ASSOCIATION DU COMTE DE SANCERRE DANS LA JOUISSANCE DE LA TERRE DE PONNESSANT, PAR L’ABBÉ DE SAINT-GERMAIN. Par la charte ci-après, le comte de Sancerre est associé dans la jouissance de la terre de Ponnessant; il percevra la moitié des revenus de ce qui appartient à l’abbaye qui partagera également avec lui dans ses propres possessions. Les officiers de la terre seront communs aux deux parties; etc.

In nomine sancte et individue Trinitatis, notum sit omnibus, tam presentibus quam futuris quod Humbaudus, ecclesie Sancti-Germani Autissiodorensis venerabilis abbas, et ejusdem ecclesie capitulum, comiti Stephano Sacricesaris, potestatem Pontis-Nascentis communicaverunt, ita scilicet quod in omnibus ad predictam ecclesiam pertinentibus medietatem predictus comes habebit. Quicquid vero ipse vel heredes ejus in predicta potestate, empcione vel edificio, vel alio quocumque modo adquisierit, propriis sumptibus faciet, et monachi medietatem habebunt. In edificiis eciam proprios sumptus usque ad fructus percipiendos comes impendet. Cum vero fructus perceperint, communiter deinceps mittent et communiter accipient. Utrorumque vero est ut, ubicumque voluerint, propriam sibi edificent mansionem. Servientes autem, sive ministri predicte potestatis communiter utrimque mittentur et communiter utrique parti fidelitatem facient et justiciam utrique debebunt. Quicquid vero pro balliis ministri dederint, commune erit, et quicquid de redditibus, sive de forisfactis seu de justicia, quocunque modo habuerint, similiter commune erit. Si quid denique ministri defraudaverint, vel ad justiciam abbatis seu capituli subterfugerint, predictus comes ex quo exinde conventus fuerit infra quadraginta dies restitui faciet. Sciendum preterea quod sepedictus comes Stephanus, vel heredes ejus, predictam potestatem alicui dare vel de manu sua alienare nullo modo poterunt, nisi forte predicte ecclesie Beati-Germani darent in elemosinam quin communicationem istam ille qui dominus fuerit Firmitatis-de-Loperia semper optineat. Hoc autem ut ratum et firmum haberetur, idem comes se ita fideliter observaturum, in capitulo Sancti-Germani, juravit, et heredes suos qui presignatam Firmitatem obtinuerint similiter juraturos concessit. Hujus rei testes sunt ex utraque parte XXXIII in carta conscripti. Actum est hoc, anno Incarnationis dominice Mº Cº LXXº VIº, publice, apud Autissiodorum, in capitulo Sancti-Germani.

Numéro CBMA : 8423

Auxerre, BM, cartulaire de Saint-Germain (anc. n. 140), fol. 84, r. n. 1 (cartulaire)