Description
-
Innocent IV (1243-1254)
-
Eisdem, ut quibusdam auctoritatem tribuant exigendi usuras, & male ablata illorum, quibus restitutio facienda ignoratur, illaque Regi supradicto assignandi. (Ex Regesto Vatic. epist. 173. an. 10.)
-
Anno 1252. die 4. Octobris.
-
1252
-
INNOCENTIUS &c.
Venerabilibus Fratribus a … Carthaginen., & … Zamoren. Episcopis Salutem, & Apostolicam Benedictionem.
Carissimus in Christo &c.b Ut autem idem Rex in suo proposito laudabili Deo propitio valeat prosperari, præsentium vobis auctoritate committimus, quatenus aliquibus discretis Religiosis viris, vel Clericis Secularibus, quos dictus Rex vobis duxerit nominandos, concedatis auctoritate nostra plenariam potestatem, ut ipsi, & eorum quilibet, si qui usurarii, vel aliqui aliena illicite detinentes de Regnis Castellæ, ac Legionis pœnitentia ducti usuras, & sic ablata restituere voluerint, de quibus, cui restitui debeant, penitus ignoratur; si per Diæcesanos, & Presbyteros Parochiales ipsorum hoc publice propositoc in locis, in quibus viderint expedire, non apparuerint aliqui, quibus eorum restitutio debeatur; exigere, ac recipere valeant supradicta, assignaturi ea dicto Regi, cum ipse, vel ejus Vicarius iter arripere voluerint contra Sarracenos hujusmodi transfretandi. Illi vero, quibus hoc duxeritis committendum, quantitatem receptorum, & nomina eorum, a quibus, & quantum a quolibet receperint, nobis studeant suis litteris fideliter intimare; Non obstante Constitutione de duabus Dietis edita in Concilio Generali.d
Datum Perusii iv. Nonas Octobris, Pontificatus Nostri Anno Decimo.e
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDXXXVI., p.629
-
(a) Ven. Fratribus: Ut in superiori epistola.
-
(b) In Christo &c.: Ut in prædicta epistola.
-
(c) Publice proposito: Et sane prudenter, ne quidam simularent se non invenisse, quos nunquam quæsiverunt.
-
(d) In Concilio Generali: Lateranensi IV. anno 1215. habito cap. 37.
-
(e) Hanc epistolam citat & Raynaldus ad hunc annum n. 32.