Description
-
Alexandre IV (1254-1261)
-
Ne teneantur ad præstationem procurationum Legatorum Sedis Apostolicæ, aut collectarum, & quarumcunque exactionum, nisi expressa Litterarum S. A., & Ordinis sui mentio fiat. (Ex Autographo Monasterii de Paradiso Constantien.)
-
Anno 1257. die 20. Aprilis.
-
1257
-
ALEXANDER &c.
Dilectis in Christo filiabus ‥ Abbatissæ, & Conventui Monasterii de Paradisoa apud Constantiamb Ordinis Sancti Damiani Sal., & Apost. Bened.
Paupertati, quam propter Deum voluntarie sustinetis, & queti vestræ paterna volentes in posterum sollicitudine providere, auctoritate vobis præsentium indulgemus, ut vos ad præstationem procurationumc Legatorum Sedis Apostolicæ, vel Nuntiorum ejus, seu Diœcesanorum Locorum, aut exactionum, vel collectarum, seu subsidiorum quorumcumque minime teneamini, nec ad ea solvenda per litteras dictæ Sedis, aut Legatorum, vel Nuntiorum ejusdem, aut Rectorum Terrarum Ecclesiæ Romanæ impetratas, seu imposterum impetrandas, cujuscumque tenoris fuerint, in perpetuum compelli possitis; nisi dictæ Sedis impetrandæ plenam, & expressam de præsentibus, & Ordine vestro fecerint mentionem. Nos enim decernimus irritas, & inanes interdicti, suspensionis, & excommunicationis sententias, si quas propter hoc in vos, vel vestrum aliquas contigerit promulgari. Nulli ergo omnino hominum liceat hanc paginam nostræ concessionis, & constitutionis infringere, vel ei ausu temerario contraire. Si quis autem hoc attentare præsumpserit, indignationem Omnipotentis Dei &c.
Datum Laterani xii. Kalendas Maji, Pontificatus Nostri Anno Tertiod.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXXVII., p.217
-
(a) Monasterii de Paradiso: Ab Eberardo II. Constantien. Episcopo circa ann. 1250. fundati ex epist. Innocentii IV. Cum venerabilis Fr. &c. anno 1250. die 6. Julii supra relata.
-
(b) Apud Constantiam; Sveviæ urbem ex notis ad prædictam Innocentii IV. epistolam.
-
(c) Procurationum: Harum significatum hoc loco alias in I. hujus Operis tomo expositum habetur.
-
(d) Jam anno 1255. die 13. Aprilis Pontifex hoc ipsum diploma, & privilegium ediderat pro universis Clarissarum Monasteriis, postea & pro nonnullis speciatim.