Description
-
Nicolas IV (1288-1292)
-
Ut Monasterium Provinen. cum 12. & quælibet alia Franciæ, & Angliæ Clarissarum Monasteria cum 8. honestis Matronis ingredi valeat conditione, ut aliàs apposita. ex Vat. Reg. Pontif. epist. 579. anno 3.
-
Anno 1290. die 21. Decembr.
-
1290
-
NICOLAUS &c.
Dilectæ in Christo filiæ Nobili Mulieri Blanchæa Uxori dilecti filii Nobilis Viri Eadmundib Comitis Leycestriæc Sal. & Ap. Ben.
Excellentiæ tuæ præminentia, & devotionis inclitæ promptitudo, qua toto studio, & perfecto cultu Divinam, & Apostolicam gratiam mereri studes, efficiunt, ut a Nobis, qui paternis affectibus salutaria tua vota prosequimur, donis spiritualibus specialiter honoreris. Hinc est, quòd Nos tuæ devotionis inclinati precibus, ut Monasterium de Pruvinod Senonen. Diœcesis cum duodecim, & quælibet Monasteria Franciæ, & Angliæ Regnorum Ordinis S. Claræ cum octo honestis Matronis in habitu condecenti, quotiescumque, & quandocumque volueris, devotionis causâ intrare valeas, dummodo infra septa Monasteriorum ipsorum Sororibus deputata, tu & eædem Matronæ non comedatis, vel etiam pernoctetis, ejusdem Ordinis statuto contrario non obstante, tibi auctoritate præsentium concedimus facultatem. Nulli ergo omnino hominum liceat hanc paginam nostræ concessionis infringere &c. Datum apud Urbem veterem XII. Kalendas Januarii, Pontificatus nostri Anno Tertio.
-
Bullarium Franciscanum romanorum pontificum, tomus IV, n°CCCLXXXII., pp.206-207
-
(a) Blanchæ: secundæ ipsius uxoris de Artesiana Francica Domo, ex qua Thomam, Henricum, & Joannem filios habuit, quorum ultimus in infantia obiit, sicut apud Jansonium tom. 4. nov. Atlan. ubi de Comitatu Lancastriæ fol. 322.
-
(b) Eadmundi: al. Edmundi, dicti Gibbosi, Lancastriæ Comitis Henrici III. filii minoris a Patre victore in hujusmodi Comitatus possessione positi ex Jo: Jansonio tom. 4. cit. de Comit. Licestr. pag. 220.
-
(c) Leycestriæ: meliùs Licestriæ Gallice Leicester in Anglia.
-
(d) De Pruvino: cujus Monasterii mentionem egimus supra ad epistolam 349. pag. 186. notâ (p).