CCCLXXXI. Armaillé Anno quo imperatrix Mathildis Stephanum cepit regem, exorta est calumnia inter Menardum, Geraldi filium, et monasterium Roton. de villa quadam in Pruliac, quam monachi, annis abhinc quinque et viginti, in pace et quiete possidebant. L'année où l'impératrice Mathilde captura le roi [d'Angleterre] Étienne [de Blois], Menardus, fils de Geraldus, intenta une action en justice contre le monastère de Redon au sujet d'une villa à Pruillé (en Armaillé [49]) que les moines possédaient dans la paix et la tranquillité depuis environ 25 ans. L'affaire fut portée devant la cour de Gaufredus d'Armaillé, fils de Rivallonus. Les moines y affirmèrent leur possession de cette terre et donnèrent 10 sous à Menardus pour qu'il abandonne sa plainte et laisse les moines en possession de leur bien. Fait à Armaillé (49).

Anno quo inperatrix filia Henrici regis Anglorum cepit Stephanum regem, mota est adversum monachos hujus monasterii calumpnia de quadam terra, in pago andegavensi, in loco qui dicitur Pruliacus, quam terram monachi, per viginti ferme et .V. annos, in pace et quiete tenuerant. Illam si quidem terram vendiderat Geraldus de Fago cuidam Huberto qui de eo quod asinam interfecerat, cognomen habebat, retentis per singulos annos sex denariis pro censu et legitimis servitiis que ad majorem dominum respiciebant. Hubertus vero vendidit eam Fromundo, Fromundus autem vendidit illam Orrico monacho qui eo tempore in Prulliaco erat, eisdem .VI. denariis et eisdem servitiis ubi prius fuerunt remanentibus, Riuallono quoque de Armaille atque Duranto de Fago, qui homo Riualloni et dominus Geraldi erat, necnon et ipso Geraldo concedentibus. Deinde mortuo Orrico, et post eum Galterio de Penpont et Galterio de Prim atque Guegono succedentibus et predictam terram in pace possidentibus, Marquerio, qui ad jam dictum locum missus erat, filius sepedicti Geraldi, Menardus nomine, calumpniam de qua loqui cepimus, intulit; ad quam profecto calumpniam refellendam misit Guillelmus abbas monachos qui insequentibus subscribentur, quibus in curia Gaufredi filii Riualloni de Armaille atque Duranti adstantibus dixit ille Menardus quod terram suam de jure paterno et avito monachi injuste et violenter sibi auferebant. Ad quod responderunt monachi terram illam absque violentia se habere, et quod tamdiu illam absque calumnia tenuerant quatinus juste leges illius patrie ejus calumpnia amplius valere non posset. Cumque ille se legitimam et oportunam calumpniam fecisse asserere niteretur, et monachi hoc plene negarent, judicatum est monachis per laicam personam illam jurare quod calumpniam illam nec viderant nec audierant, quam calumpniam, sicut dixerat, fecisse se probaturum spopondit. Verum cum de his que ad pugnam pertinent ageretur, habito Menardus cum suis consilio, acceptis in caritate a monachis .X. solidis, calumpniam predictam in plena curia guerpivit, et terram illam Sancto Salvatori et monachis rothonensibus in perpetuum possidendam in manu Ivonis prioris, per ramum herbe que dicitur centonia, concessit et tradidit, omnesque suos coheredes, ad quorum patrimonium jus illud pertinebat, affuturos et concessuros firmiter promisit. Concessit hoc maritus sororis ejus Gauter Barbot. Factum est in domo Riualloni de Armaille, mense julio, die dominica, luna .XIIIa. Hujus rei sunt testes de parte monachorum: Ivo, Guegon, Marquerius, Gislebert, Robertus [prior de Jouinñe], Gaufridus [de Moia], Gaufridus [filius Ernalt], Aelaunus [presbyter], Renalt [Gobillard], Hervi [filius Daniel], Guillelmus [filius Baholot], Gefre [de Armaille] et Herenburga [mater ejus], Oliverius [patruus ejus], Mauricius [Recordel], Mauricius [de Vergona], Gaufridus [molendinarius]; Robertus [de Sancto Michaele], Johannes [Guengamp], Ernalt [de Arbre], canonicus [de Sancto Micaele]; Durantus [de Fago], Fromundus, Gauter [Barbot], Martinus [de Pruille], Lanbert [Parvus], et omnes fere viri de tota parrochia Armaille.

Rennes, Archives de l'Archevêché, Cartulaire de Redon. Édition fac-simile: Cartulaire de l'abbaye Saint-Sauveur de Redon, Rennes 1998, fol. 183. (cartulaire)