Description
-
Clément VI (1342-1352)
-
Matthaeum de Aquaputrida ord. Min. ecclesiae Thelesin. (Telese in partibus Neapolitanis) praeficit in episcopum.1
-
1345, iulii 15, Avinione.
-
1345
-
Dilecto filio Matthaeo de Aquaputrida electo Thelesin.
Pastoralis officii debitum etc. Dudum siquidem bo. me. Thomasio episcopo Thelesin. regimini Thelesin. ecclesiae praesidente nos ... provisionem eiusdem ecclesiae ordinationi et dispositioni nostrae ea vice duximus specialiter reservandam etc. Postmodum vero praefata ecclesia Thelesina per obitum eiusdem Thomasii, qui in partibus illis diem clausit extremum, pastoris solatio destituta, nos vacatione huiusmodi ipsius ecclesiae fide dignis relatibus intellecta ... post deliberationem, quam cum fratribus nostris habuimus diligentem, demum ad te ordinis fratrum Minorum professorem, in sacerdotio constitutum, religionis zelo perspicuum, litterarum scientia praeditum, vitae munditia ac aliis multiplicium virtutum meritis, prout ex testimoniis fide dignis accepimus, laudabiliter insignitum, direximus oculos mentis nostrae. Quibus omnibus attente discussis, de persona tua praefatae Thelesin. ecclesiae de dictorum fratrum consilio auctoritate apostolica providemus teque illi praeficimus in episcopum et pastorem, curam et administrationem ipsius tibi in spiritualibus et temporalibus plenarie committendo etc. Datum Avinione idibus iulii anno quarto.
In eundem modum archiepiscopo Beneventan., capitulo et vassallis ecclesiae Thelesin., clero ac populo civitatis et dioecesis Thelesin., Ioannae reginae Siciliae.a
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°323., pp.163-164
-
Reg. Vat. t. 170 (Clem. VI a. 4, l. 3), ep. 4; Wadd. l. c. reg. pont. Clem. VI n. 88; cfr. infra n. 480.
1 -
(a) Aliis litteris 24 sept. 1345 datis S. P. eidem electo indulget, ut a quocunque maluerit antistite munus consecrationis recipere valeat (l. c. t. 172, f. 169, ep. 419) et die 22 febr. 1347 ipsum episcopum Thelesin. a iuramento, quod tempore, quo ecclesiae Thelesin. praefectus est in episcopum, de visitandis apostolorum liminibus praestitit, absolvit (l. c. t. 176 f. 185 ep. 405), eique licentiam testandi concedit (l. c. f. 306, ep. 32). Cfr. litteras Ioannae reginae Siciliae 5 mart. 1347 datas apud Wadd. Ann. Min. (Romae 1733) t. VIII, p. 596.