Description
-
Innocent IV (1243-1254)
-
Facultatem impertitur capiendi, carceri addicendi, aliisve pœnis coercendi Apostatas Ordinis per se, vel per alios. (Ex
ArchivisConventuum Sancti Francisci Bononiensis Civitatis Italiæ, Constantiensis in Svevia, & Modoetiensis in Insubria.) -
Anno 1244. die 5. Augusti.
-
1244
-
INNOCENTIUS &c.
Dilectis filiis Generali Ministro a , & aliis Fratribus Ordinis Fratrum Minorum Salutem, & Apostolicam Benedictionem.
Devotionis vestræ precibus benignum impertientes assensum capiendi, ligandi, incarcerandi, & aliàs subdendi disciplinæ rigori Apostatas vestri Ordinis per vos, & etiam alios, si necesse fuerit, in quocumque habitu eos contigerit inveniri, plenam vobis concedimus auctoritate præsentium facultatem. Nulli ergo omnino hominum liceat hanc paginam nostræ concessionis infringere, vel ei ausu temerario contraire. Si quis autem hoc attentare præsumpserit, indignationem Omnipotentis Dei, & Beatorum Petri, & Pauli Apostolorum ejus se noverit incursurum.
Datum Januæ Nonis Augusti Pontificatus Nostri Anno Secundob.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°LXVI., pp.-350
-
(a) Generali Ministro: Haymoni Anglo hoc anno mortuo mense tamen incerto, sed ante Octobrem.
-
(b) Idem privilegium diversis tamen verbis iteravit Pontifex anno 1246. die 7. Februarii, & 1250. die 24. Aprilis per litteras incip.
Provisionis nostræ &c.ab Alexandro IV. confirmatas utroque tenore anno 1255. die 15. Julii, & 1259. die 17. Septembr. Has vero Innocentii memorat vetus auctor Barthol. Pisanus Conform. ix. in expositione 2. capitis Regulæ Fratrum Minorum.
Informations
Document
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 151901 (bullarium-franciscanum-441), http://telma.irht.cnrs.fr/chartes/en/bullarium-franciscanum/notice/151901 (mise à jour : 15/12/2020).