Description
-
Alexandre IV (1254-1261)
-
Ut tempore generalis Interdicti in Basilica S. Francisci certis diebus solemniter possint celebrari Divina officia, & illis omnes exceptis excommunicatis interesse. (Ex Autographo Sac. Conv. Assisien. S. Franc.)
-
Anno 1259. die 22. Septembr.
-
1259
-
ALEXANDER &c.
Dilectis filiis ... Ministro Generali, Custodi, & Conventui Eccl. S. Francisci Assisinat., ac Fratribus universis administrationis ipsius Ordinis Min. Salutem, & Apostolicam Benedict.
Desideriis vestris affectu benivolo debemus annuere, & in his præcipue, quæ noscuntur ad cultum Divini Nominis pertinere. Hinc est, quod Nos vestris supplicationibus inclinati, ut cum generale Terræ fuerit Interdictum, liceat vobis in Ecclesia Sancti Francisci in Festivitatibus ipsius Sancti, & anniversario dedicationis prædictæ Ecclesiæ usque ad octo dies sequentes solemniter, exclusis excommunicatis, Divina officia celebrare; & quibuslibet ob reverentiam ejusdem Sancti ad Ecclesiam prædictam accedentibus, (dummodo excommunicati non fuerint), audire Divina hujusmodi, devotioni vestræ auctoritate præsentium indulgemus. Nulli ergo omnino hominum liceat hanc paginam nostræ concessionis infringere, vel ei ausu temerario contraire. Si quis autem &c.
Datum Anagniæ x. Kal. Octobris, Pontificatus Nostri Anno Quintoa.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°DXI., pp.363-364
-
(a) Hanc Constitutionem iteravit Clemens IV. anno 1266. die 28. Februarii.