« bullarium-franciscanum-349 »

Document | bullarium-franciscanum/notice/151809
plus d'informations

Description

  •  
    Grégoire IX (1227-1241)
  •  
    Jubet, ut subveniatur Joanni de Valenzenis in subsidium Imperii Constantinopolitani laboranti. (Ex Regesto Vatican. epist. 173., & Waddingo in Regesto Pontif. num. 24.)
  •  
    Anno 1240. die 20. Novembris.
  •  
    1240

  •  

    GREGORIUS &c.

    Dilectis filiis Priori Prædicatorum, & Minorum Fratrum Provincialibus in Francia Salutem, & Apostolicam Benedictionem.

    Cum dilectus filius Joannes de Valenzenisa pro negotiis Constantinopolitani Imperii apud Sedem Apostolicam in Francia, & alibi utiliter procurandis non modicum fideliter laboravit; ac in ipsius Imperii subsidium multa de bonis suis expenderit; mandamus, quatenus in ducentis Marcisb argenti de Legatis, & redemptionibus Crucesignatorum, quæ per vos pro dicto subsidio mandavimus colligi; quocumque mandato contrario non obstante, dicto Joanni providere curetisc.

    Datum Laterani xii. Kal. Decembris Pontificatus Nostri Anno Decimoquarto.
  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXX., p.285
  •  
    (a) De Valenzenis: Valentiana, & Valentiniana Latinis urbs olim Nerviorum, nunc vero Belgii inter Cameracum, & Montes ad fluvium Scaldam Hannoniæ post Montes primaria.
  •  
    (b) Marcis: Quarum valor varius erat pro varietate locorum, & temporum; ut legere est apud Carolum Fresnen. Dom. Cangii in Glossario mediæ, & infimæ latinitatis: alioquin duæ marchæ constituebant libram.
  •  
    (c) Curetis: Hic Joannes factus est posthac Dominus Cayphæ al. Porphyrii Civitatis Phœniciæ ex epistolis Urbani IV. anno 1264. Ægidio Archiepiscopo Tyrensi scriptis apud Martene &c. tom. 2. Thesauri Anecdot. num. 19. & 20. epist. Gregorii IX.

Informations

Document
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 151809 (bullarium-franciscanum-349), http://telma.irht.cnrs.fr/chartes/en/bullarium-franciscanum/notice/151809 (mise à jour : 15/12/2020).
http://telma.irht.cnrs.fr/chartes/en/bullarium-franciscanum/notice/151809
bullarium-franciscanum/notice/151809
XML  JSON