde factis continentur, et prout dicti Geraldus et Guillelmus de Sancto Martino et eorum quisque habebant, tenebant et possidebant, tempore condempnacionum eorundem, tradimus et perpetuo concedimus sive quasi ad habendum, tenendum, percipiendum et perpetuo deinceps pro se et ejus heredibus levandum et exigendum et alias omnimode omnes duas suorumque voluntates perpetuo faciendas in precio vel pro precio 120 l.tur. ad quas fuerunt per dictas informaciones estimate, quorum copiam concessimus eidem, quas 120 l.tur. per gratiam dicto magistro Remundo Fulcaudi per d. regem factam super predictis bonis et redditibus in dictis informationibus contentis eidem magistro Remundo Fulcaudi tradimus et assinamus, cedendo cum hoc instrumento publico eterniter valituro dicto magistro Remundo Fulcaudi pro se et ejus heredibus in perpetuum vobisque magistro Remundo Capelle, procuratori predicto, et dicto notario, ut supra stipulantibus et recipientibus, totum jus et quidquid juris dictus d. [52 v^o] rex habet, habebat et habere poterat in dictis forefacturis, rebus, bonis et juribus predictis in dictis informacionibus designatis, occasionibus quibuscumque, salvo in aliis jure d.n. regis et in omnibus alieno. Acta fuerunt hec in consistorio superiori burgi Carcassone d. regis, dicto d. senescallo pro tribunali sedente et suas assisias tenente, presentibus et assistentibus curialibus regiis superius nominatis, in presentia et testimonio d. Frisci Ricomanni, legum doctoris, magistrorum Jordani de Vallibus, Petri Grilh, Guill. de Locis, Petri Vitalis, Francici Dominici, Bernardi Saunerii, Guill. Arnaldi de Gornesano, Petri Amelii de Castris, jurisperitorum, Guill. Arnaldi de Parisius, Arnaldi Pagesii, Guill. Jordani, notarii curie Carcassone, et plurium aliorum et magistri Petri de Parage, notarii publici auctoritate regia Carcassone qui de predictis omnibus hanc cartam et stipulationem predictam recepit, vice cujus et mandato ego Christianus de Ruppeforti de Carcassona, publicus ejusdem d. Francorum regis notarius eandem scripsi ; et ego idem Petrus de Paraege, notarius publicus antedictus, subscribo atque signo, regnante d. Philippo rege Francorum. Et ad faciendum fidem quod dictus Petrus de Parage notarius publicus Carcassone d. regis existat, et ad ipsum ut publicum notarium publice recurratur instrumentisque per ipsum confectis in judicio et extra tanquam veris et publicis plena fides adhibeatur, ac ad majus testimonium premissorum, nos Aymericus de Croso, miles d.n. Francorum regis, senescallus Carcassone predictus, sigillum nostrum huic presenti publico instrumento fecimus appendi.

Nos autem traditionem, assignationem et cessionem predictas etc confirmamus etc. Actum apud Bellam Osannam anno Domini M^o CCC^o quarto decimo, mense augusti. Collatio facta est Maillardus.