Description
-
Jean XXII (1316-1334)
-
Praeficit Petrum Minoritam ecclesiae Humanaten. in episcopum.1
-
1323, iunii 6, Avinione.
-
1323
-
Dilecto filio Petro electo Humanaten.
Ad regimen universalis ecclesiae etc. Olim siquidem ... provisiones omnium ecclesiarum cathedralium ... reservavimus etc. Postmodum vero Humanaten.a ecclesia per obitum bonae mem. Gerardib episcopi Humanaten. (in illis partibus decedentis) pastoris solatio destituta: nos attendentes, quod nullus praeter nos de ipsius ecclesiae provisione se intromittere poterat neque potest reservatione huiusmodi obsistente, ac de ordinatione celeri eiusdem ecclesiae, ne diu viduitatis experiretur incommoda, sollicite cogitantes, et cupientes illum per nostrae providentiae studium eidem praeesse pontificem, de quo certam notitiam haberemus, quod ipsum clara meritorum suorum insignia redimerent, ne dubia esset ipsius caritas erga plebem suo regimini commendandam, et in cuius fide fida recumberet securitas subditorum, ad personam tuam litterarum scientia, zelo religionis, vitae munditia, honestate morum et aliis virtutibus decoratam, in spiritualibus providam et temporalibus circumspectam, nostrae mentis aciem dirigentes, de te ordinis fratrum Minorum professore, in sacerdotio constituto, de fratrum nostrorum consilio eidem Humanaten. ecclesiae auctoritate apostolica providemus teque in episcopum illi praeficimus et pastorem, curam et administrationem ipsius tibi in spiritualibus et temporalibus committendo etc. Dat. Avinione, VIII idus iunii, anno septimo.c
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°503., pp.-252
-
Reg. Vat. t. 75, ep. 1010, apud Wadd. l. c. reg. pont. Io. XXII, p. 2, n. 10.
1 -
(a) Umana in Piceno, nunc unita ecclesiae Anconitan.
-
(b) Ex ord. Min.; cfr. huius op. t. IV, p. 126.
-
(c) Iste Petrus ineunte anno 1338 moritur.