Description
-
Nicolas IV (1288-1292)
-
Visitantibus annuatim devote Ecclesiam Monasterii Humilitatis B. Mariæ juxta Parisios Ord. S. Claræ partem pœnitentiæ Sacramen. relaxat. ex Vatic. Reg. Pont. ep. 713. n. 6. anni 3.
-
Anno 1291. die 28. Januarii.
-
1291
-
NICOLAUS &c.
Universis Christifidelibus præsentes litteras inspecturis Salutem, & Apostolicam Benedictionem.
Virgo venustissima &c.a. Cupientes igitur, ut Ecclesia dilectarum in Christo filiarum ‥ Abbatissæ, & Conventus Monasterii Humilitatis Beatæ Mariæ juxta Parisiusb Ordinis Sanctæ Claræ congruis honoribus frequentetur, omnibus vere pœnitentibus, & confessis, qui ipsam Ecclesiam in Purificationis, Annuntiationis, Assumptionis, & Nativitatis ejusdem Virginis gloriosæ, ac Beatorum Francisci, Antonii, & Claræ festivitatibus, & per octo dies festivitates ipsas immediate sequentes devote visitaverint annuatim, de Omnipotentis Dei misericordia, & Beatorum Petri, & Pauli Apostolorum ejus auctoritate confisi, unum annum, & quadraginta dies de injuncta sibi pœnitentia misericorditer relaxamus. Datum apud Urbem veterem V. Kalendas Februarii, Pontificatus nostri Anno Tertio.
-
Bullarium Franciscanum romanorum pontificum, tomus IV, n°CD., pp.212-213
-
(a) Venustissima &c.: ut in superiori 274. ep. usque ad consequi mereantur.
-
(b) Juxta Parisius: idest de Campolongo pluries a nobis commemorati.