MAYMBODUS EPISCOPUS MATISCENSIS DAT VISLEMARO IN PRECARIAM CAPELLAM SANCTI STEPHANI IN LINTINIACO ET TERRAM MARTIS CAMPI. Le chapitre cathédral Saint-Vincent de Mâcon donne à Vislemarus une chapelle située dans la villa Lintiniaco, avec ses dépendances, moyennant le paiement d'un cens de 6 sous.

Sacre Matiscensis ecclesie filiis presentibus scilicet et futuris intimare dignum duximus, quia cum esset domnus Maimbodus presul venerandus apud Matisconem intra incliti martiris Christi Vincentii basilicam residens in suorum collegio fidelium, adiit genua pietatis ejus quidam vir fidelis hujus predicte ecclesie filius, nomine Vislemarus, omni supplicatione deposcens conferri sibi aliquid ab eo ex rebus prescripti martiris, capellam videlicet unam in pago prefato in honore protomartiris Stephani dicatam et in Lintiniaco villa sitam, que est ex ratione canonicorum Vincentii atlethe Domini prestantissimi, et ex indominicatu supradicti pontificis terra Martiscampum cum omnibus appendentiis, cujus petitionem digne recipientes tam domnus pontifex quam prepositus Umbertus et reliqui fratres concesserunt sibi et uxori ipsius Anne prenominatam capellam cum beneficio sibi debito, cum rebus et decimis sibi pertinentibus secundum canonicum ordinem dispositis in laïcali potestate concessit, sed non aliter ipso jubente clericis distributis ut dum simul advixerint, sub directo censu denariorum ad usus fratrum VI solidos persolvant, ad cameram vero presulis de Martiscampo denarios XII, in paratis solidos IIII, in eulogiis denarios VI, soluto censu omni tempore vite sue teneant simul quod acquisierint nullo contradicente. Maimbodus episcopus fieri firmarique precepit. S. Umberti, prepositi humilis. S. Odonis, abbatis. S. Adalardi, archidiaconi. S. Berardi, levite. Data per manum Aymini cancellarii mense julio regnante Ludovico rege.

Numéro CBMA : 22 Louis IV d'Outremer (936-954) évêque Maimbodus (937-962) Humbertus prepositus (938-958)

Mâcon, AD Saône-et-Loire, G 198, Cartulaire de la cathédrale Saint-Vincent de Mâcon (Livre à la chaîne) (cartulaire)