Stephanus, comte de Bourgogne, a donné à l'abbaye de Cîteaux deux montées de sel à prendre sur le puits de Lons-le-Saunier.

Quoniam scripturę tenor rei sibi commisse veritatem inmutabiliter custodit et recitat ea ratione legentibus et audientibus per hanc scripturam notifico quod ego Stephanus comes Burgundię pro remedio animę meę et animarum patris et matris meę et omnium seniorum meorum pro salute etiam mea et meorum assensu et laude uxoris meę Joete et filii mei Stephani dedi ecclesię Cisterciensi et fratribus ibidem Deo servientibus in puteo Ledonii de muria ad me pertinente singulis septimanis duas monteas perpetuo in pace possidendas. Et quia duarum montearum sal tante domui non sufficeret concessi ut quandocumque et quomodocumque duas alias monteas poterint adquirere liberam adquirendi facultatem habeant quia inquantum ad me pertinet laudavi et ne tunc temporis aliquid successores mei ab eis pro laude requirant prohibui. Preterea fundum unius baerne quem a Johanne Barun et uxore eius Sicilia et Duranno genero eorum adquisierunt laudavi eis et concessi. Donavi etiam predictis fratribus ut per omnem terram meam et per aquas res proprias libere portent et ducant, vendant et necessaria emant absque pedagio, venta et eminagio et omni alia exactione. Hominem autem unum Giroldum nomine cum omnibus heredibus suis et omni possessione sua liberum et emancipatum ab omni costuma eis tradidi. Hęc omnia fratribus Cisterciensibus libere donavi et contra omnes qui super his eos inquietare temptaverint me successoresque meos omni tempore fidelem garandiam ferre promisi. Et quia ipsi in fraternitate et beneficiis Cisterciensis ordinis me receperunt non solum hęc supradicta sed et universa quę eorum sunt ut fratrum meorum in omni loco dominationis meę fideliter conservanda suscepi ad repellenda vero universarum calumpniarum iacula per presentem cartam sigilli mei patrocinio subscriptorumque testimonio munitam posteritati meę rei huius fidem facio et ne unquam meam hanc donationem infringere et helemosinę meę fructu spoliare me presumat auctoritate qua possum contradico. Actum est primum apud Aussonam anno ab Incarnatione Domini Mo Co LXXo IIo Vo nonas octobris in manu Addonis cellerarii Cisterciensis, Johannes de Ladona coram Roberto priore Vergiaci, Guillermo priore Sancti Sequani, Arpino medico, Guidone de Arlai, Humberto de Paerna, Hugone de Veilai preposito Aussone, Bisuntio de Ponteiligr, Petro Braibenceun, Petro Crasso, Galterio Rege, Galterio et Hugone de Flandris. Incrastinum veni Divionem et inpresentia Hugonis ducis Burgundię hec me dedisse ęcclesię Cisterciensi recognovi et confirmavi et ut presens scriptum auctoritate sigilli sui roboraret obtinui presente comite Mastisconensi Girardo fratre meo qui hoc laudavit in manu ducis et concessit. Eodem mense veni Ledonium et super puteum investire feci de duabus monteis Johannem monachum Cisterciensem et Leodegarium conversum laude et concessu famulorum meorum et famulorum fratris mei quorum nomina in testimonium subscripta sunt : Humbertus de Sancto Desiderato, Humbertus de Paerna, Petrus Larret prepositus, Petrus Crassus, Johannes Morez, Pontius Chevals, Giroldus Acelina, Durannus Encalcearz, Bovo Limanourirs, Guido Renoldus, Albericus Varencheuns, Guido Argenz, Arembertus, Lambertus Spado, Gaegnator, Giroldus, Wicardus pellifices et alii multi.

« Mastisconensi » : le scribe a pointé le premier « s » et a inscrit le second en interligne, indiquant son erreur. Le mot « cistercien » ou « de Cîteaux » étant toujours abrégé « Cist », nous avons choisi de le développer en « cisterciensis ». Numéro CBMA : 19046

Rey Coraline

A. Original, Lons-le-Saunier, AD Jura, 17 H 22. — B. Copie XIIIe siècle, cartulaire 166, f. 133r-v, n° 4. — C. Copie XIIIe siècle, cartulaire 167, f. 68v, n° 10. — D. Copie XVe siècle, cartulaire 193, f. 200v. — INDIQ.: Petit, Ducs capétiens, II, n° 545. (original)