GERALDUS EPISCOPUS IN GRATIAM RATBERTI NOBILIS VASSALLI CONCEDIT DECIMAS CAPELLE SANCTI STEPHANI QUAM SUBJICIT VICO SANCTI MARTINI. Geraldus, évêque de Mâcon, à la demande de Ratbertus, son fidèle, concède les dîmes de plusieurs villae à une chapelle Saint-Etienne située dans le vicus Saint-Martin.

Opitulante gratia eterni Dei, cum resideret religiosissimus et piissimus antistes Geraldus in sancto synodo, singulis causis ad cultum et honorem sancte Dei ecclesie pertinentibus, finem et modum imponens inter cetera judicia discutienda, deprecatio cujusdam nobilissimi vassalli Ratberti ejus oblata est sublimitatis presentie. Siquidem deprecabatur ipse Ratbertus domnum antistitem quatenus capelle ejus que est in honore Sancti Stephani aliquid parrochie concederet. Cujus petitioni piissimus presul annuens concessit ejus capelle villam Curtem et Stogium et villam Exartis, ea scilicet firmitatis ratione ut eadem capella cum ipsis pertinentiis semper subjaceat vico Sancti Martini, et ipsi sacerdotes qui vico prescripto Sancti Martini prefuerint eamdem capellam Sancti Stephani absque ulla teneant alicujus contradictione, molestia vel inquietudine. Quod si aliquis servorum ipsam capellam vico Sancti Martini abstrahere voluerit, predictarum villarum decime cum omni integritate sua ad ecclesiam et vicum superius nominatum redeant; jubendo precipimus atque subscribimus manu propria et fidelibus nostris subscribendo roborare precipimus. Actum Matiscone urbe publice.

Numéro CBMA : 40 évêque Geraldus (887-926)

Mâcon, AD Saône-et-Loire, G 198, Cartulaire de la cathédrale Saint-Vincent de Mâcon (Livre à la chaîne) (cartulaire)