Description
-
Urbain IV (1261-1264)
-
Spoletanis ab Ecclesia Romana discordantibus, ab infrascriptis conferantur Sacramenta, quæ juris Episcopalis sunt, Castris Nursiæ &c. (Ex Vatic. Reges. Pont. ep. 130. to. 3. an. 3.)
-
Anno 1264. die 13. Martii.
-
1264
-
URBANUS &c.
Venerabilibus Fratribus ...a Reatin., & ...b Assisinat. Episcopis Salutem, & Apostolicam Benedictionem.
Ob puritatem devotionis, quam dilecti filii Nursiæc, Cassiæd, & Montis Sancti Martinie Castrorum Universitates Spoletanæ Diœcesis ad Romanam Ecclesiam habere noscuntur veluti ejus filii speciales, eis per nostras litteras dicimur concessisse; ut cum ipsi pro defendendis ejusdem Ecclesiæ juribus Civium Spoletanorum tunc indevotorumf ejusdem Ecclesiæ odium incurrissent, tali durante inter utrosque discordia, non tenerentur ad ...g Spoletanum Episcopum pro recipiendis Sacramentis Ecclesiasticis, quæ tantum per Episcopum conferunturh, aliquatenus se transferre; sed ea ab aliquo vicino Episcopo gratiam, & communionem Apostolicæ Sedis habente recipere valeant usque ad nostræ beneplacitum voluntatis. Ideoque Fraternitati vestræ mandamus, quatenus vos, vel alter vestrum ad prædicta loca, cum opportunum fuerit, vos personaliter transferentes personis locorum eorumdem juxta præscriptam formam Sacramenta hujusmodi tribuatis.
Datum apud Urbem veterem iii. Idus Martii, Pontificatus Nostri Anno iii.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXXX., pp.545-546
-
(a) Ven. Fratribus ....: Thomæ paulo ante memorato.
-
(b) Et ‥: Nicolao Ord. Minor. non semel in isto, primoque hujus Operis tomo recensito.
-
(c) Nursiæ: Urbis in Umbria, olim in Sabinis, intra montes, & ad radices Apennini 6. mill. pas. a confinio Marchiæ Anconitanæ, & 13. a Reate in ditione Pontificia vulgo Norcia.
-
(d) Cassiæ: Al. Casciæ Oppidi intra colles Umbriæ, interque Nursiam, & Reate prope Montem Leonem, cujus tamen incolæ anno sequenti se tradiderunt Manfredo Tyranno ex Clementis IV. epist. In confectione &c. eo anno die 25. Augusti scripta.
-
(e) Montis S. Martini: Oppidi 7. mill. pas. a Nursia in Boream, Picenumque distantis.
-
(f) Indevotorum: Sequebantur enim partes Manfredi tyranni, & Ecclesiæ Rom. hostis.
-
(g) Ad ‥: Bartholomæum, quem Ughellus to. 1. Ital. Sac. tradit sedisse ab anno 1250. usque ad ann. 1270.
-
(h) Per Episcopum conferuntur: Uti Chrisma, & Ordines Eccles.