Description
-
Grégoire IX (1227-1241)
-
Concedit infrascriptis posse sibi construere Monasteria
de suorum tamen Episcoporum licentia, & sine juris alieni præjudicio. (Ex Vatic. Regesto Pontif. Epist. 112. an. 6.) -
Anno 1232. die 6. Octobris.
-
1232
-
GREGORIUS &c.
Dilectis filiis .... Præposito, & Sororibus Pœnitentibus Sanctæ Mariæ Magdalenæ a in Alemania b Salutem, & Apostolicam Benedictionem.
Gerentes illius vices in terris, qui posuit animam pro suis ovibus, ut redderentur a lupi rapacis insidiis expiatæ, & antiqui hostis versutiis expeditæ, supra gregem Dominicum sagaci studio, & oculo perspicaci animosiùs vigilamus; ut reducti ad laudem Divini nominis excolendam roborentur in suæ constantiæ firmitate, ac a via veritatis errantes resumptis suæ mentis oculis ad æquitatis veræ semitam reducantur. Cum igitur, abnegatis hujus mundi vanitatibus, elegeritis sub regulari habitu c Domino famulari; & Ordinis vestri nova plantatiod rore cœlestis gratiæ irrigata susceperit, & suscipiat assidua incrementa; ut fructus proferatis in gratia, & gustantium labia quasi nectaris saporata dulcedine amplius, & peramplius materiam laudis assumptam exitu meliori concludant. Nos devotionis vestræ zelum favore benevolo prosequentes præsentium vobis auctoritate concedimus, quatenus in locis illis, quæ poteritis ex pia concessione Fidelium adipisci, salvis Apostolicæ Sedis privilegiis, Monasteria liberè construatis de Diœcesanorum Episcoporum licentia, & sine juris præjudicio alieni. Nulli ergo omnino hominum liceat hanc paginam nostræ concessionis infringere, vel ei ausu temerario contraire. Si quis autem hoc attentare præsumpserit, indignationem Omnipotentis Dei, & Beatorum Petri, & Pauli Apostolorum ejus se noverit incursurum.
Datum Anagniæ ii. Nonas Octobris Pontificatus Nostri Anno Sextoe.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°LXXIV., pp.83-84
-
(a) Poenitentibus S. Mariæ Magdalenæ: Etsi Ordo iste institutum S. Augustini profiteretur; quia tamen non defuerunt, qui Minoritis ejus originem adscriberent videlicet BB.
Joanni MaguntinoCœnobii Spirensis Præfecto, ibique anno 1245. defuncto, & Colino Provinciæ Argentinæ, seu Alemaniæ superioris Ministro circa idem tempus in eo Cœnobio humato, de quibus, eorumque vita miraculorum gloria illustri agit in Annal. Min. Waddingus ad eum annum n. 22. & 23., idcirco in hoc Opere Constitutionem istam inserere voluimus: nam & Pœnitentium Mulierum S. Mariæ Magdalenæ Monasterium Neapoli pro fœminis prostitutis a peccato resipiscentibus anno 1324., seu anno 1342. inchoatum asseritur aRegina Sancia, & ejus ConfessarioFr. Philippo de AquerioGallo Ordinis Minorum sub RegulaS. Augustini; & tamen ibi, & aliis in locis veste cinericia, & chorda Minoritica utuntur. Eodem xiii. seculo in Gallia prope Massiliam incœpit Ordo Fratrum de Pœnitentia Jesu Christi circa ann. 1250. per B. Hugonem de Digna Ordinis Minorum; & paulo post Bononiæ in Italia alterFratrum Militiæ B. Virginis MariæoperaFr. RufiniPlacentini Ministri FF. Minorum Provinciæ Bononiæ, & postea Pœnitentiarii Pontificii, uterque InstitutumS. Augustiniprofessus: de quibus alibi erit fusior disserendi locus. Similiter Hospitale Pragense a B. Agnete Clarissa erectum in honorem S. Francisci Regulam S. Augustini servabat jussu Gregorii IX. ex ejus diplomate Omnipotens Deus &c. anno 1237. die 14. Aprilis edito. -
(b) In Alemania: Et præcipue Spiræ in Palatinatu Reni seu superiore exdictis, & infra mox dicendis.
-
(c) Sub Regulari habitu: S. Augustini, ut dictum est & ex Auctoribus, qui de his
Pœnitentibusegerunt. -
(d) Ordinis vestri nova plantatio: Non ita tamen, quin aliquo tempore antea extiterit; cum subdatur: susceperit, & suscipiat assidua incrementa. Hinc exploditur assertum Nicolai Cruzenii in Monastico August., eumque sequuti Cangii in
Glossariomed. & inf. Latin. u. de Pœnitentia S. Marlæ Magdal. Ordo, Massiliæ anno 1272. aut 1277. per Bertrandum civem Massilien. hunc Ordinem fundatum fuisse: id enim Massiliæ in Gallia factum admitti potest, sed multo antea florebat in Germania ex his litteris. -
(e) His Sororibus Pœnitentibus Pontifex postridie indulsit, ut Ecclesias eis liberaliter oblatas recipere, & retinere possent per litteras incip. Devotionis vestræ zelum &c. Dat. Anagniæ nonis Octobris anno vi., & sequenti die, ne quibusdam litteris Apostolicis de earum Ordine non facta mentione respondere tenerentur; & ne quisquam in eas sine rationabili causa excommunicationis sententiam ferre auderet litteris incip.
Quieti vestræ &c.dat. ibidem viii. Idus Octobis anno vi. ex Regesto Vatic. epist. 114. & 113.; anno autem 1237. die 10. Februarii per alias Qua innocentia vitæ &c. dat. Interamnæ iv. Idus Februarii anno decimo Generalem Præpositum eis constituit Magistrum Stephanum S. Trinitatis Spiren. Canonicum ex cit. Regesto Vatic. epist. 382., data universis Priorissis, & Conventibus Consororum Pœnitentium S. Mariæ Magdalenæ in Alemannia: lucet igitur plures Conventus eas habuisse; sed præcipuum videriSpirensem; ut paulo ante dictum est; & ibi forsan incœpisse.