Description
-
Jean XXII (1316-1334)
-
Declarat, fr. Ioannem de Turre de Adria (Atri in Aprutinis aut Adria in Romandiola) ord. Min. non incurrisse irregularitatem vulnerando quendam fratrem Erem. s. Aug. sibi necem paraturum.1
-
1323, maii 1, Avinione.
-
1323
-
Dilecto filio Ioanni de Turre de Adria ordinis fratrum Minorum.
Petitio tua nobis exhibita continebat, quod dudum fratres ordinis Heremitarum sancti Augustini in partibus Pennensibusa et vicinis, fratres Minores earundem partium capitali odio persequentes, dictos Minores ubicumque repertos invadere eisque inferre vulnera praesumebant; et quod, dum tu et quidam alii fratres tui ordinis iuxta obedientiam tibi et eis impositam proficisceremini extra quendam locum illarum partium, in quo tunc temporis morabamini, octo fratribus Heremitis armatis in itinere obviastis, ob quorum timorem mortis volentes vitare periculum dedistis velociter terga fugae; et dum sic fugiendo incederetis iuxta mare, quidam ex dictis fratribus Heremitis armatis casualiter tibi et aliis fratribus dicti ordinis tui occurrens statim evaginato gladio contra vos dixit, se nunquam exinde recessurum, nisi tu et dicti Minores tecum stantes per eum essetis primitus interempti; et tandem dictus Heremita, nec precibus nec suasionibus inclinatus, te in spatulis cum quodam gladio (scoco vulgariter nuncupato) graviter vulneravit nec in hiis contentus te constitutum in fugam, ut te occideret, extitit insequutus. Verum tu prospiciens mortem non posse aliter evitare, dictum invasorem vulnerasti, ex quo vulnere dictus Heremita infra biduum dicitur expirasse; ac deinde de quamplurium iurisperitorum consilio asserentium, te irregularitatem ex hoc minime incurrisse, missam et alia divina officia celebrasti. Postmodum vero minister generalisb provinciae Pennensis ordinis tui tibi mandavit, ut sedem apostolicam visitares, misericordiam seu declarationem super hoc apostolicam petiturus. Quare tu sedem adiens supradictam nobis humiliter supplicasti, ut tibi super causa huiusmodi, quod in tuis valeas ordinibus ministrare nec propter hoc in aliis honoribus et officiis debeas impediri, providere misericorditer dignaremur. Nos itaque tuis supplicationibus inclinati, si est ita, tenore praesentium declaramus, te nullam irregularitatem propterea incurrisse. Nulli ergo etc. Datum Avinione, kalendis maii, anno septimo.c
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°498., p.250
-
Reg. Vat. t. 75, f. 95, ep. 1251.
1 -
(a) Penna sant’Andrea in Aprutinis.
-
(b) Rectius: provincialis.
-
(c) Litteris die 20 febr. 1330 datis Ioannes XXII eidem fratri Guilelmo unacum Roberto de Turre canonico ecclesiae Adrien. et scriptori litt. apost. ac Bolongia relicta Mansueti de Turre viduae Adrien. concedit absolutionem plenariam in articulo mortis. Reg. Vat. t. 94, epp. 437-439.