« bullarium-franciscanum-787 »

INNOCENTIUS &c.

Dilectis in Christo Filiabus Abbatissæ Monasterii Sanctæ Mariæ de Casis a , ejusque Sororibus tam præsentibus, quam futuris regularem vitam professis in perpetuum Salutem, & Apostolicam Benedictionem.

Religiosam vitam eligentibus &c.b Eapropter, dilectæ in Christo filiæ, vestris justis postulationibus clementer annuimus, & Monasterium vestrum Sanctæ Mariæ de Casis Spoletanæ Diœcesis, in quo Divino estis obsequio mancipatæ &c.c Præterea quascumque possessiones, & quæcumque bona, quæ idem Monasterium in præsentiarum justè, & canonicè possidet, aut in futurum concessione Pontificum, largitione Regum, vel Principum, oblatione Fidelium, seu aliis justis modis præstante Domino poterit adipisci, firma vobis, vestrisque Successoribus, & illibata permaneant; in quibus hæc propriis duximus exprimenda vocabulis, locum ipsum, in quo præfatum Monasterium situm est, cum omnibus pertinentiis suis; medietatem Rocchæ Accarini cum Terris, redditibus, pratis, pascuis, & omnibus ad medietatem ipsius Rocchæ pertinentibus. Medietatem unius Molendini positi in Territorio Rocchæ ejusdem cum omnibus ad medietatem ipsius Hospitalis pertinentibus. Medietatem Vallis Wituri cum omnibus pertinentiis suis. Medietatem Terrarum, quæ sunt in loco, qui dicitur Podius Cascius, Collis de Oplo, Vallis Gallæ, & Sustian., Tertiam partem Terrarum, vinearum, & hortorum, qui sunt in loco, qui dicitur Collis Sancti Secundi. Tertiam partem Terræ, & vineæ Vallis Sortiani; Campum, quem habetis in loco, qui dicitur Cailus. Quidquid habetis in Castris, quæ Turris-Renatæ, & Furca Milonis vocantur. Tertiam partem Castri, quod vocatur Planecze cum omnibus pertinentiis suis. Quidquid habetis in locis, qui Vallis Farneti, & Cuscingnanus vulgariter appellantur. Medietatem omnium possessionum, quæ sunt in loco Ariginis de Tina cum Terris, vineis, pratis, nemoribus, usuagiis, & pascuis in Bosco, & plano, in aquis, & Molendinis, in viis, & semitis, & omnibus aliis libertatibus, & immunitatibus suis. Liceat quoque vobis personas liberas, & absolutas &c.d Præterea omnes libertates, & immunitates, quas Monasterio vestro Venerabilis Frater noster Episcopus, & dilecti Filii Capitulum Spoletanum indulsisse dignoscitur, sicut in eorum litteris plenius continetur, auctoritate Apostolica confirmamus, & præsentis Scripti privilegio communimus. Tenorem autem ipsarum litterarum præsenti privilegio inseri fecimus, qui talis est.

“Bartholomæus Dei gratia vocatus Episcopuse, & Capitulum Spoletanum Dilectis in Christo Filiabus Johannæ Abbatissæ, & Monialibus Monasterii Sanctæ Mariæ de Casis Ordinis Sancti Damiani in Domino Jesu Christo salutem. Ut in Ordine vestro possitis Domino liberè famulari, & pro peccatoribus intercedere apud Dominum Jesum Christum, a Nobis exemptionis gratiam humiliter postulastis: Nos igitur piæ vestræ petitioni annuentes benignè, personas vestras, & Monasterium memoratum cum servientibus vestris ibidem commorantibus, & cum horto, & adjacentiis ipsius Monasterii, & possessionibus, quas circa ipsum præsentialiter possidetis, ab omni jure Episcopali, & cujuslibet conditionis obligatione liberamus, & eximimus; nihil aliud Nobis, & Ecclesiæ Spoletanæ in eisdem, nisi mediam libram ceræ pro censu reservantes in festo Assumptionis B. Mariæ annis singulis persolvendam. Consecrationes Altarium, & Ecclesiæ, benedictionem Monialium, si Nos, & Successores Nostri ea gratis impendere voluerimus, reservamus; & cum transitum in Partes illas faciemus, Campanas Monasterii in signum reverentiæ faciatis pulsari honorificè, sicut decet. Nulli ergo omnino hominum liceat hanc paginam nostræ exemptionis, & concessionis infringere, vel ei ausu temerario contraire. Si quis autem hoc attentare præsumpserit, indignationem Omnipotentis Dei, & BB. Petri, & Pauli Apostolorum ejus se noverit incursurum. Datum Spoleti Anno Domini Mccl. tempore Domini Innocentii Papæ IV. Pridie Nonas Martii, Indictione ix. Ego Bartholomæus Episcopus Spoletanus subscripsi. Ego Raynaldus de Orsello Prior Sancti Felicis de Narco Canonicus Spoletan. subscripsi. Ego Presbyter Leonardus Canonicus Spoletanus subscripsi. Ego Andreas Sanctorum Apostolorum Prior, Canonicus Spoletanus subscripsi. Ego Donnus Savinus Canonicus Spoletanus subscripsi.” Ad indicium autem hujus perceptæ libertatis a Sede Apostolica unam libram ceræ Nobis, Nostrisque Successoribus annis singulis persolvetis. Decernimus ergo, ut nulli omnino hominum liceat prædictum Monasterium temerè perturbare &c.f

Datum Perusii per manum Guillelmi Magistri scholarum Parmen. Sanctæ Romanæ Ecclesiæ Vice-cancellarii vi. Kalendas Junii Indictione x. Incarnationis Dominicæ Mcclii. Pontificatus verò Domini Innocentii Papæ IV. Anno Nono.

Ego Innocentius Catholicæ Ecclesiæ Episcopus subscripsi.

Ego Raynaldus Ostiensis, & Velletrensis Episcopus subscripsi.

Ego Petrus Sabinensis Episcopus subscripsi.

Ego Jacobus Portuensis, & sanctæ Rufinæ Episcopus subscripsi.

Ego Stephanus sanctæ Mariæ Transtyberim Tituli sancti Calixti Presbyter Cardinalis subscripsi.

Ego Frater Joannes Tituli sancti Laurentii in Lucina Presbyter Cardinalis subscripsi.

Ego Petrus sancti Georgii ad velum aureum Diac. Cardinalis subscripsi.

Ego Willelmus sancti Eustachii Diaconus Cardinalis subscripsi.

Ego Ottobonus sancti Adriani Diaconus Cardinalis subscripsi.