Description
-
Innocent IV (1243-1254)
-
Ut bona Monasterii S. Mariæ Montis Lucis contra inhibitionem Pontificiam alienata revocare ad jus Monasterii procuret; & alienationem in posterum prohibeat. (Ex Authographo in Archivo prædicti Monasterii.)
-
Anno 1244. die 20. Maji.
-
1244
-
INNOCENTIUS &c.
Venerabili Fratri Episcopo Perusii a Salutem, & Apostolicam Benedictionem.
Cum, sicut accepimus, dilectæ in Christo Filiæ Abbatissa, & Conventus Monialium Sanctæ Mariæ Montis Lucisb Perusii Ordinis Sancti Damiani contra prohibitionem felicis record. Gregorii Papæc prædecessoris nostri aliqua de bonis ejusdem Monasterii alienare præsumpserint in ipsius non modicam læsionem, Fraternitati tuæ per Apostolica scripta mandamus, quatenus ea, quæ de bonis prædictis taliter alienata inveneris, vel distracta, ad jus, & proprietatem ejusdem Monasterii legitimè revocare procures, injungens prędictis Abbatissæ, & Conventui auctoritate Nostra, ut similia de cętero non attemptent: Contradictores per censuram Ecclesiasticam, appellatione postposita, compescendo.
Datum Laterani xiii. Kalendas Junii Pontificatus Nostri Anno Primo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XLIV., p.341
-
(a) Episcopo Perusii: Benedicto, vel Beneaudito, de quo Ughellus tom. I. Ital. sac. in Perusin. Episc.
-
(b) Monialium S. Mariæ Montis lucis: De quibus in pluribus aliis Epistolis Pontificiis supra relatis actum est.
-
(c) Prohibitionem fel. record. Gregorii Papæ; Factam per litteras Statum Monasterii vestri &c. anno 1239. die 13. Martii scriptas.