Description
-
Alexandre IV (1254-1261)
-
Ut de male acquisitis, quorum restitutio, cui facienda, nescitur, & de redemptionibus votorum excepto Hierosolymitano summam 200. libr. Raven. recipere valeant. (Ex Autographo Archivii Monasterii Vallisgloriæ Hispellen.)
-
Anno 1255. die 8. Decembris.
-
1255
-
ALEXANDER &c.
Dilectis in Christo filiabus ... Abbatissæ, & Conventui Monasterii Vallisgloriæa Spoletan. Diœcesis Ordinis Sancti Damiani Salutem, & Apostolicam Benedictionem.
Necessitatibus vestris paterno compatientes affectu, quod de usuris, rapinis, & aliis male acquisitis, si quibus horum restitutio fieri debeat, inveniri non possint; necnon de redemptionibus votorum auctoritate Diœcesanorum prius factis, Hierosolymitano dumtaxat excepto, usque ad summam ducentarum librarum Ravennaten.b monetæ recipere valeatis, auctoritate vobis præsentium indulgemus; si alias pro similium receptione non estis a Nobis hujusmodi gratiam consecutæ; ita quod voventes ad executionem hujusmodi, & alii ad restitutionem aliam faciendam eorum, quæ vobis contulerint, & per vos ipsis non fuerint restituta, minime teneantur; sed ad restituendum residuum acquisitorum taliter, si quod fuerit, remaneant nihilominus obligati. Nulli ergo omnino hominum liceat hanc paginam nostræ concessionis infringere, vel ei ausu temerario contraire. Si quis autem &c.
Datum Laterani vi. Jdus Decembris, Pontificatus Nostri Anno Primoc.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXXXIII., pp.93-94
-
(a) Monasterii Vallis gloriæ: De quo pluries actum est in to. 1. hujus Operis, ubi videas Hispellen. Monasterium; & in hoc to. sub die 20. Januarii hujus anni pag. 9.
-
(b) Librarum Ravennaten.: Cujus antiqui valoris calculum exhibere difficile est. Jo. Antonius Pintius de Monetis Ravennat. disserens cap. 5. docet hanc libram posterioribus temporibus ad duos Julios redactam esse; incertum tamen, an recte; sed nobis prope certum, diversam illam, altiorisque valoris a præsenti extitisse, uti alia ubique monetarum genera.
-
(c) Videantur aliæ hujus Pontificis litteræ Ex tenore &c. anno 1257. die 29. Januarii, & Exhibita nobis &c. Calend. Decembris scriptæ.