Description
-
Alexandre IV (1254-1261)
-
Ne legendi Parisiis in aliqua facultate copiam faciat iis, qui Bullæ incip. Quasi lignum: obtemperare noluerint. (Ex Boulæo Hist. Univers. Parisien. tom. 3. p. 293. & Bullario Ord. Prædicat. tom. 1. Bul. 48. Alexand. IV.)
-
Anno 1255. die 7. Decembris.
-
1255
-
ALEXANDER &c.
Dilecto filio ... Cancellario Parisien. Salutem, & Apostol. Benedictionem.
Licet Nos olim pro Studii Parisien. conservatione quædam circa Studium ipsum de Fratrum nostrorum consilio provide duxerimus ordinanda; prout in litteris nostris exinde confectis, quæ: Quasi lignum vitæa: incipiunt, plenius continetur: nonnulli tamen Magistri, & Scolares Parisien.b ordinationem ipsam, ut audivimus, observare non curant; immo in ipsius Studii perturbatione contra ipsam multipliciter moliuntur. Volentes igitur, ut præfata nostra ordinatio ab omnibus reverenter, & simpliciter observetur; discretioni tuæ per Apostolica scripta firmiter præcipiendo mandamus, quatenus regendi Parisius in aliqua facultate nemini licentiam tribuas, qui dictam ordinationem noluerit observare.
Datum Laterani vii. Idus Decembris, Pontificatus Nostri Anno Primoc.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXXXI., pp.92-93
-
(a) Quasi lignum vitæ: Ut supra ad diem 14. Aprilis hujus anni pag. 32.
-
(b) Nonnulli tamen Magistri, et Scolares Parisien.: Non igitur omnes, ut mentitur cit. Boulæus harum, aliarumque in hac causa litterarum subdolus commentator, ac interdum depravator.
-
(c) Aliquot lectionis varietates ex Boulæo utpote parvi momenti legi possunt apud cit. Bullarium O. P. Has porro litteras Pontifex iteravit anno 1257. die 7. Januarii, ut infra.