Description
-
Grégoire IX (1227-1241)
-
Committit Episcopo Aretino, ut quædam retenta Fratribus restitui faciat; & eisdem in alio loco Ecclesiam ædificare volentibus primarium lapidem concedat. (Ex Archivo Conventus S. Francisci Urbis Aretinæ.)
-
Anno 1232. die 26. Octobris.
-
1232
-
GREGORIUS &c.
Venerabili Fratri Episcopo Aretino a Salutem, & Apostolicam Benedictionem.
Ad audientiam nostram noveris pervenisse, quod cum dilecti filii Fratres Minores a loco illob, quem Stephanus Civis Aretinus olim ipsis concesserat, ad locum alium, qui Mons Solis c dicitur, ex causa se necessaria transtulissent; idem Civis quamdam Planetamd, Libros, & alia bona Fratrum ipsorum in eleemosynam eis data pro suæ voluntatis arbitrio detinere præsumit, & reddere contradicite. Ideoque Fraternitati tuæ per Apostolica Scripta mandamus, quatenus dictum Civem diligenter moneas, & inducas, ut prædictis Fratribus eidem restituentibus, si quid habent de bonis ipsius, ob reverentiam Divinam, & nostram restituat sic detenta. Et eisdem Fratribus Ecclesiam in secundo locof ædificare volentibus primarium lapidem sine difficultate concedens, ad locum ipsum personaliter, cum ab ipsis fueris requisitus, accedas propositurus ibidem populo verbum Deig ad hoc specialiter convocato; Monendo populum ipsum diligentiùs, & hortando, ut in ædificiis, & aliis necessariis præscriptos Fratres habeant propensiùs commendatas. Mandatum nostrum ita ex animo efficaciter exequaris, quod præter retributionem æternam, quam tibi exinde comparabis, a Nobis merito commenderis.
Datum Anagniæ vii. Kal. Novembris, Pontificatus Nostri Anno Sexto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°LXXXII., p.89
-
(a) Episcopo Aretino: Gregorio, de quo Ughellus tom. I. Ital. sac. in Episc. Aretin. n. 61.
-
(b) A loco illo: Anno 1211. S. P. Francisco concesso; ut ex antiquis Scriptoribus refert Waddingus ad eum annum num. 15.
-
(c) Mons Solis: Conventus Montis de Solo memoratur ad ann. 1312. in quadam charta interpellationis ab eo, & ab illo Asciani interpositæ contra Inquisitorem hæreticæ pravitatis in Tuscia, quæ asservatur Florentiæ in Tabulario Conventus S. Crucis Minor. Convent., in eaque dicitur Custodiæ Senensis: cum tamen neque in Provinciali Ordinis circa ann. 1340. edito apud Polychronicon, neque apud Pisanum anno 1387. scribentem inveniatur; conjicitur aliquo infortunio periisse, vel
Clarenorumextitisse, aliumque esse ab istoMontis Solis, qui videtur extitisse prope Aretium; ex quo intra urbem anno 1290. Fratres Minores introducti sunt ad locum, quem hucusque retinent ex monumentis memorati Conventus S. Francisci, non autem anno 1232., uti scripsit Waddingus ad eum annum num. 42. -
(d) Planetam: Al. Casulam pro sacrificio Missæ necessariam vestem.
-
(e) Contradicit: Et ratio contradicendi creditur, quod ille noluisset, Fratres primum locum deserere; cum tamen id necessitate factum asseratur.
-
(f) In secundo loco: Mons solis dicto; & modo aut paucis, aut nulli cognito, nomine forsan cum tempore mutato.
-
(g) Verbum Dei: Juxta morem veterem habendæ concionis in ædificatione Templi.