Description
-
Grégoire IX (1227-1241)
-
Ut Fratres Minores in quibusdam casibus Monialium Claustra ingredi possint. (Regest. Vatican. epist. 68. Archivum Ord. apud SS. Apostolos, & Waddingus in Regesto Pontif. num. 36., ac Rodericus Bul. 13.)
-
Anno 1241. die 31. Maii.
-
1241
-
GREGORIUS &c.
Dilectis filiabus universis Abbatissis, & Monialibus inclusis a Monasteriorum Ordinis Sancti Damiani Salutem, & Apostolicam Benedictionem.
Vestris piis supplicationibus inclinati Fratribus Minoribus, qui Monasteriorum vestrorum obsequiis deputantur, ut pro exercendo Monasteriorum ipsorum opere, vel illis conservandis ab incendio, seu a latronibus defendendis; ac ut Frater Presbyter cum uno Fratrum ipsorum Clerico maturo moribus, & ætate pro audiendis Confessionibus vestris, & extrema Unctione, ac aliis Sacramentis Ecclesiasticis exhibendis vobis, infirmitate cogente, ac sepeliendis corporibus Sororum decedentium, Monasteria ipsa secundum formam, quæ in Regula vestrab noscitur contineri, ingredi valeant, liberam concedimus auctoritate præsentium facultatem.
Datum Laterani ii. Kal. Juniic Pontificatus Nostri Anno Decimoquintod.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXL., p.295
-
(a) Monialibus inclusis: Ita vocatis ad discrimen antiquarum Monialium, quæ minime ex earum Regula claustro, seu
Clausurætenebantur. -
(b) In Regula vestra: Ab ipsomet Pontifice, cum esset Episcopus Ostiensis, & Ordinis Min. Protector, tradita §.
de Capellano. -
(c) ii. Kalendas Junii: Petrus de Alva, & Astorga in Indic. Bull. Seraph. ait hoc diploma datum esse etiam nonis Junii, & Kalendis Julii; sed & Rodericus in
BullarioApostol. Regul. tom. I. Bull. 13. habet dat. die 17. Julii, at mendum creditur; in Firmamentis trium Ordinum part. 2. tract. 2. fol. 34. extat dat. sexto nonas Julii. -
(d) Eamdem Constitutionem Alexander IV. anno 1258. contulit Monasterio S. Mariæ de Campo Martio Veronensi.