Amat, premier vacher de dame Thérèse, femme de Bernard, comte de Comminges, obtient de Pierre de Dalbs, abbé de Lézat, la permission de faire paître sur les biens du monastère, au voisinage de l’Aunat, à Saint-Pierre de Valle, à Montaut de la Ribarola, à Ermedas, à Saint-Christau, Perareda, Pinos et Brocia, à Molhiacum, Saint-Jean de Tapiis, Fumet et Campredon, moyennant la promesse de fournir un service à l’abbé.

[N]otum sit cunctis quod Amatus, vaquerius major cabane domine Tareze, comitisse, uxoris domini Bernardi, comitis Convenarum, venit Lesatum ante presentiam domini Petri de Dalbs, abbatis Lesati, nuncians atque rogans ex parte sua et domine comitisse predicte ut cabanam suam idem abbas permittat manere et pascere in honoribus suis circa Alnatum, videlicet apud Sanctum Petrum de Valle et apud Montemaltum de la Ribarola et apud Ermedas et apud Sanctum Christoforum, Peraredam, Pinos et Brociam et apud Molhianum et apud Sanctum Johannem de Tapiis, Fumellum et Campumrotundum, promittens inde servire ad voluntatem ejusdem abbatis ; quod dominus abbas concessit, retento sibi quod inde serviant, et si talam fecerint quod eam emendent ad cognitionem et voluntatem ejusdem abbatis, et quod ultra Lesam non transeant absque requisito et obtento assensu ejusdem abbatis. Hoc fuit factum .VI°. die exitus mensis augusti, sabbato, anno ab Incarnatione Domini .M°.CC°.XL°.V°., regnante Lodovico rege Francorum, Raimundo Tholosano comite, Raimundo episcopo. Hujus rei testes sunt : Guillelmus Petri, monachus Lesati, Guillelmus de Sarrauta, Seniorellus de Lamues, Raimundus Johannis, Petrus de Rupe, Guillelmus de Pauza et Raimundus Jordani qui cartam istam scripsit.

Paris, BNF, lat. 9189, cartulaire 2 de l’abbaye Saint-Pierre de Lézat (cartulaire)