Description
-
Benoît XII (1334-1342)
-
Andream de Galiano ord. Min. citari iubet, ut ipse conspectui apostolico se praesentet.1
-
1336, iunii 12, Avinione.
-
1336
-
Venerabilibus fratribus Neapolitan. et Capuan. archiepiscopis.
Cum per dilectum filium Andream de Galiano ordinis fratrum Minorum in illis partibus residentem super quibusdam dictis et tractatis per eum ut dicitur fidem tangentibus velimus plenius informari, fraternitati vestrae per apostolica scripta committimus et mandamus, quatenus ... praefatum Andream ex parte nostra peremptorie citare curetis, ut ipse infra quadraginta dierum spatium post citationem vestram conspectui apostolico personaliter se praesentet; diem vero citationis et formam, et quicquid inde feceritis, nobis per vestras litteras harum seriem continentes quantocius fideliter intimetis. Datum Avinione, II idus iunii, anno secundo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°27., pp.17-18
-
Reg. Vat. 121 (Ben. XII a. 2), ep. 20 de curia. Cfr. infra n. 30 et 58. — Iam nota 3 pag. 544 t. V huius op. diximus, Benedictum XII causam contra Andream de Galiano a Ioanne XXII praedecessore motam denuo suscepisse, sed postremo (a. 1338, iul. 29) eum absolvisse incusatione, quia testes eum magis excusabant quam accusabant. Inter testes in processu contra ipsum habitum minus favorabiliter deponentes erant hi fratres Min.: Matthaeus minister prov. Apuliae; Petrus de Spoleto prov. s. Francisci, conventualis mon. s. Clarae Neapol.; Ioannes de Posta (cfr. supra n. 21); Thomas de Albeto, eius avunculus; Thomasinus de s. Geminiano prov. Tusciae; Ugolinus de monte s. Mariae prov. marchiae Ancon.; Petrus de Aniacio; Bernardus Laurentii e prov. Aragoniae; Finus de Ferraria; Gregorius de Neapoli; Franciscus de Sora; Franciscus de Sulmona; Guillelmus de Castellione (cfr. infra 44); Iacobus de Buclano, custos Theatinus (prov. Pennen.); Berardus Desquintrono; Petrus de Pisis; Blasius de Muro Pennen. (cfr. supra n. 20). Magis autem favorabiliter deposuerunt hi fratres Min.: Raymundus de Straxillis, guardianus Avinionen.; Iacobus de Ioha (Gioa), lector in conv. Salernitano; Iacobus de Firmo, inquisitor in prov. s. Francisci; Petrus de Carpentorato, capellanus (Ioannis) cardinalis Convenarum; Guilelmus Amorosi, conventualis mon. s. Clarae Neapoli; Robertus de Macla, olim minister prov. Calabriae (cfr. infra n. 42); Laurentius de Ancona, olim inquisitor in marchia Ancon.; Manfredus de Neapoli, conventualis Valriaci; Bertholdus de Bono albergo, conv. Beneventan.; Basilius de s. Michaele, custos Marchitanus; Petrus Garde, capellanus (Sanciae Siciliae) reginae; Mathias de s. Eustachio, minister prov. Romanae; Antonius de Luca; Franciscus, guardianus conv. s. Laurentii Neapol.; Ugerius (Augerius), electus Duracen.; Andreas de Maranula; Ricardus de Altavilla et Petrus de s. Arsonio, uterque capellanus comitissae Mileti; quibus addendi sunt hi, qui non sunt ord. Min., scilicet: Rogerius comes Mileti; Ilaria, comitissa s. Severini; Franciscus de Malanotte, miles; Ioannes de Renesto, miles et legum doctor ac magister rationalis Roberti regis Siciliae; Bistardus de Cava, thesaurarius dicti regis; Bertrandus Artaudi, iuris peritus et consiliarius eiusdem regis; Philippus de Sanguineto, miles et senescallus comitatuum Provinciae et Forcalquerii; Matthaeus de Porta, iudex maior appellationum in Provincia; Bartholomaeus, episcopus Adversanus; Iacobus de Caramanico, monachus mon. s. Petri de Murrone; Iacobus de Buclano, monachus ord. s. Petri de Murr.; Guilelmus de quinque miliis, abbas mon. s. Viti de Palunano; Antonius, abbas de Ianua; Berardus, abbas de Muzillo dioec. Theatin. Cfr. Archiv. f. Litt.- u. K.-Gesch. IV, 82-95. — In appendice I totus processus contra illum Andream institutus, in quantum inter documenta archivi Vaticani superest, publicabitur.
1
Informations
Document
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 156326 (bullarium-franciscanum-4413), http://telma.irht.cnrs.fr/chartes/en/bullarium-franciscanum/notice/156326 (mise à jour : 26/01/2021).