Description
-
Nicolas IV (1288-1292)
-
Ædem sacram Fratrum Ord. Min. Neapolitan. devotionis causâ certis diebus visitantes Indulgentiâ donantur. ex Vat. Reg. Pontif. epist. 304. n. 5. anni 4.
-
Anno 1291. die 25. Iunii.
-
1291
-
NICOLAUS &c.
Universis Christifidelibus præsentes Litteras inspecturis Salutem, & Apostolicam Benedictionem.
Licet is, de cujus munere venit &c.a. Cupientes igitur ut Ecclesia dilectorum filiorum Fratrum Ordinis Minorum Neapolitan.b congruis honoribus frequentetur, omnibus vere pœnitentibus, & confessis, qui ad eamdem Ecclesiam in singulis B. Mariæ Virginis, ac S. Laurentii Martyris, in cujus honorem ipsa Ecclesia dicitur constructa, & SS. Francisci, ac Antonii, Sanctæque Claræ Virginis festivitatibus, & per octo dies festivitates ipsas immediate sequentes devote accesserint annuatim, de Omnipotentis Dei misericordia, & BB. Petri, & Pauli Apostol. ejus auctoritate confisi unum annum, & quadraginta dies de injunctis eis pœnitentiis misericorditer relaxamus. Datum ut supra.
-
Bullarium Franciscanum romanorum pontificum, tomus IV, n°CDLXXXIX., p.260
-
(a) Venit &c.: ut in ep. 99. hujus Pont. pag. 68. usque ad aptiores.
-
(b) Neapolitan.: de qua Civitate, & Conventu in primo hujus nostræ Collectionis to. fol. 144. & infra ad ep. Bonif. VIII. die 1. Febr. 1300. datam.