Description
-
Innocent IV (1243-1254)
-
Facultatem impertitur absolvendi Collectores Pontificios ab excommunicatione, si quam incurrissent in eo officio pro Imperio Constantinopolitano. (Ex Authographo In Assisiat. Sac. Conventus S. Francisci Archivo.)
-
Anno 1246. die 5. Februarii.
-
1246
-
INNOCENTIUS &c.
Dilecto Filio Ministro Provinciali Fratrum Minorum in Portugallia a Salutem, & Apostolicam Benedictionem.
Cum ea, quæ Imperio Constantinopolitanob a Sede Apostolica sunt concessa, tam per Ecclesiarum Prælatos, quam per te, & Fratres tui Ordinisc in Portugalliæ partibus mandaverimus colligendad; statuentes, ut si qui hiis scienter fraudem commiserint, ipso facto sententiam excommunicationis incurrant; Nos volentes, ut quo liberius, eo melius commissum tibi super hoc negotium exequaris; absolvendi tales, & etiam illos, qui aliquo modo propter hoc excommunicati fuerint; dummodo tibi, seu dictis Fratribus pro dicto Imperio super hoc congruam satisfactionem impenderint, liberam tibi, & eisdem Fratribus concedimus auctoritate præsentium facultatem.
Datum Lugduni Nonis Februarii, Pontificatus Nostri Anno Tertio.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXXVI., pp.-410
-
(a) In Portugallia: Quæ pars erat Provinciæ S. Jacobi tres Custodias complectens ex veteri Provinciali Ordinis apud Barthol. Pisanum in Conform. xi.
-
(b) Imperio Constantinopolitano. A Schismaticis Græcis, qui illud armis potenter sibi asserebant, vindicando.
-
(c) Per te, et Fratres tui Ordinis: Quod & factum est in pluribus aliis Regnis, & Provinciis. Videatur epistola
Per tuas litteras &c.anno 1243. die 17. SeptembrisRoberto de CollivilOrd. Min. scripta, & altera Officiali, & Priori S. Nicolai Ebroicen. die 7. Augusti directa. -
(d) Mandaverimus colligenda: Quæ commissionis litteræ non extant evulgatæ.