Description
-
Jean XXII (1316-1334)
-
Petrum Minoritam praeficit ecclesiae Acernen. in epicopum.1
-
1331, iulii 1, Avinione.
-
1331
-
Venerabili fratri Petro episcopo Acernen.
Dum ad universas orbis ecclesias etc. Dudum siquidem ecclesia Acernen.a per obitum bon. mem. Iordani episcopi Acernen. qui extra Romanam curiam diem clausit extremum, pastoris solatio destituta, nos huiusmodi vacatione ipsius ecclesiae fide dignis relatibus intellecta, cupientes ipsi ecclesiae per apostolicae sedis providentiam personam idoneam praesidere, provisionem ipsius ecclesiae dispositioni nostrae et sedis praedictae ea vice duximus reservandam, decernentes ex tunc irritum etc. Et postmodum ad provisionem ipsius ecclesiae, ne prolixae vacationis subiaceret incommodis, ... sollicitis studiis intendentes, post deliberationem, quam de praeficiendo eidem ecclesiae personam utilem et etiam fructuosam habuimus cum nostris fratribus diligentem, demum ad te ordinis fratrum Minorum professorem, in sacerdotio constitutum, litterarum scientia praeditum, morum gravitate conspicuum, in spiritualibus providum aliisque virtutum meritis, prout fide dignorum habet assertio, insignitum, direximus oculos nostrae mentis. Quibus omnibus debita consideratione pensatis, de persona tua dictae Acernen. ecclesiae de ipsorum fratrum nostrorum consilio apostolica auctoritate providimus teque illi praefecimus in episcopum et pastorem, curam et administrationem ipsius ecclesiae tibi tam in spiritualibus quam in temporalibus plenarie committendo, et subsequenter tibi per venerabilem fratrem nostrum Bertrandumb episcopum Tusculanum munus fecimus consecrationis impendi etc. Dat Avinione, kalendis iulii, anno quintodecimo.c
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°914., p.502
-
Reg. Vat. t. 97, ep. 36; apud Wadd. l. c. n. 131.
1 -
(a) Acerno in prov. Salernitana.
-
(b) De Turre ex ord. Min.
-
(c) In eumdem modum capitulo ecclesiae Acernen. et clero ac populo civitatis et dioecesis Acernen., archiepiscopo Salernitano et Roberto regi Siciliae, qui monetur, ut eidem Petro se reddat regio favore munificum et in cunctis eius opportunitatibus gratiosum.