Description
-
Jean XXII (1316-1334)
-
Ministro provinciae Bononiensis concedit facultatem recipiendi unum locum.1
-
1320, martii 18, Avinione.
-
1320
-
Dilecto filio ministro provinciae Bononien. ordinis fratrum Minorum.
Habet in nobis tuae devotionis sinceritas, ut petitiones tuas, quas praesertim de pietatis affectu procedere ac divini cultus augmentum intuemur respicere, ad exauditionis gratiam admittamus. Exhibita siquidem nobis tua petitio continebat, quod dilecti filii nobiles viri domini de Malatestis de Arimino in castro Verucolia Ariminen. dioecesis, unde originem traxisse dicuntur, desiderant fratrum tui ordinis decentem conventum habere. Nos igitur piis desideriis devotorum libenter impertientes assensum, tuis supplicationibus inclinati, recipiendi in eodem castro aliquem locum ad hoc aptum ibique aedificandi oratorium et necessarias officinas ac ordinandi conventum fratrum dicti ordinis, prout tibi videbitur expedire, ut sibi et aliis proficere valeant ad salutem, felicis recordationis Bonifacii papae VIII praedecessoris etc. et qualibet alia constitutione contraria non obstante, plenam et liberam concedimus tenore praesentium facultatem. Datum Avinione, XV kalendas aprilis, anno quarto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°393., pp.182-183
-
Reg. Vat. t. 70, ep. 1127, apud Wadd. l. c. reg. pont. Io. XXII, n. 85.
1 -
(a) Verucchio in custodia Forlivien. prov. Bononien.