Description
-
Martin IV (1281-1285)
-
Villas & possessiones a B. Kunegunda Monasterio Sandecien. concessas confirmat. (Ex Autographo in Archivo dicti Monasterii antiquæ Sandeciæ asservato.)
-
Anno 1283. die 5. Julii.
-
1283
-
MARTINUS &c.
Dilectis in Christo Filiabus … Abbatissæ & Conventui Monasterii de Sandecha Ord. S. Claræ Cracovien. Diœcesis Sal., & Apostol. Bened.
Cum a Nobis petitur, quod justum est &c.b Exhibita siquidem Nobis vestra petitio continebat, quòd dilecta in Christo Filia Nobilis Mulier Kunegundisc nata claræ memoriæ B.d Regis Hungariæ, relicta quondam Boleslaie Ducis Cracoviæ & Sandomiriæ, Principissa de Sandech Viduaf Cracovien. Diœcesis cupiens terrena in cælestia, & transitoria in æterna felici commercio commutare, Villam de Sandech, quæ civitas vulgariter nuncupatur, in qua vestrum Monasteriumg situm est, cum theloneoh ipsius, nec non Barcicy, Golgovicy, Kadche, Lucesco, Mascovicy, Chirnche, Zarechane, Zagoryn, Scezer, Kluchane, Nossachovicy, Dubrova, Mokre, Podegrode, Gostvicha, Bresna, Podreche, Kochorovicy, Bichicy, Chelmech, Cressici, Sedlcha, Lbyna, minor Svinarsco, Beganius, Mylscha, Podolino, Pressethniche, & Wetrniche Villas, & possessiones cum fluminibus, molendinis, clausuris, piscationibus, silvis, nemoribus, venationibus, mellificiis, & omnibus pertinentiis & juribus earum tunc ad Nobilem ipsam spectantes vobis, & dicto Monasterio piâ & providâ liberalitate concessit; prout etiam ipsius Ducissæ literisi suo sigillo munitis plenius dicitur contineri. Nos itaque vestris supplicationibus inclinati, quod super his piè ac providè factum est, ratum & gratum habentes id auctoritate Apostolicâ confirmamus, & præsentis scripti patrocinio communimus. Nulli ergo omnino hominum liceat hanc paginam Nostræ Confirmationis infringere, vel ei &c.
Datum apud Urbemveterem iii. Nonas Julii, Pontificatus Nostri Anno Tertio.
-
Bullarium Franciscanum romanorum pontificum, tomus III, n°LII., p.509
-
(a) Sandech: Al. Sandeca, vel Sandecia Poloniæ superioris urbe ad Dunaicum fluvium 10. leucis Cracovia distante versus Montes Carpatios, ac Hungariæ vicina, probeque munita.
-
(b) Justum est &c. V. epist. 72. Clementis IV.
-
(c) Kunegundis: Jam Beatarum Virginum catalogo ascripta.
-
(d) B.: Belæ IV. anno 1275. defuncti.
-
(e) Boleslai: Anno 1279. e vivis sublati.
-
(f) Vidua: Nondum igitur hoc anno die 5. Julii nomen dederat Clarissis contra nonnullos tradentes, eam statim a morte mariti Ordinem S. Claræ ingreslam esse, & post 13. annos sancte occubuisse.
-
(g) Monasterium: A B. Kunegunda, ejusque marito circa anno 1240., ut volunt, ædificatum.
-
(h) Theloneo: Vectigalis specie, ac jure vectigalia percipiendi.
-
(i) Litteris: Quæ ad nos non pervenerunt.