Description
-
Innocent IV (1243-1254)
-
Significat se mandasse Archiepiscopo Pisano restitutionem Ecclesiæ SS. Trinitatis Fratribus Minoribus; quod si ille neglexerit, ipsi executioni incumbere jubentur. (Ex Archivo Conventus S. Francisci Pisarum, & inde apud Histor. Provin. Tusc. Minoriticam P. M. Nuti MS.)
-
Anno 1247. die 19. Augusti.
-
1247
-
INNOCENTIUS &c.
Dilectis Filiis Abbati Sancti Zenonis, a Sancti Sixti, & Sancti Pauli de Horto Ecclesiarum Prioribus Salutem, & Apostolicam Benedictionem.
Meminimus olim Venerabili Fratri nostro Archiepiscopo Pisano Nostris dedisse Litterisb in mandatis, ut Ecclesiam Sanctæ Trinitatis, quam bonæ memoriæ Cælestinus Papa Prædecessor noster, tunc Tituli Sancti Marci Presbyter Cardinalis in Thusciæ partibus Apostolicæ Sedis Legatus contulit Fratribus Minoribus apud Pisas: cum Nos postmodum collationem hujusmodi gratam habentes eam duxerimus confirmandam; restitueret Fratribus supradictis; sed idem, pro ut accepimus, mandatis nostris penitus obauditis, id efficere non curavit; propter quod sibi iterato litteris nostrisc mandavimus, ut præfatam Ecclesiam sine difficultate qualibet restitueret eisdem Fratribus juxta priorum continentiam litterarum; sed & id ea occasione, quod dicti Fratres sibi eamdem Ecclesiam, ut dicitur, commendarant, facere omisit. Ideòque præfato Archiepiscopo injungimusd, ut præfatam Ecclesiam eisdem Fratribus saltèm hac vice ob reverentiam Apostolicæ Sedis, & Nostram restituens Odmundo Presbytero, cui dictam Ecclesiam dicitur contulisse, provideat in sua Civitate, vel Diœcesi de Beneficio Ecclesiastico competenti. Quocirca discretioni vestræ de utriusque partis Procuratorum assensue … quatenus si præfatus Archiep. mandatum nostrum neglexerit adimplere; vos de præmissis, sive .... si vobis constiterit ita esse, præfatam Ecclesiam restitui faciatis Fratribusf .... appellatione postposita, compescendo. Quod si non omnes his exequendis potueritis interesse, unus, vel duo, aut alter vestrum exequatur.
Datum Lugduni xiv. Kalendas Septembris, Pontificatus Nostri Anno Quinto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXXXIV., p.487
-
(a) Abbati S. Zenonis: Cujus Monasterii Ordinis S. Benedicti meminit quidem Mabillonius in Annal. Benedict. lib. 58. ad annum 1039. n. 12., sed tam parce, ut vix nomen referat; erat autem Congregationis
Camaldulen.ex Bulla 44. Alexandri IV. anno 1258. die 23. Julii eidem Congregationi missa, & in tom. 3. Bullarii Rom. Cocquelines evulgata. -
(b) Litteris: Anno 1244. die 17. Junii, ut in præcedenti, Quia personas &c.
-
(c) Litteris nostris: Eodem anno 1244. die 24. Septembr.
-
(d) Injungimus: Per superiorem epistolam datam hoc anno 1247. die 9. Augusti.
-
(e) De utriusque partis Procuratorum assensu ‥: Ex his eruitur, rem in contentionem venisse, & in foro juridico decidendam fuisse; cum enim codex pluribus scateat lacunis, factum non prorsus aperte percipi potest.
-
(f) Fratribus …: Supple: Contradictores, si qui fuerint.