Description
-
Clément V (1305-1314)
-
Fratribus Min. de Vandecino permutationem quamdam cum monasterio maiori Turonen. ord. s. Ben. pro loci ampliatione initam confirmat.1
-
1307, decembris 11, Pictavis.
-
1307
-
Dilecto filio ‥ guardiano et fratribus ordinis Minorum de Vandecinoa Carnoten. dioecesis.
Vestrae sacrae religionis inducimur meritis, ut petitionibus vestris favorabiliter annuamus. Cum itaque, sicut oblata nobis ex parte vestra petitio continebat, permutationem feceritis cum dilectis filiis abbate et conventu maioris monasteriib Turonen. ordinis sancti Benedicti de decem solidis Turonen. parvorum annui redditus, vobis pro loci vestri ampliatione legatis, pro duobus solidis eiusdem monetae annui redditus, qui dictis abbati et conventui debebantur super quaedam praedia dicto loco vestro contigua, prout in patentibus litteris inde confectis plenius dicitur contineri: nos vestris supplicationibus inclinati, permutationem huiusmodi ratam et gratam habentes, eam auctoritate apostolica confirmamus et praesentis scripti patrocinio communimus. Nulli ergo etc. Datum Pictavis, III idus decembris, pontificatus nostri anno tertio.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°101., p.45
-
Reg. Vat. t. 55, f. 6, ep. 27 (n. 2333), apud Wadd. Reg. pont. Clem. V n. 11.
1 -
(a) Alias Vendomio (Vendôme) in custodia Aurelianen. provinciae Turonen.
-
(b) Marmoutier.