Description
-
Innocent IV (1243-1254)
-
Innocentii III. confirmationem compositionis inter Episcopum Tudertinum, & Abbatem S. Leucii super jure in Monasterium, & Ecclesias initæ videt, & annotari fecit pro S. Mariæ Montis Sancti
Tudertino Monasterio. (ExAuthographoin Archivo præfati Monasterii sub plumbo nuncS. Franciscinuncupati.) -
Anno 1252. die 9. Octobris.
-
1252
-
INNOCENTIUS &c.
Dilectis in Christo filiabus … Abbatissæ, & Sororibus Monasterii S. Mariæ Montis Sancti Tudertin. a Ordinis S. Damiani Salutem, & Apostolicam Benedictionem.
Litteras felicis recordationis Innocentii PP.b prædecessoris Nostri super confirmatione cujusdam ordinationis inter quondam .... Abbatem S. Leucii Tudertin. ex una parte, & bonæ memoriæc … Episcopum Tudertin. ex altera promulgatæ, quas vobis ad vestrorum conservationem jurium opportunas asseritis, diligenter vidimus, & earum tenorem Venerabilis Fratris Nostrid … Ostien. & Velletren. Episcopi precibus inclinati sub Bulla nostra de verbo ad verbum annotari fecimus, qui est talis.
“Innocentius Episcopus Servus Servorum Dei, dilecto filio … Abbati S. Leucii e Salutem, & Apostolicam Benedictionem. Inter te, ac Venerabilem Fratrem Nostrum … Episcopum Tudertin. super Episcopali jure, quod sibi tam in Monasterio tuo, quam in Capellis ipsius in judicio vendicabat, quæstione dudum exorta; post altercationes multiplices inter te, ac … Archidiaconum Tudertin. procuratorem suum hujusmodi compositio Nobis mediantibus intervenit: ut Monasterium ipsum omnino liberum haberetur, & ab Episcopali jurisdictione prorsus exemptum: in Capellis vero ipsius plenum Episcopale jus Tudertin. Episcopus obtineret. Verum cum super iis, quæ ad Episcopale jus pertinent in Capellis ipsis, tu eundem Episcopum postmodum molestares; & propter hoc tu, & ipse ad Nostram præsentiam venissetis; Nobis demum recognoscentibus taliter extitit ordinatum, ut institutio, ac ordinatio, & correctio Clericorum, consecratio Ecclesiarum, sacri Crismatis, & olei exhibitio, decimarum, & mortuariorum quarta, & annua procuratiof in hiis, quæ habent Parrochias secundum proprias facultates, cum ad eas causa visitationis accesserit, in prædictis Capellis pertineant ad Episcopum Tudertin., & ipsarum Ecclesiarum Prælati, postquam ab eo fuerint instituti, fidelitatis eidem exhibeant juramentum: Super aliis autem, quæ in Capellis ipsis consuevisti percipere, te dictus Episcopus non molestet. Ut igitur in perpetuum ordinatio supradicta de partium voluntate facta inviolabiliter observetur, Nos eandem auctoritate Apostolica confirmamus, & præsentis scripti patrocinio communimus; statuentes, ut nulli omnino hominum liceat hanc paginam nostræ confirmationis infringere, vel ei ausu temerario contraire &c. Dat. Laterani vi. Kal. Decembris Pontificatus Nostri Anno Duodecimo.”
Volumus autem per annotationem hujusmodi nullum acquiri vobis jus novum, sed conservari dumtaxat antiquum.
Dat. Perusii vii. Idus Octobris Pontificatus Nostri Anno Decimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDXXXVIII., p.631
-
(a) Montis Sancti Tudertin.: Ut in præcedenti epistola.
-
(b) Innocentii PP.: Hujus nominis
iii.ex argumento, & causa; cum sub Innocentioii.nondum Tuderti Præmonstratensis Ordo locum accepisset. -
(c) Bonæ memoriæ: Gratianum, qui anno 1179. interfuit Lateranensi Concilio iii. sub Alexandro
iii., feruntque sedisse annos 31. ex Ughello to. I. Italiæ sac. -
(d) Fratris nostri …: Raynaldi de Comitibus Ord. Minorum, & Clarissarum Protectoris.
-
(e) Abbati S. Leucii: Ordinis Præmonstraten. ut in superiori epistola.
-
(f) Procuratio: Idest hospitio, & conviviis exceptio.