« bullarium-franciscanum-2315 »

MARTINUS &c.

Dilectis Filiis … Priori Prædicatorum, ac .... Ministro Minorum Fratrum Ordinum Lombardiæ, & Januen. Provinciaruma , Salutem, & Apostolicam Benedictionem.

Petitio dilectorum Filiorum … Magistri, & Capituli Generalium Ordinis Humiliatorumb, nec non Præpositorum, Prælatorum, & Conventuum domorum ejusdem Ordinis Mediolanen., Cuman., Brixien.c Civitatum, & Diœcesum Nobis exhibita continebat, quòd olim inter ipsos, & Venerabiles Fratres Nostros ....d Archiepiscopum Mediolanensem, … Cumanume & …f Brixien. Episcopos super eo, quòd quilibet eorumdem Archiepiscopi, & Episcoporum in domibus ipsius Ordinis consistentibus in suis Civitatibus ac Diœcesibus visitationem exercere se posse proponit; nec non, & quibusdam aliis articulis orta materia quæstionis; fel. rec. Nicolaus Papa g prædecessor Noster dilectos Filios Nostros Mathæumh S. Mariæ in Porticu primo, & tandem, postquam coram eo inter Religiosos, & Episcopos, & Prælatos in causâ hujusmodi litis contestatio legitimè facta fuit, J.i Sancti Eustachii Diaconos Cardinales dedit in dictâ causâ Partibus auditores. Verùm inter Religiosos, & Archiepiscopum memoratos lite in causâ ipsâ coram eodem J. Cardinali legitimè contestatâ; tandem dicto Prædecessore viam universæ Carnis ingressoj; Nobisque postmodum ad apicem Apostolatus assumptis, factis coram eodem J. Cardinali quibusdam positionibus hinc, & inde, ac ad eas responsionibus subsecutis, formatis articulis, & coram ipso J. Cardinali exhibitis; tandem Procuratoribus Archiepiscopi, & Episcoporum prædictorum a dicto Cardinali ex quodam gravamine ad Nos appellantibus, Nos Venerabilem Fratrem Nostrum O.k Tusculanum Episcopum in causâ appellationis hujusmodi prædicto J. Cardinali Auditorem duximus adjungendum; coram quibus in causâ appellationis ipsius diutiùs litigato, dicti Religiosi Nobis humiliter supplicarunt, ut cum ipsi quosdam Testes senes, & valetudinarios, de quorum morte, vel absentiâ diuturnâ timetur, ad fundandam intentionem suam super principali habeant producendos; nec adhuc eadem appellationis causa, quæ per duos annos duravit, & amplius, terminata existat; providere ipsis, ac eorum Ordini super hoc ex officio Nostro paternâ diligentiâ curaremus. Nos itaque ipsorum supplicationibus inclinati, ne prædictis Religiosis fortuitis casibus super hoc probationis copia subtrahatur; & propter hoc juri eorum in hac parte deperire contingat; Discretioni vestræ per Apostolica scripta mandamus, quatenus per vos, vel per alios ad hoc idoneos, testes hujusmodi super prædictis articulis, quos vobis sub Bulla Nostrâ mittimus interclusos, denuntiantes primò per vos, vel per alium, aut alios Archiepiscopo, & Episcopis memoratis, ut receptioni dictorum testium, si velint, intersint; ac super denuntiatione hujusmodi confici facientes publica instrumenta, infra decem mensium spatium a receptione præsentium prudenter recipiatis, & examinetis etiam diligenter dicta omnium Testium prædictorum fideliter in scriptis redacta, sub vestris sigillis inclusa, ad Nostram præsentiam transmissuri. Testes autem, qui fuerint nominati, si se gratiâ, odio, vel timore subtraxerint, per censuram ecclesiasticam appellatione cessante cogatis; præter quam super criminibus veritati testimonium perhibere. Non obstante Indulgentiâ &c.l

Datum Perusii vi. Idus Januarii, Pontificatus Nostri Anno Quartom.