Description
-
Boniface VIII (1294-1303)
-
Fidei Christianæ propagatoribus Indulgentiam Terræ Sanctæ impertitur. ex Reg. Vat. epist. 417. apud Vaddingum in Annal. Min. ad hunc annum n. 2.
-
Anno 1296. die 15. Maii.
-
1296
-
BONIFACIUS &c.
Dilectis filiis universis Fratribus Ordinis Minorum in Orientalium Tartarorum partibus constitutis Salutem, & Apostolicam Benedictionem.
Inter cetera desideria cordis nostri hoc præcipuum, & potissimum fore cognovimus, ut cunctorum infidelium mentes, errorum tenebris profugatis, catholicæ Fidei radio illustrentur, ut ipsi post vitæ præsentis excursum, quæ nullius certitudinem status habet, mereantur æternæ beatitudinis effici possessores. Cum itaque zelo Fidei, & devotionis accensi ad partes Orientalium Tartaroruma vos personaliter duxeritis conferendos non vitatis laboribus, & angustiis plurimis, quos tanti negotii prosecutio secum trahit, ut illos ad ipsius cultum Fidei, superna vobis assistente clementia, convertatis: Nos digne, pieque volentes vos, & alios vestri Ordinis Fratresb, qui propter hoc ad partes easdem de voluntate, seu speciali mandato Apostolicæ Sedis, vel Generalis Ministri Ordinis vestri prædicti accesserint, speciali prosequi gratia, & favore; vobis, & eis negotium prosequentibus supradictum illam peccatorum veniam indulgemus, quæ transfretantibus in Terræ Sanctæ subsidium in Generali Concilioc est concessa. Nulli ergo omnino hominum liceat hanc paginam nostræ concessionis &c. Datum Romæ apud Sanctum Petrum Idibus Maii, Pontificatus nostri Anno Secundo.
-
Bullarium Franciscanum romanorum pontificum, tomus IV, n°LXVIII., pp.394-395
-
(a) Orientalium Tartarorum: nempe Cathai, & Turquestani.
-
(b) Fratres: quorum antesignanus erat Fr. Joannes de Monte Corvino supra non semel in hoc tomo memoratus.
-
(c) In Generali Concilio: Lateranensi IV. anno 1215. celebrato.