« bullarium-franciscanum-1509 »

ALEXANDER &c.

Dilectis filiis ... Potestati Consilio, & Communi Ortar.a Sal., & Apost. Benedictionem.

Sua nobis dilecti filii ... Minister, & Fratres Ortar. Ordinis Minorum petitione monstrarunt, quod Venerabilis Frater noster ... Episcopus Ortanusb considerans, quod in loco, in quo habitabant, propter frequentem inundationem Tyberis commode morari non poterant, eis Ecclesiam Sancti Theodori Ortar. cum domibus, Claustro, quodam orto, juribus, & pertinentiis sibi cohærentibus ordinaria auctoritate concessit; Nosque concessionem hujusmodi duximus confirmandamc. Cumque postmodum prædicti Minister, & Fratres Ecclesiam ipsam, domos, Claustrum, & Ortum prædicta duxerint resignare; & renuntiaverint juri, quod ipsis in eis fuerat acquisitum; idem Episcopus Ecclesiam Sancti Angeli cum domibus, Claustro, quodam orto, juribus, & pertinentiis suis eis cohærentibus, ubi commodius manere possunt; prout spectabat ad eum; pia, & provida liberalitate concessit eisdem, eam ab omni jurisdictione Episcopali penitus eximendo; prout in patentibus litteris suisd confectis exinde, ac ipsius sigillo signatis plenius dicitur contineri. Nosque ipsorum supplicationibus inclinati, quod super renunciatione hujusmodi, & concessione sacta eis de dicta Ecclesia S. Angeli, domibus, Claustro, Orto, juribus, & pertinentiis prædictis pie, ac provide factum extitit, ratum, & firmum habentes id auctoritate Apostolica duximus confirmandume; defectum, qui fuit in concessione prædictæ Ecclesiæ Sancti Angeli ex eo, quod ad id consensus Ortani Capituli non accessit, supplentes de Apostolicæ plenitudine potestatis. Et licet idem Episcopus dictos Ministrum, & Fratres in corporalem possessionem dictæ Ecclesiæ Sancti Angeli, ac Orti, jurium, & pertinentiarum prædictorum induxeritf; ipsique aliquandiu fuissent in illa; tamen iidem propter quorumdam malorum hominum minasg, & terrores dictam Ecclesiam Sancti Angeli cum Orto, juribus, & pertinentiis prædictis relinquere sunt coacti. Quare prædicti Minister, & Fratres ad nostram prudentiamh recurrentes nobis humiliter supplicarunt, ut providere sibi super hoc paterna sollicitudine curaremus: unde dilecto filio Magistro Raynerio de Viterbio Capellano nostro Patrimonii Beati Petri in Tuscia Rectori damus Nostris litterisi in mandatis, ut dictos Ministrum, & Fratres in corporalem possessionem prædictæ Ecclesiæ Sancti Angeli, & Orti, jurium, & pertinentiarum ejus per se, vel per alium reducat, & defendat reductos: Contradictores spiritualiter, & temporaliter, appellatione postposita, compescendo; invocato ad hoc, si opus fuerit, auxilio brachii sæcularis. Quocirca Universitatem vestram rogamus, & hortamur attente, sub pœna mille Marcarum argentij, per Apostolica vobis scripta præcipiendo mandantes, quatenus eidem Rectori ad hoc, quoties ab eo fueritis requisiti, impendentes consilium, auxilium, & favorem, non permittatis dictos Ministrum, & Fratres super hoc, quantum in vobis fuerit, ab aliquibus molestari. Preces autem, & præceptum nostrum taliter adimplere curetis, quod prædicti Minister, & Fratres fulti vestro præsidio in eadem Ecclesia possint in quiete animi Domino famulari; Nosque devotionem vestram possimus exinde merito commendare.

Datum Anagniæ iii. Nonas Martii, Pontificatus Nostri Anno Sexto.